Uppfærsla á skráningum þínum í Luxe

Gestgjafar Luxe njóta góðs af sjálfsafgreiðslutólum sem einfalda uppfærslur á skráningarsíðunni og tryggja þannig að upplýsingar þar séu sem nákvæmastar. Þú getur uppfært stöðu skráningarinnar og skráningarupplýsingar hvenær sem er með því að opna þínar skráningar. Þessi sjálfsafgreiðslueiginleiki stendur til boða allan sólarhringinn og er fljótleg og einföld leið til að gera breytingar án þess að þurfa að bíða eftir aðstoð frá starfsfólki okkar.

Það er mikilvægt að skráningarupplýsingar þínar á Airbnb standist ávallt og séu nákvæmar. Þetta á við um upplýsingar eins og verð, framboð og reglur eða kröfur sem eiga við um gesti þína eða eignina sjálfa. Ónákvæmar eða ótilgreindar upplýsingar geta gefið ranga mynd og leitt til óánægju gesta og neikvæðra umsagna.

Þegar þú gerir meiriháttar breytingar skaltu hafa í huga að slíkt gæti haft áhrif á dvöl væntanlegra gesta og þér ber að standa við upphaflega bókunarskilmála. Við hvetjum þig til að hafa samband við gestina og/eða ferðahönnuðinn að fyrra bragði, til að láta viðkomandi vita af breytingunum og öðrum valkostum sem þú kannt að bjóða upp á í staðinn.

Skráningarupplýsingar

Flipi skráningarupplýsinga veitir þér færi á að lýsa eigninni og leggja áherslu á það sem einkennir hana helst. Í þessum hluta getur þú stillt stöðu eignarinnar á korti og veitt gestum ferðaupplýsingar eins og innritunarleiðbeiningar, upplýsingar um þjónustu og þægindi sem boðið er upp á og tilgreint aðgengiseiginleika ef við á. Opnaðu skráningar og veldu skráninguna sem þú vilt breyta.

Staðsetning

Staðsetning á korti

Þú getur valið hvernig staðsetning eignarinnar birtist væntanlegum gestum með því að velja einn af eftirfarandi valkostum:

• Almenn staðsetning: Gestir sem leita að gistiaðstöðu fá að sjá svæðið þar sem eignin er staðsett en ekki nákvæma staðsetningu. Gestir geta séð hverfið þar sem eignin er og hversu nálægt hún er kennileitum, stoppistöðvum og öðrum áhugaverðum stöðum. Þegar bókunin hefur verið staðfest sjá þeir nákvæma staðsetningu og heimilisfangið.
• Nákvæm staðsetning: Gestir sem leita að gistiaðstöðu fá að sjá nákvæmari staðsetningu eignarinnar. Gestum er sýndur lítill kringlóttur pinni sem gefur mjög góða mynd af staðsetningunni en ekki alveg nákvæmlega hvar eignin er. Við munum eftir sem áður sýna gestum með staðfestar bókanir nákvæma staðsetningu ásamt heimilisfangi eignarinnar.
• Leiðarlýsing: Til að tryggja að gestir eigi auðvelt með að finna eignina mælum við með því að þú látir fylgja ítarlegar akstursleiðbeiningar að eigninni frá algengasta flugvellinum/höfninni/lestarstöðinni.

Upplýsingar fyrir gesti

Innritunarleiðbeiningar

Veldu viðeigandi innritunarmáta fyrir skráninguna og tilgreindu aðrar upplýsingar sem gestir gætu þurft á að halda, svo sem aðgangskóða að hliði eða talnaborðskóða.

Ef fulltrúi sér um innritun gesta í eigin persónu skaltu taka fram hvernig móttakan eða sýningarferðin um staðinn gengur fyrir sig. Hér eru dæmi um upplýsingar sem vert er að hafa í huga:

• Hvenær og hvar er tekið á móti gestum?
• Hvaða upplýsingar (t.d. varðandi þægindi) ættu gestir að verða sér úti um frá fulltrúanum?
• Er skutlþjónusta innifalin?
• Ættu gestir að láta tiltekinn aðila vita þegar þeir leggja af stað frá flugvellinum?

Húsleiðbeiningar

Láttu gestum þínum líða eins og heima hjá sér með hugulsömum húsleiðbeiningum. Notaðu þennan hluta til að setja inn útritunarleiðbeiningar ásamt samskiptaupplýsingum fulltrúa á staðnum.

Bókunarstillingar

Bókunarbeiðni: Þú færð tilkynningu í tölvupósti frá automated@Airbnb.com þegar einhver sendir þér bókunarbeiðni. Þú hefur einn sólarhring til að samþykkja eða hafna bókunarbeiðni áður en hún rennur út. Þegar þér berst bókunarbeiðni verða umbeðnar dagsetningar teknar frá í dagatalinu þínu þannig að aðrir gestir geti ekki óskað eftir þeim fyrr en þú hefur samþykkt eða hafnað beiðninni.

Hraðbókun: Gerir gestum kleift að bóka með fljótari hætti, án þess að þurfa að senda þér beiðni varðandi framboð. Þú tilgreinir allar reglur og kröfur fyrir fram. Frekari upplýsingar um hvernig hraðbókun er notuð.

Hafðu eftirfarandi í huga ef þú býður ekki upp á hraðbókun:

• Þú gætir fengið færri bókanir: Skráningar sem bjóða upp á hraðbókun birtast ofar í leitarniðurstöðum og eiga það til að ná til fleiri gesta.
• Þú þarft að fara yfir allar bókunarbeiðnir: Ef þú býður ekki upp á hraðbókun verða bókanir ekki samþykktar sjálfkrafa.
• Þú þarft að svara öllum beiðnum innan sólarhrings: Svarir þú ekki tímanlega getur það haft áhrif á stöðu skráningarinnar í leitarniðurstöðum.

Húsreglur

Þú getur breytt almennum húsreglum hverrar skráningar, þar á meðal hvort tiltekin eign sé barnvæn eða ekki, hvort reykingar eða gæludýr séu leyfð og hvort leyfilegt sé að halda viðburði á staðnum. Gættu þess að tilgreina allar viðbótarreglur sem eiga sérstaklega við um eignina.

Stefnur og reglur

Þú getur tilgreint afbókunarreglu skráningarinnar og hvort hraðbókun sé í boði eða ekki. Viljir þú breyta afbókunarreglunni hjá þér skaltu kynna þér afbókunarreglur gestgjafa fyrst. Athugaðu að nýja afbókunarreglan gildir aðeins um nýjar bókanir.