Hvernig staðsetningu er bætt við
Gestir gætu skoðað hve nálægt eignin þín er þeim stöðum sem þeir hyggjast heimsækja áður en þeir bóka hjá þér.
Þú getur valið milli þess að gefa upp almenna eða nákvæma staðsetningu heimilisins á kortinu sem birtist í leitarniðurstöðum og á skráningarsíðunni. Gestir fá heimilisfangið þó aldrei fyrr en bókun þeirra er staðfest.
Hvernig staðsetningu er bætt við
1. Sláðu inn götuheitið. Byrjaðu á því að slá það inn og þegar rétta heimilisfangið birtist velur þú það.
2. Staðfestu heimilisfangið. Bættu við ítarupplýsingum ef þess þarf eins og íbúðar- eða herbergisnúmeri.
3. Gættu þess að pinninn sé á réttum stað. Sé pinninn ekki á réttum stað skaltu færa kortið til þar til hann bendir á réttan stað.
4. Veldu kort. Kortið sýnir almenna staðsetningu eignarinnar á skráningarsíðunni nema þú ákveðir að sýna nákvæma staðsetningu.
- Kortið með almennri staðsetningu sýnir svæðið í kringum eignina í innan við 1 km radíus (hálf míla) frá heimilisfanginu.
- Kortið með nákvæmu staðsetningunni sýnir pinna við næstu þvergötu en ekki húsið sjálft.
Yfirfarðu upplýsingarnar og leiðréttu villur áður en þú heldur áfram. Þú getur ekki gert breytingar án þess að hafa samband við þjónustuver Airbnb eftir að fyrsta bókunin er staðfest.