Þegar dóttir mín fór út í nám var ég eftir með stóra íbúð og mikil útgjöld. Ég velti því fyrir mér að flytja en á endanum ákvað ég að skrá herbergið hennar á Airbnb og sjá til hvað verða mundi.

Þú verður að njóta þess að fá gesti, deila hlutum og vera til staðar svo að það fari örugglega vel um gestina og þá vanhagi ekki um neitt. En mikilvægast af öllu er að geta gefið þeim ábendingar um það sem þeir þurfa á að halda eða sem getur gert ferð þeirra betri. Það er það sem gerir okkur frábrugðin hótelum. Þetta þarf að vera mikilvægara en tekjurnar einar og sér.

Nokkrum dögum áður sendi ég ítarlegar upplýsingar um innritun og hvernig fólk kemst að húsinu af flugvellinum eða lestarstöðinni. Síðan fer ég yfir og passa að svefnherbergið og baðherbergið séu tandurhrein og allt sem þarf sé til staðar (handklæði, sápa o.s.frv.). Ég merki kóðann fyrir þráðlausa netið og skil eftir kort af neðanjarðarlestunum í París og aðra bæklinga.

Að hitta og spjalla við gesti! Bregðast við þörfum þeirra svo að þeir fari ánægðir á brott með magnaðar minningar úr ferðinni.

Mér þótti alltaf vænt um að koma að hlýlegu, hreinu og snyrtilegu heimili. Að vera gestgjafi hefur gert mér kleift að sinna viðhaldi á íbúðinni og halda henni vel við.

Eitt sinn þegar ég kom heim rambaði ég inn á gestinn hjá mér þá nóttina. Henni krossbrá þegar hún sá mig og spurði mig hver ég væri. Ég bað hana um að endurtaka spurninguna af því að ég var ekki viss um að ég hefði skilið hana. Síðan sagði ég henni að ég væri gestgjafinn. Þá spurði hún: „Verður þú hérna alla daga?“ Og ég svaraði: „Ha, já; ég bý hérna.“ Hún hélt að hún hefði bókað alla íbúðina út af fyrir sig. Við hlógum nú svolítið að þessu og gistingin hennar gekk mjög vel.