Hvernig Airbnb gætir öryggis gestgjafa

Við erum þér innan handar á meðan þú tekur á móti gestum. Reglur okkar og þjónusta veita þér vernd svo lengi sem þú notar Airbnb í samskiptum, við bókun og við greiðslu.

AirCover fyrir gestgjafa veitir gestgjöfum vernd frá A til Ö. Hún felur í sér ábyrgðartryggingu gestgjafa sem nemur allt að 1 milljón Bandaríkjadala. Verndinni fylgir einnig eignavernd gestgjafa upp að 3 milljónum Bandaríkjadala sem nær yfir listmuni, verðmæti, bíla, báta, önnur vélknúin ökutæki og báta sem lagt er eða geymd eru í eigninni þinni og fleira.

AirCover fyrir gestgjafa felur í sér öryggisráðstafanir eins og staðfestingu á auðkenni gesta áður en ferð hefst, til að tryggja að bókunaraðilar séu þeir sem þeir segjast vera. Við gerum bakgrunnsathugun á gestum sem bóka eftir því sem lög leyfa og athugum hvort gestir sem bóka séu á tilteknum vöktunar- eða viðurlagalistum. Tækni okkar til að skima bókanir hjálpar einnig til við að draga úr líkum á samkvæmum sem valda ónæði og eignatjóni.

Þjónustuver Airbnb er opið allan sólarhringinn, alla daga vikunnar, og býður aðstoð á 64 tungumálum.

• Símanúmer og netaðstoð: Hringdu í okkur ef erindið er brýnt. Sendu okkur skilaboð ef erindið er ekki brýnt, t.d. ef um er að ræða uppfærslu á dagatalinu eða breytingu á verði.
• Sérhæft þjónustuver fyrir ofurgestgjafa: Ofurgestgjafar fá sjálfkrafa samband við sérhæfðan starfsmann þjónustuvers Airbnb þegar þeir hafa samband við Airbnb.
• Öryggisaðstoð allan sólarhringinn: Ef þú óttast um öryggi þitt hefur þú aðgang að sérþjálfuðum öryggisfulltrúum, dag sem nótt, með einu pikki úr appinu okkar.

Airbnb gerir kröfu um að allir gestir fylgi grunnreglum fyrir gesti. Þeir verða að ganga vel um eignina, fylgja húsreglum þínum, láta þig vita tímanlega ef eitthvað kemur upp á og skilja við heimilið í ástandi sem krefst ekki óhóflegra þrifa. Allir gestir sem bóka ganga að þessum grunnreglum áður en gengið er frá bókun. 

Ef gestur fylgir ekki grunnreglunum getur þú tilkynnt það með því að hafa samband við þjónustuver Airbnb, eða gefa viðkomandi lága einkunn fyrir hreinlæti eða húsreglur í umsagnarferlinu. Gestir sem brjóta ítrekað gegn almennum húsreglum gætu verið frystir eða fjarlægðir af verkvangi Airbnb.

Samkvæmt grunnreglum er hægt að framfylgja húsreglum og þú getur greint gestum frá væntingum sem eiga sérstaklega við um eignina þína. Þú getur valið úr lista okkar yfir almennar húsreglur hvað varðar eftirfarandi atriði:

• Gæludýr
• Viðburði
• Reykingar og rafrettur
• Kyrrðartíma
• Inn- og útritunartíma
• Hámarksfjölda gesta
• Myndatöku og kvikmyndun í atvinnuskyni

Ef þú ert með sérstakar leiðbeiningar sem koma ekki fram í almennu húsreglunum getur þú komið þeim á framfæri í viðbótarreglunum í skrángarstillingum. Þú gætir til dæmis beðið gesti um að loka og læsa öllum gluggum fyrir útritun.

Umsagnir og notendalýsingar gesta hjálpa þér að kynnast gestum áður en dvöl þeirra hefst. Gestir sem ganga frá bókun eða taka þátt í ferð eru beðnir um að útbúa ítarlega notandalýsingu með ljósmynd og upplýsingum um sig. 

Þú getur treyst því að umsagnir gesta séu byggðar á raunverulegri upplifun þar sem gestgjafar og gestir geta aðeins gefið umsögn að bókun lokinni. Þú getur einnig spurt gesti spurninga og greint frá væntingum hvenær sem er áður en dvölin hefst.

Ef þú býður hraðbókun getur þú valið að bjóða hana aðeins gestum sem hafa lokið að minnsta kosti einni gistingu án þess að eitthvað hafi komið upp eða án lágra einkunna. Ef þú vilt samþykkja bókunarbeiðnir handvirkt getur þú skoðað notandalýsingar og umsagnir gesta áður en þú samþykkir bókun. 

Þú getur alltaf afbókað ef þú hefur gilda ástæðu til að ætla að samkvæmi verði haldið meðan á bókuninni stendur, svo lengi sem þú fylgir afbókunarreglu gestgjafa. Ef þú hefur slæma tilfinningu fyrir tiltekinni ferðabeiðni getur þú hafnað henni, svo lengi sem þú fylgir reglum okkar gegn mismunun.

Eignavernd gestgjafa, sem heyrir undir AirCover fyrir gestgjafa, ábyrgðartrygging gestgjafa og ábyrgðartrygging upplifana og þjónustu ná hvorki yfir gestgjafa sem bjóða heimili eða upplifanir í Japan, þar sem japanska gestgjafatryggingin og japanska upplifanatryggingin gilda, né gestgjafa sem bjóða gistingu í gegnum Airbnb Travel LLC. Hafðu í huga að öll tryggingarmörk eru sýnd í Bandaríkjadölum.

Ábyrgðartrygging gestgjafa og ábyrgðartrygging upplifana og þjónustu eru vátryggðar af utanaðkomandi tryggingarfélögum. Zurich Insurance Company Ltd. er vátryggjandi ábyrgðartrygginga gestgjafa og upplifana fyrir gestgjafa sem bjóða gistingu, upplifanir eða þjónustu í Bretlandi. Airbnb U.K. Services Limited, tilnefndur fulltrúi Aon U.K. Limited — sem er með heimild og undir eftirliti fjármálaeftirlitsins (FCA) — sér um tryggingarnar og gengur frá samningum gestgjöfum í Bretlandi að kostnaðarlausu. Skráningarnúmer Aon hjá breska fjármálaeftirlitinu (FCA) er 310451. Þú getur staðfest upplýsingarnar með því að skoða fjármálaþjónustuskrána eða með því að hafa samband við FCA í síma 0800 111 6768. Ábyrgðartrygging gestgjafa og ábyrgðartrygging upplifana og þjónustu samkvæmt AirCover fyrir gestgjafa lúta eftirliti breska fjármálaeftirlitsins (FCA). Aðrar vörur og þjónusta eru ekki eftirlitsskyldar vörur í umsjá Airbnb UK Services Limited. FPAFF610LC

Í ESB hefur Airbnb Marketing Services SLU, utanaðkomandi samstarfsaðili Aon Iberia Correduría de Seguros y Reaseguros, SAU, séð alfarið um þessar tryggingar án nokkurs viðbótarkostnaðar fyrir gestgjafa innan ESB. Félagið hefur heimild og starfar undir eftirliti Autoridad de Control de la Dirección General de Seguros y Fondos de Pensiones, skráð með raðnúmerinu J0170. Aon Iberia Correduría de Seguros y Reaseguros SAU starfar sem milliliður fyrir ESB og tekur þátt í tryggingamiðlun í löndum innan ESB samkvæmt reglum um þjónustufrelsi til að veita þjónustu samkvæmt spænskum lögum um vátryggingastarfsemi, tilskipun um vátryggingastarfsemi og öðrum laga- eða reglugerðarákvæðum. Með fyrirvara um valdsvið landsins þar sem gistingin á sér stað og þjónusta tryggingamiðlunar er veitt, er aðildarríkið sem ber ábyrgð á eftirliti Aon konungsríkið Spánn og eftirlitsyfirvaldið, aðalskrifstofa vátrygginga og lífeyrissjóða, að Paseo de la Castellana 44, 28046 - Madríd.

Eignavernd gestgjafa er ekki vátrygging og tengist ekki ábyrgðartryggingu gestgjafa. Samkvæmt eignavernd gestgjafa færðu endurgreiðslu vegna tiltekins tjóns sem gestir valda á heimili þínu og eigum ef gesturinn greiðir ekki fyrir tjónið. Samningsbundnar skyldur Airbnb samkvæmt eignavernd gestgjafa falla undir vátryggingu sem Airbnb kaupir fyrir skráningar á eignum í Washington-fylki. Þessir skilmálar eignaverndar gestgjafa gilda fyrir gestgjafa með skráða búsetu eða starfsstöð utan Ástralíu. Ef skráð búseta gestgjafa eða starfsstöð er innan Ástralíu er eignavernd gestgjafa háð skilmálum eignaverndar gestgjafa fyrir ástralska notendur.

Upplýsingarnar í þessari grein gætu hafa breyst frá birtingu.