Hve mikið innheimtir Airbnb af gestgjöfum?
Aðalatriði
Flestir gestgjafar greiða þjónustugjald sem nemur 3% af millisamtölu bókunarinnar
Þjónustugjald gesta er yfirleitt í kringum 14% af millisamtölu bókunarinnar
Þessi gjöld gera Airbnb kleift að aðstoða gestgjafa og standa undir rekstri
Gestaumsjón er leið til að afla tekna fyrir marga og tengjast ferðamönnum frá öllum heimshornum. En hve mikið innheimtir Airbnb og hvaða áhrif hefur það á gestgjafa og gesti?
Með góðum skilningi á því sem felst í þjónustugjöldum Airbnb og hvers vegna við leggjum þau á getur þú komið þér upp verðstefnu sem hentar þér og eigninni þinni.
Hve mikið innheimtir Airbnb?
Flestir gestgjafar greiða fast þjónustugjald sem nemur 3% af millisamtölu bókunarinnar. Millisamtalan er gistináttaverð ásamt valfrjálsum gjöldum sem þú innheimtir af gestum, eins og ræstingagjaldi, að undanskildum gjöldum Airbnb og sköttum. Þjónustugjald gesta er yfirleitt í kringum 14% af millisamtölu bókunarinnar.
Ef þú innheimtir til dæmis USD 100 fyrir þriggja nátta gistingu, auk USD 60 ræstingagjalds er millisamtala bókunarinnar USD 360. Þjónustugjald gestgjafa, sem nemur almennt 3% af millisamtölu bókunarinnar (USD 10,80), dregst frá tekjum þínum og þjónustugjald sem nemur 14% (USD 50,40) er innheimt af gestum og innifalið í heildarupphæðinni sem þeir koma til með að greiða. Í þessu dæmi:
- Þú myndir vinna þér inn USD 349,20
- Gesturinn myndi greiða USD 410,40
Þjónustugjöld Airbnb eru samkeppnishæf og við innheimtum ekki úrvinnslukostnað greiðslna. Þetta gerir gestgjöfum kleift að halda stærri hluta af tekjum sínum.
Af hverju innheimtir Airbnb þjónustugjöld?
Við reiðum okkur á gjöld til að Airbnb virki snurðulaust og til að standa straum af kostnaði við vörur og þjónustu sem hjálpa þér að deila eigninni þinni, þar á meðal:
- Þjónustuver sem er opið allan sólarhringinn
- Markaðssetning til gesta í gegnum Google, samfélagsmiðla og fleira
- Vernd fyrir þig og eignina þína
- Fræðslugögn fyrir gestgjafa
Skoðaðu myndbandið hér að ofan fyrir frekari upplýsingar um gjöld.
Gera gestir sér grein fyrir þessum gjöldum?
Hvar sé ég hvað gestir koma til með að borga?
Þegar bókun er staðfest eru öll viðeigandi gjöld sýnd í sundurliðun verðs í bókunarupplýsingum gestgjafa og staðfestingarpósti bókunar svo að þú getir greinilega fundið eftirfarandi:
- Gjöld og skatta sem Airbnb innheimtir
- Öll viðbótargjöld sem þú innheimtir (eins og ræstingagjald)
- Heildarverðið sem gestir þínir munu greiða
- Útborgunina til þín
Þetta þýðir að þú þarft aldrei að leita að heildarverði hjá þér þegar þú svarar spurningum gesta eða gerir breytingar. Þegar þér er ljóst hve mikið gestir borga verður umsjón með verðstefnum, endurgreiðslum, afbókunum og bókunarbeiðnum auðveldari.
Upplýsingarnar í þessari grein gætu hafa breyst frá birtingu.
Aðalatriði
Flestir gestgjafar greiða þjónustugjald sem nemur 3% af millisamtölu bókunarinnar
Þjónustugjald gesta er yfirleitt í kringum 14% af millisamtölu bókunarinnar
Þessi gjöld gera Airbnb kleift að aðstoða gestgjafa og standa undir rekstri