Fínstilltu skráningarsíðu fyrir gestgjafa

Þú getur nýtt tímann sem þú hefur varið í að sinna hlutverki gestgjafa eða samgestgjafa á Airbnb og miðlað fenginni reynslu og þekkingu til gestgjafa sem þú átt í samstarfi við til að hjálpa viðkomandi að ná einnig árangri.

Notaðu fengna reynslu og kunnáttu, eins og að bæta við þægindum og semja góðan skráningartitil, til að aðstoða gestgjafa við að útbúa nýja skráningarsíðu og ná til mögulegra gesta eða bæta núverandi skráningarsíðu til að láta hana skara fram úr.

Þú getur veitt góða og nákvæma mynd af því sem tiltekin eign hefur upp á að bjóða með rétta titlinum, skráningarlýsingunni, myndunum, þægindunum og verðinu.

Skráningarlýsingin getur verið helsti styrkleiki árangursríkrar skráningar. Hún gefur gestum mynd af því hverju gera má ráð fyrir og hvað er sérstakt við eignina.

Reyndu að lýsa eigninni af eins mikilli nákvæmni og hægt er til að gefa réttar væntingar og stuðla að bókunum og notaðu nýjar myndir til að gera sem mest úr töfrandi eiginleikum eignarinnar.

Hvað varðar nýja gestgjafa „get ég útbúið skráningarsíðuna fyrir þá,“ segir Jimmy, reyndur samgestgjafi í Palm Springs, Kaliforníu. Hann hjálpar þeim sem hafa nú þegar komið sér upp skráningarsíðu að uppfæra hana og gætir þess að skráningarlýsingin sé vel gerð og að ítarlegar húsreglur séu til staðar.

Hér er til dæmis upphaf skráningarlýsingarinnar sem Jimmy skrifaði sem samgestgjafi:

Breiddu úr þér með vinum og fjölskyldu í rúmgóðu húsi með spænsku ívafi þar sem bóhem-andinn er áþreifanlegur. Í bakgarðinum er saltvatnslaug með sólbaðspalli og nuddpotti sem rúmar átta manns. Innandyra eru leirflísar sem leiða að notalegum svefnherbergjunum.

Jafnvel þótt þú takir glæsilegar myndir og skrifir frábæra skráningarlýsingu er ekki víst að gestir bóki hjá þér nema að verðið sé samkeppnishæft og endurspegli virði eignarinnar. Dominic, reyndur samgestgjafi í Cornwall, Englandi, ræðir um verð og væntingar þegar hann hefur vegferð með nýjum gestgjafa.

„Ég fer yfir eignirnar vikulega eða aðra hvora viku,“ segir Dominic. „Hvernig er staðan á bókunum? Ef bókanir fara hratt út þá veistu að verðmöguleikarnir eru til staðar. Ef þær ganga hægt fyrir sig og fólk er að skoða en ekki bóka, gæti verið að verðið sé of hátt.“

„Ég haga verðinu í samræmi við eftirspurn og nýtingarhlutfall á svæðinu,“ segir Sabrina, reyndur samgestgjafi í Denver, Colorado. „Yfirleitt lengi ég aðeins lágmarksdvölina eða skipti yfir í langdvalir yfir lágannatímann.“

Upplýsingarnar í þessari grein gætu hafa breyst frá birtingu.