Afbókunarskilmálar

Hjá Airbnb geturðu valið milli þriggja staðlaðra afbókunarreglna (sveigjanlegrar, hóflegrar og strangrar) sem við munum beita til að vernda hagsmuni bæði gesta og gestgjafa. Ofurstrangar afbókunarreglur eiga við undir sérstökum kringumstæðum og ekki er hægt að óska eftir að nota þær. Langtímaafbókunarreglan gildir um allar bókanir sem vara 28 nætur eða lengur. Afbókunarreglan, sem gildir, verður alltaf birt greinilega á öllum skráðum eignum og bókunum á síðunni okkar. Gestir geta hætt við bókun og skoðað mögulegar refsingar með því að skoða ferðaáætlunina sína og smella á „Hætta við“ hjá viðeigandi bókun. Gestgjafi getur séð þann fjölda bókana sem gestur hefur hætt við síðastliðna 12 mánuði þegar gesturinn sendir bókunarbeiðni.

Sveigjanleg: Full endurgreiðsla 1 degi fyrir komutíma

  • Ræstingagjöld eru alltaf endurgreitt ef það er afbókað fyrir innritun.
  • Þjónustugjald Airbnb fæst endurgreitt (allt að þrisvar sinnum á ári) ef gesturinn afbókar áður en ferðin hefst. Réttur til endurgjalds ræðst af bókunartíma og byggir á fjölda fyrri afbókana og síðari bókana þar sem um rétt til endurgjalds er að ræða. Ef gestur gengur frá bókun sem nær yfir sömu daga og einhver hluti gildrar bókunar munum við ekki endurgreiða þjónustugjald Airbnb ef hann fellur frá bókuninni.
  • Gistikostnaður (samtals fjárhæð sem er innheimt fyrir allar gistinætur) fæst endurgreiddur við tilteknar aðstæður eins og greint er frá hér að neðan.
  • Ef annar hvor aðilinn hefur kvörtun þarf að tilkynna Airbnb um hana innan við sólarhring frá innritun.
  • Airbnb mun miðla málum ef nauðsynlegt þykir og hefur lokaorð í öllum ágreiningi.
  • Bókun er formlega felld niður þegar gestur ýtir á afbókunarhnappinn á staðfestingarsíðu fyrir afbókun sem gestir eru með í Stjórnborðið > Þínar ferðir > Breyta eða afbóka
  • Afbókunarreglu kann að vera vikið til hliðar vegna reglna um endurgreiðslu til gesta, gildra málsbóta eða afbókana sem Airbnb gengur frá af öðrum ástæðum sem eru heimilar samkvæmt þjónustuskilmálum. Vinsamlegast kynnið ykkur þessar undaþágur.
  • Álagðir skattar verða dregnir frá og þeim skilað inn.
1 degi fyrir
fim, 17. ágú 2017
15:00
Innritun
fös, 18. ágú 2017
15:00
Útritun
mán, 21. ágú 2017
11:00
Dæmi

Til þess að fá gistikostnað endurgreiddan að fullu þarf að afbóka sólarhring fyrir innritunartíma á staðnum (eða klukkan 15:00 á staðartíma ef annað er ekki tekið fram). Ef innritun er til dæmis á föstudegi þarf að vera búið að afbóka á fimmtudegi í sömu viku.

Afbóki gestur minna en 24 klukkustundum fyrir áætlaða innritun er fyrsta nóttin ekki endurgreidd.

Gestur fær endurgreitt að fullu fyrir ónotaðar nætur sem eru meira en sólarhring eftir formlega afbókun ef hann innritar sig og ákveður að ljúka bókun snemma.