Hvernig má vernda börn gegn kynferðislegri misnotkun

Sem gestgjafi getur þú gert ráðstafanir til að vernda börn gegn kynferðislegri misnotkun í eign þinni. Með þessi atriði í huga hvetjum við þig eindregið til að tilkynna grun um kynferðislega misnotkun barns til CyberTipline. Þér ber einnig að fylgja reglum Airbnb um notkun myndavéla og upptökubúnaðs ef þú notar myndavélar í eða við eign þína. Samkvæmt reglunum ætti slíkur búnaður aldrei að vakta einkarými og láta ber gesti vita af honum í skráningarlýsingunni.

Skilgreining á kynferðislegri misnotkun barna

Kynferðisleg misnotkun barna getur haft margar birtingarmyndir og er vanalega skilgreind sem:

1. Þvingun eða hvatning barns til að taka þátt í hvers konar kynferðislegri athöfn
2. Börn neydd í vændi eða aðrar kynferðislegar athafnir
3. Misnotkun barna í klámfengnum athöfnum, sýningum og efni

Mögulegar vísbendingar

Börn sem verða fyrir kynferðislegri misnotkun sýna hegðunarmynstur sem er einkennandi fyrir einstakling sem hefur orðið fyrir áfalli. Hér að neðan eru nokkrar algengar vísbendingar um að barn gæti verið fórnarlamb kynferðislegrar misnotkunar:

• Líkamleg merki misnotkunar
• Lítur út fyrir að vera undir áhrifum vímuefna eða áfengis
• Óviðeigandi snerting milli barns og fullorðins

Kynferðisleg misnotkun barna getur átt sér stað á Netinu og í eigin persónu og rannsóknir sýna að ein af hverjum fimm stúlkum og einn af hverjum 20 drengjum verða fyrir kynferðislegri misnotkun af einhverjum toga fyrir 18 ára aldur. Hinsegin ungmenni eru um 7,4 sinnum líklegri til að verða fyrir kynferðisofbeldi en gagnkynhneigð, heimilislaus ungmenni.

Að draga úr hættu á kynferðislegri misnotkun barna

Ef gestgjafar nota myndavélar í eignum sínum ætti slíkur búnaður aldrei að vakta einkarými eins og svefn- og baðherbergi. Láta þarf gesti vita af öllum búnaði í sameiginlegum rýmum svo að gestir geti gert viðeigandi ráðstafanir til að tryggja að myndavélar taki ekki óvart nektarmyndir af börnum sem dvelja í eigninni. Gestgjafar ættu einnig að tryggja öflugt netöryggi til að lágmarka líkurnar á brotist verði inn í myndvélar og þær notaðar til að taka nektarmyndir af börnum.

Frekari upplýsingar um hvernig má koma í veg fyrir kynferðislega misnotkun barna má finna í fræðsluefni frá National Center for Missing and Exploited Children, ECPAT-USA og International Center for Missing & Exploited Children.