Stökkva beint að efni
    Haltu áfram til að sjá tillögur að niðurstöðum
    Fréttir af COVID-19
    Veldu bókun á ferðasíðunni til þess að finna valmöguleika fyrir afbókanir og endurgreiðslu. Reglur okkar um gildar málsbætur eiga aðeins við um tilteknar bókanir. Við setjum inn fréttir 1. og 15. dag hvers mánaðar.

    Hvaða heilsu- og öryggisleiðbeiningar gilda um gestgjafa og gesti á Airbnb?

    Mikilvægt er að hafa heilsu og öryggi í huga meðan á heimsfaraldri COVID-19 stendur. Við höfum útbúið eftirfarandi leiðbeiningar fyrir gestgjafa og gesti eigna sem eru skráðar á Airbnb miðað við leiðsögn frá Alþjóðaheilbrigðismálastofnuninni og Sóttvarnarstofnun Bandaríkjanna. Þú ættir einnig að fylgjast áfram með opinberum ferðaráðleggingum og fylgja öllum viðmiðunarreglum sem gilda í landinu og á staðnum.

    Airbnb hefur kynnt leiðbeiningar og þjónustu til að taka á áhyggjum varðandi heilsu og öryggi en þessar ráðstafanir geta ekki útilokað alla áhættu. Ef þú ert í áhættuhópi (t.d. fólk sem er eldra en 65 ára eða fólk með undirliggjandi sjúkdóma eins og sykursýki eða hjartasjúkdóma) mælum við með því þú leitir ráða hjá fagaðilum og gætir þín sérstaklega þegar þú tekur ákvörðun um að bóka gistingu eða upplifun á Airbnb. Frekari upplýsingar um heilsu- og öryggisleiðbeiningar vegna upplifana Airbnb.

    Við skulum gera okkar besta til að styðja hvert annað og auka velferð samfélagsins okkar á þessum fordæmalausu tímum. Gert er ráð fyrir því að allir gestgjafar og gestir fylgi þessum leiðbeiningum. Ef þú ert gestur áttu ekki rétt á endurgreiðslu ef gestgjafinn fellir bókun þína niður vegna þess að þú fórst ekki að leiðbeiningunum. Ef þú ert gestgjafi áttu að sama skapi ekki rétt á útborgun ef gestur afbókar vegna þess að þú fylgdir ekki heilsu- og öryggisleiðbeiningunum. Allir gestgjafar og gestir sem brjóta ítrekað gegn þessum leiðbeiningum geta orðið fyrir öðrum afleiðingum, þar á meðal tímabundinni lokun aðgangs eða að þeim verði vísað úr samfélaginu.

    Ekki ferðast eða taka á móti gestum ef þú sýnir einkenni COVID-19 eða hefur verið nálægt einhverjum með sjúkdóminn

    Til að vernda heilsu og öryggi samfélags okkar hefur Airbnb þá reglu að gestgjafar (og allir sem gætu verið í eign fyrir eða meðan á dvöl stendur) ættu hvorki að fara inn í eign, eða eignir, né komast í návist við gesti og gestir ættu ekki að innrita sig í eign ef eitthvað af eftirfarandi á við:

    • Þú ert með COVID-19 eða hefur greinst með COVID-19 undanfarna 30 daga
    • Þig grunar að þú hafir smitast, eða komist í tæri við, COVID-19 og þú bíður niðurstaðna úr skimun til að staðfesta hvort þú hafir COVID-19 eða ekki
    • Þú sýnir einkenni eða hefur áhyggjur af hugsanlegri COVID-19-smiti
    • Þú hefur verið um tíma nálægt einstaklingi sem er staðfest, eða grunur er á, að hafi fengið COVID-19 á síðustu 14 dögum*

    Frekari upplýsingar um það sem gera ber við að fá, eða koma nærri, COVID-19 er að finna í eftirfarandi skjölum:

    *Athugaðu að framlínugisting er með fyrirvara um önnur viðmið.

    Virtu nándarmörk

    Viðvörun: Airbnb hefur tilkynnt að frá og með 20. ágúst 2020 verði bannað um allan heim að halda samkvæmi og viðburði í eignum skráðum á Airbnb og hámarksfjöldi gesta verður 16 manns. Þetta samkvæmisbann gildir um allar nýjar bókanir á Airbnb og mun gilda varanlega þar annað verður tilkynnt. Frekari upplýsingar er að finna í reglum okkar um samkvæmi og viðburði.

    Þegar þú ert á sameiginlegu svæði eða í sameign (sem gestgjafi eða gestur) skaltu alltaf virða nándarmörk milli þín og allra sem falla ekki undir sömu bókun eins og viðeigandi eftirlitsyfirvöld mæla með (t.d. mælir Sóttvarnarstofnun Bandaríkjanna með 6 fetum en sóttvarnarlæknir á Íslandi með 2 metrum). Gestgjafar ættu að forðast að komast í snertingu við gesti og bjóða snertilausa innritun eins og mögulegt er.

    Mundu að ef þér finnst óþægileg tilhugsun að gista í sérherbergi eða sameiginlegu rými ættir þú að íhuga að bóka frekar heila eign. Ef þér finnst óþægileg tilhugsun að taka á móti gestum í sérherbergi eða sameiginlegu rými getur þú skráð alla eignina þína í heild eða hætt tímabundið að fá gesti sé það ekki hægt.

    Vertu með andlitsgrímu

    Ef gestgjafar og gestir verða að vera nærri hver öðrum, eða ef einstaklingar sem falla ekki undir bókunina hafa aðgang að sameign, ber öllum ávallt að hylja vit sín eins og mælt er með af eftirlitsyfirvöldum og -stofnunum á borð við Sóttvarnarstofnun Bandaríkjanna og Sóttvarnarstofnun Evrópu.

    Þvoðu hendurnar reglulega

    Gættu þess að þvo hendurnar oft, sérstaklega ef þú ert í snertingu við annað fólk en fellur undir bókunina og þú snertir yfirborð og áhöld í sameign eða á sameiginlegu svæði.

    • Þvoðu hendur vandlega með sápu og vatni í minnst 20 sekúndur
    • Ef sápa og vatn eru ekki tiltæk skaltu nota handhreinsi með að minnsta kosti 60% alkóhóli. Berðu hann á allar hendurnar og nuddaðu þær saman þar til þær eru orðnar þurrar

    Leiðbeiningar fyrir alla gestgjafa

    Við mælum auk þess með því að allir gestgjafar geri eftirfarandi:

    • Skuldbittu þig til að fylgja ítarlegri ræstingarreglum Airbnb sem hafa að geyma sérfræðileiðsögn um þrif og hreinsun fasteigna
    • Fylgdu leiðbeiningum á hverjum stað um hámarksfjölda fólks sem má koma saman í eigninni

    Viðbótarleiðbeiningar fyrir gestgjafa með sérherbergi og sameign

    Gestgjafar með sérherbergi eða samnýtt svæði á skrá ættu einnig að:

    • Takmarka gestafjölda svo að hægt sé að virða nándarmörk í sameign
    • Takmarka hvaða svæðum gestir hafa aðgang að til að koma í veg fyrir óþarfa áhættu fyrir gestgjafa sem og gesti
    • Loftræsta sameign meðan á dvöl stendur, þegar það er öruggt að gera það, eins og fram kemur í ræstingarreglunum
    • Þrífa og hreinsa sameign (svo sem baðherbergi og eldhús) eins oft og mögulegt er

    Stjórnvöld takmarka sums staðar gestaumsjón í sérherbergjum og sameiginlegum herbergjum og gætu einnig lagt aðrar kvaðir á vegna slíkra herbergja. Mundu að fara yfir og fylgja öðrum leiðbeiningum stjórnvalda og/eða staðbundinna heilbrigðisyfirvalda um öryggi og ræstingar.

    Hvað gera ber ef COVID-19 greinist meðan á dvöl stendur eða að henni lokinni

    Hafðu samband við okkur ef þú greindist með COVID-19 fyrir stuttu eða ef þú hefur fengið einkenni COVID-19 og hefur nýlega dvalið í eign eða verið í návist við gesti sem gestgjafi. Þú ættir einnig að láta viðkomandi yfirvöld á staðnum og lækninn þinn vita.

    Fékkstu þá aðstoð sem þú þurftir?