Tíu helstu lykilpunktar vetrarútgáfu Airbnb 2022

Athugasemd ritstjóra: Þessi grein var birt sem hluti af vetrarútgáfu Airbnb 2022. Upplýsingar gætu hafa breyst frá fyrstu birtingu. Frekari upplýsingar um nýjustu útgáfu okkar.

Við höfum fengið margar athugasemdir frá ykkur gestgjöfunum á undanförnu ári. Í kjölfar þessara athugasemda höfum við gert breytingar til að bæta upplifun gestgjafa.

1. Enn meira AirCover: Í AirCover fyrir gestgjafa er nú að finna vernd fyrir bíla og báta sem lagt er við heimili ásamt aukinni vernd fyrir listmuni og önnur verðmæti. Við aukum eignaverndina úr 1 milljón Bandaríkjadala í 3 milljónir Bandaríkjadala.

2. Staðfesting á auðkenni gesta: Staðfesting á auðkenni hefur verið útvíkkuð til allra gesta sem bóka ferðir til 35 vinsælustu landanna og svæðanna á Airbnb; en það eru 90% af öllum bókunum. Hún mun svo ná til alls heimsins snemma á árinu 2023.

3. Bókunarskimun: Við höfum búið til skimunartækni sem greinir um hundrað þætti til að flagga bókanir þar sem líkur eru á samkvæmishaldi án leyfis eða eignatjóni. Eftir vel heppnaða prófun í Ástralíu erum við að byrja að bjóða tækni til að skima bókanir í Bandaríkjunum og Kanada. Tæknin verður svo boðin um allan heim snemma árs 2023.

4. Einfaldara endurgreiðsluferli: Hægt er að biðja um endurgreiðslu í nokkrum skrefum.

Frekari upplýsingar um breytingar á AirCover fyrir gestgjafa

5. Gestir axla meiri ábyrgð: Við erum að innleiða grunnreglur fyrir gesti, en það eru ný viðmið sem hægt verður að framfylgja og þar sem farið er fram á að gestir gangi vel um heimili og fylgi húsreglunum. Allir gestir verða að ganga að þessum grunnreglum áður en gengið er frá bókun. Við látum alla gesti axla ábyrgð með kerfisbundinni fræðslu sem og frystingu og fjarlægingu aðgangs ef nauðsyn krefur.

Lestu þér til um grunnreglur fyrir gesti

6. Ítarlegar umsagnir um gesti: Hægt verður að gefa ítarlegri upplýsingar um gesti sem gista og lesa nánari upplýsingar um gesti frá öðrum gestgjöfum. Athugasemdir ykkar hjálpa til við að framfylgja grunnreglunum.

7. Vernd vegna hefndarumsagna: Hægt verður að andmæla hvaða umsögn sem er, sama hve langt er síðan hún var birt. Þar á meðal eru umsagnir gesta sem brjóta alvarlega gegn almennum húsreglum, halda samkvæmi á heimilinu, valda tjóni á eignum eða gista lengur en bókunin varir.

Lestu nánar um endurbætur á umsagnarkerfinu

8. Hraðari útborgun: Með hraðgreiðslu, nýjum útborgunarmáta, berast greiðslur frá Airbnb á innan við hálftíma frá því að þær koma til gjalda, jafnvel á hátíðisdögum og um helgar. Hraðgreiðsla stendur til boða í Bandaríkjunum á þessu ári gegn gjaldi sem nemur 1,5% en hámarksgjaldið er USD 15 fyrir hverja útborgun.

9. Flokkunartól: Snemma árs 2023 verður hægt að skoða í hvaða flokki heimili eru. Einnig verður hægt að setja inn nánari upplýsingar um eiginleika eigna svo að heimili lendi í réttum flokki.

10. Nýir flokkar:Við erum að bæta við nýjum flokkum til að hjálpa gestum að finna fleiri heimili. Nýjustu flokkarnir á Airbnb eru nýskráningar, vinsælt núna, hanok, hátindur heimsins, gott aðgengi, skemmtun og sérherbergi.

Lestu nýjustu fréttirnar af flokkum á Airbnb

Þekkir þú einhvern sem langar að gerast gestgjafi? Segðu viðkomandi frá startpakka Airbnb — glænýrri og einfaldri leið til að skrá heimilið á Airbnb og fá einstaklingsbundna leiðsögn frá ofurgestgjafa, án endurgjalds.

Við erum alltaf að hlusta ef þú vilt segja okkur hvað þér finnst um nýjustu útgáfuna. Endilega sendu okkur athugasemdir.

Lestu handbók okkar um vetrarútgáfu Airbnb 2022

Eignavernd gestgjafa, sem heyrir undir AirCover fyrir gestgjafa, ábyrgðartrygging gestgjafa og ábyrgðartrygging upplifana, gilda hvorki um gestgjafa sem bjóða gistingu eða upplifanir í Japan, þar sem japanska gestgjafatryggingin og japanska upplifunartryggingin gilda, né gestgjafa sem bjóða gistingu í gegnum Airbnb Travel LLC. Gestgjafaverndin í Kína gildir fyrir gestgjafa sem buðu gistingu eða upplifanir á meginlandi Kína. Hafðu í huga að öll tryggingarmörk eru sýnd í Bandaríkjadölum.

Eignavernd gestgjafa er ekki vátrygging og tengist ekki ábyrgðartryggingu gestgjafa. Samningsbundnar skyldur Airbnb samkvæmt eignavernd gestgjafa falla undir vátryggingu sem Airbnb kaupir fyrir skráningar á eignum í Washington-fylki. Samkvæmt eignavernd gestgjafa færðu endurgreiðslu vegna tiltekins tjóns sem gestir valda á heimili þínu og eigum, ef gesturinn greiðir ekki fyrir tjónið. 

Ef skráð búseta gestgjafa eða starfsstöð er utan Ástralíu er eignavernd gestgjafa háð þessum skilmálum, skilyrðum og undanþágum. Ef skráð búseta gestgjafa eða starfsstöð er innan Ástralíu er eignavernd gestgjafa háð þessum skilmálum, skilyrðum og undanþágum.

Upplýsingarnar í þessari grein gætu hafa breyst frá birtingu.