Búðu heimilið undir komu gesta

Búðu heimilið undir gesti með því að leggja áherslu á þægindi, hreinlæti og snyrtileika. Gestir kunna að meta persónuleika og notalegheit raunverulegs heimilis.

Byrjaðu á því að hafa nauðsynjavörur til reiðu: Salernispappír, sápu, eitt handklæði og kodda fyrir hvern gest og rúmföt fyrir hvert rúm. Það gæti verið sniðugt að leiða hugann að því hverju gestir gætu þurft á að halda meðan á dvölinni stendur og fara yfir hvert herbergi. Mikilvægustu herbergin eru meðal annars:

• Eldhúsið. Auk eldhúsáhalda geta nauðsynjar eins og kaffi og te, sósur og krydd, auðveldað gestum að útbúa máltíðir og njóta heimilisins. 
• Stofan. Að skapa notalegt andrúmsloft með hlýlegri lýsingu, mjúkum teppum eða ferskum blómum skiptir sköpum. Gestir leita oft að heimilum með sjónvarpi.
• Svefnherbergi. Gestir kunna að meta þægilega dýnu, náttborð og lýsingu sem er aðgengileg frá rúminu.
• Baðherbergi. Auk sápu gætir þú boðið upp á sjampó, hárnæringu og rakakrem. Hvít handklæði eru auðveldust í viðhaldi og hægt er að bleikja þau eftir þörfum.

Þú þarft ekki að fjarlægja alla persónulega muni þína. Listaverk, bækur eða skrautpúðar gera eignina hlýlegri. 

• Geymdu mikilvæga muni á öruggum stað. Ef þú ert með skartgripi, vegabréf eða álíka muni getur þú geymt þá í læstu herbergi, skáp eða öryggisskáp eða geymt þá hjá vinum eða ættingjum.
• Hafðu sem minnst af hlutum uppi á borðum. Vertu með góða geymslu fyrir lítil raftæki til að halda öllu snyrtilegu. Þú getur til dæmis komið heimilistækjum eins og brauðrist eða hárþurrku fyrir inni í skáp.
• Bjóddu upp á geymslupláss. Gestir þurfa pláss til að ganga frá fötunum sínum, snyrtivörum og farangri, þannig að þú gætir tæmt nokkrar skúffur og búið til pláss í skápum.

Hreinlæti er einn mikilvægasti þátturinn í umsögnum gesta. Hvort sem þú sérð um þrifin eða ræður einhvern til að hjálpa þér, er mikilvægur hluti af gestaumsjón að sjá til þess að eignin sé vandlega þrifin áður en gestir mæta á staðinn.

• Komdu þér upp góðum venjum. Gátlistar fyrir ræstingar hjálpa til við að tryggja að ekkert fari fram hjá þér.
• Frískaðu upp á öll herbergi. Þurrkaðu ryk af öllum yfirborðum, sópaðu eða ryksugaðu og skúraðu gólf.
• Leggðu áherslu á svæðin þar sem mesta umgegnin er. Veittu baðherbergjum og eldhúsum sérstaka athygli. 

Ef þú vilt fá leiðsögn um undirbúning eignarinnar getur þú fengið gjaldfrjálsa aðstoð frá fulltrúa ofurgestgjafa eða fundið samgestgjafa sem getur aðstoðað þig við allt frá uppsetningu skráningarinnar til gestaumsjónar á heimili þínu.

Upplýsingarnar í þessari grein gætu hafa breyst frá birtingu.