Finndu rétta samgestgjafann á Airbnb

Nú er ekkert mál að finna og ráða afbragðs samgestgjafa til að sinna heimili þínu og gestum, beint í appinu.

Þjónusta samgestgjafa kemur þér í kynni við framúrskarandi samgestgjafa á svæðinu sem veita aðstoð í samræmi við þarfir þínar. Veldu úr lista yfir mögulega samstarfsaðila, kynntu þér reynslu þeirra, stofnaðu til samstarfs og deildu útborgunum.

Þú getur ráðið samgestgjafa hvort sem þú ert tilvonandi, nýr eða reyndur gestgjafi. Óskaðu eftir aðstoð samgestgjafa við tiltekin verk eða gestaumsjónina sjálfa. Þjónusta þeirra getur falið í sér:

• Uppsetningu skráningar
• Uppsetningu á verði og framboði
• Umsjón með bókunarbeiðnum
• Skilaboð til gesta
• Aðstoð við gesti á staðnum
• Ræstingar og viðhald
• Myndatöku af eign
• Innanhússhönnun og skreytingar
• Umsýslu með leyfum og heimildum fyrir heimagistingu

Samgestgjafar geta bætt við annarri þjónustu, svo sem landslagshönnun, viðskiptagreiningu og þjálfun í gestrisni. Upplýsingar um þjónustu sem tiltekinn samgestgjafi veitir er að finna á þjónustusíðu viðkomandi.

Samgestgjafar í þjónustunni eru meðal bestu gestgjafa okkar. Heildareinkunn samgestgjafa er að meðaltali 4,86 stjörnur frá gestum og þeir hafa fjögurra ára reynslu að meðaltali á Airbnb. Sem stendur eru 73% þeirra ofurgestgjafar og 84% sinna gestaumsjón í minnst einni skráningu í uppáhaldi hjá gestum.

Þjónusta samgestgjafa stendur eins og er til boða í Ástralíu, Brasilíu, Kanada, Frakklandi, Þýskalandi, Ítalíu, Mexíkó, Spáni, Bretlandi og í Bandaríkjunum. Þjónustan kemur til með að standa til boða í fleiri löndum á árinu 2025.

Nýttu þér þjónustu samgestgjafa til að leita að og tengjast einhverjum sem býður upp á þjónustuna sem þú þarfnast.

Svona finnur þú samgestgjafa:

• Sláðu inn heimilisfang eignarinnar til að leita að samgestgjafa í nágrenninu. Þú munt sjá þjónustusíður samgestgjafa á svæðinu sem raðast eftir þáttum eins og staðsetningu, virkni og gæðum.
• Veldu þjónustusíðu tiltekins samgestgjafa til að nálgast frekari upplýsingar, svo sem reynslu, umsagnir, skráningar viðkomandi, verð og fleira.
• Sendu skilaboð til þeirra sem þér líst best á. Kynntu þig og segðu aðeins frá þörfum þínum.
• Þú gætir spurt frekari spurninga og rætt væntingar þegar kemur að gestaumsjóninni.

Svona ræður þú samgestgjafa:

• Gerðu upp hug þinn og þegar þú hefur fundið rétta samgestgjafann gæti það komið sér vel að gera formlegan samstarfssamning.
• Opnaðu skráninguna þína á Airbnb. Sendu nýja samstarfsaðilanum boð um að gerast samgestgjafi og tilgreindu aðgangsheimildir. Viðkomandi hefur tvær vikur til að samþykkja boðið.
• Veldu að deila hluta af útborgun hverrar bókunar í gegnum Airbnb.*

Öll verkfærin sem þú þarft til að vinna með samgestgjafa má nálgast í appinu. Þú getur:

• Sent skilaboð beint til samgestgjafans.
• Boðið viðkomandi að gerast samgestgjafi skráningar þinnar.
• Sett upp aðgangsheimildir viðkomandi fyrir umsjón með skráningunni.
• Deilt útborgunum fyrir bókanir með samgestgjafanum.*

Frekari upplýsingar um að verða samgestgjafi

*Ákveðnar takmarkanir eiga við en þær fara eftir staðsetningu gestgjafans, samgestgjafans og eignarinnar.

Þjónusta samgestgjafa stendur eins og er til boða í Ástralíu, Frakklandi, Þýskalandi, Ítalíu, Japan, Mexíkó, Suður-Kóreu, Spáni, Bretlandi (þar sem hún er rekin af Airbnb Global Services), Kanada, Bandaríkjunum (þar sem hún er rekin af Airbnb Living LLC) og Brasilíu (þar sem hún er rekin af Airbnb Plataforma Digital Ltda).

Gestgjafar í þjónustu samgestgjafa skera sig frá öðrum fyrir háar einkunnir, lágt afbókunarhlutfall og mikla reynslu af gestaumsjón á Airbnb. Einkunnir byggjast á umsögnum gesta fyrir skráningar þar sem viðkomandi er annað hvort gestgjafi eða samgestgjafi og endurspegla ekki endilega tiltekna þjónustu sem samgestgjafinn býður upp á.

Upplýsingarnar í þessari grein gætu hafa breyst frá birtingu.