Hentar eignin mín fyrir Airbnb?

Hvort sem þú ert með fágaða íbúð, sveitabústað eða aukaherbergi inni á heimilinu er líklega gestur þarna úti að leita að nákvæmlega því sem þú býður upp á. Lykilatriðið er að skapa notalegt rými og gefa gestum skýrar væntingar.

Milljónir gesta leita sér að gistiaðstöðu á Airbnb á hverjum degi. Þeir eru að skipuleggja fjölskyldufrí, vinnuferðir, helgarferðir, tímabundna flutninga — hver og einn með mismunandi fjárráð og óskir.

Þú þarft ekki aukaeign til að ná árangri. Þú getur tekið á móti gestum á heimili þínu meðan þú ert að heiman eða í aukaherbergi ef þú ert á staðnum. Þú getur skráð meira en 30 tegundir eigna, þar á meðal íbúðir, bóndabýli, hús, smáhýsi og júrt-tjöld. 

Þú getur skráð: 

• Alla eignina. Gestir hafa alla eignina út af fyrir sig.
• Herbergi. Gestir eru með sitt eigið herbergi inni á heimili og hafa afnot af sameiginlegum rýmum.

Áður en þú byrjar að taka á móti gestum er mikilvægt að þú áttir þig á því hvernig skammtímaútleiga er reglufest þar sem þú ert. Staðbundnar reglur gætu haft áhrif á hvort þú getir tekið á móti gestum, hvaða tegund leyfis þú þarft og hvaða skattar eiga við. AirCover fyrir gestgjafa veitir vernd frá A til Ö í hvert skipti sem þú tekur á móti gestum á Airbnb.

Þú þarft að stofna skráningu til að hefjast handa. Hún mun innihalda allt sem gestir þurfa að vita um heimilið þitt. Góðar myndir og nákvæm lýsing gefa gestum aukið traust til að bóka eignina. 

• Hugaðu að þægindum. Meðal þægindanna sem oftast er leitað að eru þráðlaust net, þvottavél, gjaldfrjáls bílastæði, eldhús og loftræsting. Þú þarft ekki að bjóða upp á þau öll en með því að taka fram hvaða þægindi þú býður eiga gestir betra með að finna eignina.
• Gefðu réttar væntingar. Greindu skýrt frá því sem þú býður upp á til að finna réttu gestina fyrir heimilið þitt. Ef eignin þín er notaleg en lítil skaltu taka það fram. Gestir vilja vita hverju þeir geta búist við.
• Sýndu eignina. Taktu myndir frá mörgum sjónarhornum og leggðu áherslu á það sem gerir hana einstaka.
• Haltu verðinu samkeppnishæfu. Verkfæri Airbnb geta hjálpað þér að höfða til gesta og vinna að tekjumarkmiðum þínum.

Þú getur fengið leiðsögn frá fulltrúa ofurgestgjafaeða fundið samgestgjafa til að aðstoða þig við allt frá uppsetningu skráningarinnar til gestaumsjónar á heimili þínu.

Heilt samfélag er þér innan handar. Opnaðu félagsmiðstöðina til að kynnast gestgjöfum hvaðanæva að og skráðu þig í gestgjafaklúbb til að tengjast gestgjöfum á staðnum eftir að þú hefur birt skráninguna þína.

Upplýsingarnar í þessari grein gætu hafa breyst frá birtingu.