Fyrstu skrefin á Airbnb

Það er einfalt að skrá heimilið á Airbnb. Stofnaðu skráningu í örfáum skrefum, gerðu breytingar á henni hvenær sem er og undirbúðu eignina á þínum eigin hraða.

Airbnb leiðir þig í gegnum ferlið.

• Segðu okkur frá eigninni þinni. Tilgreindu tegund eignarinnar, staðsetningu, fjölda svefn- og baðherbergja og hve mörgum gestum þú getur tekið á móti.
• Láttu skráninguna þína bera af. Settu inn hágæðamyndir, semdu skráningartitil og -lýsingu sem lýsir því sem gerir eignina einstaka og tilgreindu þægindin sem þú býður upp á.
• Gakktu frá öllu og birtu skráninguna. Tilgreindu verð fyrir virka daga og helgar og skoðaðu hvort þú viljir bjóða nýskráningartilboð til að stuðla að fyrstu bókununum og umsögnunum.

Góðar myndir hjálpa gestum að sjá sig fyrir sér á heimili þínu og geta aukið sýnileika skráningarinnar í leitarniðurstöðum. 

• Lagaðu til. Gestir eru hrifnir af snyrtilegum og vel uppsettum rýmum. Taktu myndir frá sjónarhornum sem sýna rýmið í heild sinni.
• Finndu réttu lýsinguna. Mild og náttúruleg birta skilar sér í hlýlegum myndum. 
• Ráddu atvinnuljósmyndara. Ljósmyndaþjónusta Airbnb stendur til boða í tilteknum borgum um allan heim. Gestgjafar sem nýttu sér ljósmyndaþjónustu Airbnb juku tekjur sínar um 21% að meðaltali yfir næsta árið, miðað við gestgjafa sem gerðu það ekki.* 

Með samkeppnishæfu verði er skráningin þín líklegri til að skara fram úr og fá bókanir. Gistináttaverð þitt er undir þér komið og þú getur alltaf breytt því. 

• Skoðaðu verðábendingar. Við birtum þér verðtillögu sem miðast við staðsetningu þína, þægindin sem þú býður og sambærilegar eignir í nágrenninu. Þú getur notað það sem upphafspunkt eða stillt verðið eftir eigin höfði. 
• Skoðaðu sambærilegar skráningar. Þegar þú birtir skráninguna þína býður Airbnb upp á tól til að gera samanburð á álíka skráningum á svæðinu með einföldum hætti.
• Veldu hvernig þú færð útborgað. Airbnb innheimtir greiðslu frá gestum fyrir innritun og millifærir útborganir gestgjafa yfirleitt um sólarhring eftir áætlaða komu hvers gests. Veldu hvaða útborgunarmáta þú vilt nota, en mismunandi útborgunarmátar eru í boði eftir staðsetningu, og breyttu honum hvenær sem er.

Með því að huga að nokkrum einföldum atriðum getur þú aukið ánægju gesta þinna. 

• Vertu með nóg af nauðsynjavörum. Vertu með hrein rúmföt til reiðu, handklæði, salernispappír, sápu og sjampó.
• Einfaldaðu innritunarferlið. Þú gætir sett upp snjalllás eða skýrar merkingar til að tryggja að gestir eigi auðvelt með að komast inn í eignina.
• Komdu þér upp ræstingarferli. Veldu hvort þú komir til með að sjá um ræstingarnar eða ráðir fagfólk í verkið. Hreinlæti er einn mikilvægasti þátturinn í umsögnum gesta.
• Geymdu verðmæti á öruggum stað. Til öryggis skaltu geyma skartgripi þína, vegabréf og aðra persónulega muni í læstum skáp eða einhvers staðar annars staðar en í eigninni.

*Þetta gildi var reiknað út með því að bera saman tekjur gestgjafa í Bandaríkjadölum hjá yfir 14.700 heimilisskráningum um allan heim yfir eins árs tímabil, frá 2024 til 2025, þar sem gestgjafar nýttu sér ljósmyndaþjónustu Airbnb, miðað við skráningar gestgjafa sem nýttu sér ekki þjónustuna.

Upplýsingarnar í þessari grein gætu hafa breyst frá birtingu.