Mikilvæg upplýsingagjöf sett inn í skráninguna þína

Passaðu að skráningin gefi rétta mynd af því hvort þú ert með myndavélar, upptökubúnað, snjalltæki, hljóðmæla eða vopn.

Myndavélar, upptökubúnaður og snjalltæki

• Myndavélar innandyra og upptökubúnaður: Gestgjöfum er ekki heimilt að hafa myndavélar eða upptökubúnað innandyra, jafnvel þótt slökt sé á búnaðinum eða hann aftengdur, nema í undantekningartilvikum, eins og þegar myndavélabúnaður er áskilinn samkvæmt gildandi lögum. Faldar myndavélar eru stranglega bannaðar. Þetta bann á einnig við um sameiginleg rými og sameiginleg rými eigna með sérherbergi (t.d. stofu).

• Myndavélar og upptökubúnaður utandyra: Gestgjöfum er heimilt að vera með myndavélar og upptökubúnað utandyra sé látið vita af því hvaða svæði er vaktað (t.d.: „ég er með myndavél í garðinum mínum“, „ég er með myndavél yfir sundlauginni minni“ eða „ég er með dyrabjöllumyndavél sem fylgist með útidyrunum mínum og ganginum í íbúðarbyggingunni minni“). Gestgjöfum er óheimilt að setja myndavélar og upptökubúnað yfir útisvæði eignar þar sem notendur vænta meira næðis, svo sem í lokaðri útisturtu eða gufubaði.

• Snjalltæki: Gestgjöfum er heimilt að vera með snjalltæki fyrir heimili á borð við sjónvörp og raddaðstoð á heimilinu og þeir eru hvattir til að greina frá þeim í skráningunni sinni en það er ekki áskilið. Við hvetjum gestgjafa einnig til að láta gesti vita hvernig hægt er að slökkva á þeim.

Hljóðmælar

• Hljóðmælar: Gestgjöfum er heimilt að hafa hljóðmæla á heimili sínu svo lengi sem gestgjafinn greinir frá því að þeir eru til staðar og að þeir eru ekki staðsettir á baðherbergi, í svefnherbergi eða svefnaðstöðu.

Frekari upplýsingar um reglur okkar um myndavélar, upptökubúnað, hljóðmæla og snjalltæki.

Vopn

• Öll vopn á staðnum þarf að geyma með öruggum hætti.

• Allur búnaður sem má nota til að skjóta með telst vera vopn. Þar með talið en ekki einvörðungu: venjuleg skotvopn, loftbyssur, tæki til sjálfsvarnar eins og rafstuðsbyssur og piparúði, hvers kyns skotfæri og eftirlíkingar af skotvopnum.

• Ef gestur getur séð eða fundið vopn ber gestgjafanum að greina frá því í upplýsingum um öryggi og eignina sjálfa og húsreglum hennar.

• Gestum er einnig skylt að tilkynna um og fá samþykki fyrir öllum vopnum í öruggri geymslu áður en gengið er frá bókun og með því að nota skilaboðakerfið.

Frekar upplýsingar um reglur okkar um vopn.