Reyndir gestir

Við hjá Airbnb viljum gera gestaumsjón einfaldari fyrir alla gestgjafa okkar og leitum stöðugt leiða til að auka öryggi allra samfélagsmeðlima. Þess vegna kynnum við nýjan eiginleika í skráningarferli eigna: reyndir gestir.

Þegar þú skráir fyrstu eignina getur þú tilgreint hvort þú viljir taka á móti reyndum gesti í fyrstu bókun þinni.

Við sjáum um restina.

Stillingar fyrir reynda gesti

Þegar þú skráir fyrstu eignina hefur þú tvo valkosti um hvaða gestum þú tekur á móti:

Hvaða gesti sem er á Airbnb

• Hver sá sem hefur aðgang að Airbnb getur bókað gistingu í eigninni þinni
• Með þessum hætti stendur eign þín meiri fjölda gesta til boða
• Þú ert líklegri til að fá fyrstu bókunina fyrr

Reyndum gesti

• Aðeins gestir með reynslu sjá skráninguna á eign þinni og geta bókað hana
• Þetta veitir þér aukna hugarró þar sem þú tekur á móti einstaklingi sem hefur áður notað Airbnb, veit hvernig gestaumsjón gengur fyrir sig og hverju má búast við af gestgjöfum
• Þegar fyrsti gesturinn þinn hefur útritað sig verður skráningin sjálfkrafa aðgengileg öllum gestum á Airbnb

Athugaðu: Ef búið er að birta skráninguna getur þú breytt þessum stillingum með því að opna aðgangur > fyrsti gesturinn þinn > allir gestir á Airbnb

Skilyrði til að teljast reyndur gestur

Til að uppfylla skilyrði til að teljast til reynds gests verður viðkomandi að hafa:

• Staðfest auðkenni: Í staðfestingarferlinu gæti Airbnb beðið gesti um að framvísa nafni að lögum, heimilisfangi, opinberum skilríkjum og/eða öðrum gögnum. Frekari upplýsingar um staðfestingu á auðkenni.
• Staðfestar greiðsluupplýsingar: Til að teljast reyndur gestur verður aðgangshafinn að vera með uppsettan greiðslumáta hjá Airbnb. Airbnb tekur við mismunandi greiðslumátum eftir landi.
• Þrjár dvalir á Airbnb: Reyndir gestir verða að hafa lokið minnst þremur dvölum á Airbnb þar sem þeir hafa sjálfir gengið frá bókun.
• Snurðulaus ferðasaga: Gisting reyndra gesta verður að hafa gengið snurðulaust fyrir sig.

Upplýsingar um snurðulausa ferðasögu

Langflestir gestir Airbnb sýna kurteisi og tillitsemi. Allir samfélagsmeðlimir verða að fara að samfélagsviðmiðum okkar ásamt heilbrigðis- og öryggiskröfum og allir gestir sem gista í skráðum eignum á Airbnb verða auk þess að uppfylla eftirfarandi viðmið gesta:

• Koma fram af virðingu við samfélög á staðnum
• Ganga vel um eignir
• Fylgja reglum gestgjafa

Gestir sem hafa nýlega brotið gegn reglum Airbnb eða húsreglum gestgjafa teljast ekki til reyndra gesta. Frekari upplýsingar um hvernig við erum að efla skuldbindingu okkar við samfélagsviðmiðin.

Athugaðu: Að vera reyndur gestur er ekki viðurkenning gests af hálfu Airbnb.