Öryggisábendingar fyrir val á eign
Ferðalög hafa yfirleitt í för með sér eyðslu á tíma þínum og peningum. Þess vegna viltu vera viss um að finna eign sem hentar þér fullkomlega. Hér eru nokkrar ábendingar til að hjálpa þér að finna til öryggis á ferðalaginu með þeirri vissu að þú hafir tekið rétta ákvörðun.
Finndu það sem hentar þér
Til að byrja með skaltu finna eign sem hentar þér með því að nýta þér mikið úrval leitarsía okkar. Þegar þú finnur eign sem þér líst mjög vel á skaltu gefa þér tíma til að kynna þér notandalýsingu gestgjafans vandlega ásamt skráningarlýsingunni með sérstöku tilliti til þæginda, húsreglna og afbókunarreglu.
Lestu einkunnir og umsagnir
Við mælum alltaf með því að lesa athugasemdir frá öðrum gestum til að finna réttu eignina. Þú færð að sjá einkunnir fyrir undirflokka eins og hreinlæti og nákvæmni ásamt ítarlegum umsögnum frá öðrum ferðamönnum. Gestir geta aðeins gefið umsögn að ferð lokinni þannig að þú getur verið viss um að það sem kemur fram í umsögnum endurspegli raunverulega upplifun gests sem dvaldi á staðnum.
Þarftu frekari upplýsingar? Frekari upplýsingar um hvernig umsagnir fyrir gistingu ganga fyrir sig.
Farðu yfir öryggiseiginleikana
Gott er að athuga hvort reyk- og kolsýringsskynjarar séu í eigninni en upplýsingar um slíkt er að finna í skráningu þæginda undir „heimilisöryggi“.
Frekari upplýsingar um reyk- og kolsýringsskynjara er að finna í hjálparmiðstöðinni.
Fáðu svör frá gestgjafanum
Örugga skilaboðakerfið okkar er traust og einföld leið til að spyrja væntanlegan gestgjafa spurninga áður en þú bókar. Eftir bókun geturðu sent viðkomandi skilaboð til að skipuleggja innritun, spyrja annarra spurninga og vera í sambandi við viðkomandi meðan á ferðinni stendur. Frekari upplýsingar um hvernig hafa má samband við gestgjafa.
Greiðslur og samskipti skulu ávallt fara fram á verkvangi Airbnb
Tryggðu öryggi þitt, greiðslu þinnar og persónuupplýsinga með því að halda öllu ferlinu innan verkvangs okkar, allt frá samskiptum til bókunar og greiðslu. Aldrei ætti að vera óskað eftir að þú símsendir peninga, framvísir kreditkortaupplýsingum eða greiðir gestgjafanum beint. Skyldi það gerast skaltu láta okkur vita tafarlaust.
Kannaðu öryggi
Þegar þú kemur á staðinn er gott að vita hvar öryggisupplýsingar og viðeigandi neyðarbúnaður á borð við slökkvitæki eða sjúkrakassa er staðsettur. Spurðu gestgjafann þinn ef þú ert ekki viss um hvar eitthvað er. Undirbúningur er alltaf fyrir bestu.
Kynntu þér ferðatengdar viðvaranir á staðnum
Það er ávallt gott að kynna sér áfangastaðinn fyrirfram og athuga hjá sendiráðinu á staðnum hvort fyrir hendi séu einhverjar viðvaranir um ferðalög eða sérstakar kröfur. Þetta á við hvort sem ferðast er með Airbnb eða ekki. Ferðamenn frá Bandaríkjunum ættu til dæmis að leita upplýsinga um vegabréfsáritanir og ferðaviðvaranir hjá bandaríska utanríkisráðuneytinu. Frekari upplýsingar er að finna á síðu okkar fyrir öryggi gestgjafa og gesta.
Við erum þér innan handar
Hafðu samband við neyðarþjónustu eða löggæslu á staðnum til að fá aðstoð ef neyðartilvik er í gangi.
Við erum til taks allan sólarhringinn vegna annarra öryggismála. Frekari upplýsingar um hvernig má hafa samband við okkur er að finna í hjálparmiðstöðinni.
Mundu: Hafðu strax samband við neyðarþjónustu eða löggæsluyfirvöld á staðnum ef um neyðartilvik er að ræða eða teljir þú öryggi þínu vera ógnað.
Greinar um tengt efni
- Gestur
Öryggisábendingar fyrir heimilisgestgjafa
Fáðu upplýsingar um ábyrgð gestgjafa ásamt bestu venjum til að tryggja að gestir hafi nauðsynlegar upplýsingar og úrræði. - Gestur
Öryggi gestgjafa og gesta
Til að tryggja örugga gistingu, upplifanir og samskipti er ekki leyfilegt að stunda ákveðnar athafnir og hegðun í samfélagi okkar. - Gestur
Ef þú finnur til óöryggis á ferðalagi
Ef þér finnst þú vera í hættu eða þú telur öryggi þínu vera ógnað biðjum við þig um að hafa samstundis samband við yfirvöld á staðnum.