Þetta þarftu að vita um að taka á móti gæludýrum

Margir gestir ferðast með allri fjölskyldunni sem þýðir oft að gæludýrin eru með í för. Við vitum að það er ekki alltaf hægt að taka á móti gæludýrum. Ef þú getur gert eignina þína gæludýravæna getur þú valið að bæta gæludýragjaldi við gistináttaverðið hjá þér.

Þú getur nýtt gæludýragjaldið til að standa straum af ræstingum sem þú gerir ráð fyrir eftir að hafa tekið á móti gestum með gæludýr, til dæmis við ryksuga hár af húsgögnunum og þurrka trýnis- eða loppuför af rennihurðum úr gleri.

Gæludýraverðið bætist við gistináttaverðið hjá þér og því er dreift jafnt yfir allar nætur bókunar. Á greiðslusíðunni er það innifalið í heildarverði gestsins en ekki innheimt sem sérstakt gjald.

Mörg gæludýr eru vön því að ferðast með eigendum sínum og því þarf lítið að gera til viðbótar fyrir þau. Ef þú leyfir hins vegar gæludýr í eigninni gæti verið gott að útvega:

• Skálar fyrir mat og vatn
• Húsgagnahlífar vegna gæludýra
• Nóg af handklæðum til að þurrka af fótum gæludýra við dyrnar
• Klórustaur og kattakassa (pappakassi gæti verið nóg)
• Auka hreinlætisvörur

Gestir sem ferðast með gæludýr kunna að vilja vita við hverju þeir geta búist þegar þeir koma á staðinn, til dæmis hvort þú sért með afgirtan garð eða einkaverönd. Mundu að tilgreina eiginleika og þægindi sem henta gæludýrum á skráningarsíðunni.

Annað sem þú getur gert til að gera skráninguna þína gæludýravænni:

• Uppfærðu húsreglurnar. Láttu gesti vita hve mörg gæludýr þú leyfir fyrir hverja dvöl, allt frá einu til fimm. Notaðu húsreglurnar til að greina nánar frá því hvers konar gæludýrum þú tekur á móti, hvort skilja megi gæludýr eftir í eigninni án eftirlits, hvenær þarf að tjóðra þau og hvernig eigi að farga úrgangi frá þeim.
• Uppfærðu ferðahandbókina. Veittu ráðleggingar um hundasvæði, dýralækna og gæludýrabúðir á svæðinu. Þú gætir líka mælt með dýrapössun eða hundakofum.

Ræstingagjöldum og gæludýragjöldum er ætlað að standa undir kostnaði sem gert er ráð fyrir. Stundum verða samt slys sama hversu vel þjálfuð eða vel hirt gæludýr gesta kunna að vera.

Eignavernd gestgjafa er hluti af AirCover fyrir gestgjafa og nær yfir óvæntan kostnað á borð við rispur á áklæði eða bletti af völdum gæludýra. Mundu að skjalfesta tjón með ljósmyndum og óska eftir endurgreiðslu í gegnum úrlausnarmiðstöðina.

Mikilvægt er að hafa í huga að þjónustudýr teljast ekki sem gæludýr. Þjónustudýr er yfirleitt hundur sem hefur verið sérþjálfaður til vinnu eða til að sinna verkefnum fyrir einstaklinga með fötlun.

Dýr sem veitir andlegan stuðning er dýr sem veitir einstaklingi andlegan stuðning eða aðstoð til að hafa stjórn á einkennum eða áhrifum fötlunar sinnar. Dýr sem veita andlegan stuðning eru yfirleitt heimilisdýr eins og hundar eða kettir. Ólíkt þjónustudýrum þarf ekki að þjálfa dýr sem veita andlegan stuðning til vinnu eða til að sinna verkefnum fyrir einstaklinga með fötlun.

Jafnvel þótt þú hafir enga sérstaka reglu fyrir gæludýr, verður þú að leyfa eiganda að taka þjónustudýr með sér nema þú hafir undanþágu og þú mátt ekki innheimta gæludýrahald af gestinum.

Þessar reglur eiga einnig við um gesti í fylgd með dýrum sem veita andlegan stuðning þar sem staðbundin lög gera ráð fyrir því að gestgjafar taki á móti dýrum sem veita andlegan stuðning. Eigi slík lög ekki við um eignina þína er þér heimilt að innheimta gæludýragjald fyrir dýr sem veita andlegan stuðning eða framfylgja reglum þínum um bann við gæludýrum hvað þau varðar.

Frekari upplýsingar um aðgengisstefnu Airbnb

Eignavernd gestgjafa er ekki vátrygging og er háð þessum skilmálum, skilyrðum og undanþágum. Hún verndar hvorki gestgjafa sem bjóða gistingu í Japan þar sem japanska gestgjafatryggingin gildir, né gestgjafa sem bjóða gistingu í gegnum Airbnb Travel LLC. Sé skráð búseta gestgjafa eða starfsstöð viðkomandi innan Ástralíu, er eignavernd gestgjafa háð skilmálum eignaverndar gestgjafa fyrir ástralska notendur. Hafðu í huga að öll tryggingarmörk eru sýnd í Bandaríkjadölum.

Samningsbundnar skyldur Airbnb samkvæmt eignavernd gestgjafa falla undir vátryggingu sem Airbnb kaupir fyrir skráningar á eignum í Washington-fylki. Eignavernd gestgjafa tengist ekki ábyrgðartryggingu gestgjafa. Samkvæmt eignavernd gestgjafa færðu endurgreiðslu vegna tiltekins tjóns sem gestir valda á heimili þínu og eigum, ef gesturinn greiðir ekki fyrir tjónið.

Upplýsingarnar í þessari grein gætu hafa breyst frá birtingu.