Hvað eru svarhlutfall og svartími og hvernig er þetta reiknað út?

Svarhlutfall þitt og svartími eru mælikvarðar á það hversu fljótt og reglulega þú svarar fyrirspurnum og bókunarbeiðnum. Þú getur skoðað svarhlutfallið þitt undir tölfræði á stjórnborðinu þínu. Þú getur skoðað svarhlutfallið undir beiðnir ef þú notar verkfæri faggestgjafa.

Svarhlutfallið er mikilvægast en það hefur áhrif á stöðu þína sem ofurgestgjafa og röð í leitarniðurstöðum. Svartíminn gefur gestum hugmynd um hve fljótt þeim verður svarað en það hefur minni tíma á stöðu þína sem ofurgestgjafa.

Svarhlutfall

Svarhlutfall þitt er hlutfall nýrra fyrirspurna og bókunarbeiðna sem þú svaraðir (með því að samþykkja/forsamþykkja eða hafna) innan 24 klukkutíma undanfarna 30 daga.

Sendi gestur fyrirspurn (spurningu eða önnur skilaboð en bókunarbeiðni) með því að hafa samband við gestgjafa þarft þú að svara fyrirspurninni innan 24 tíma til að viðhalda svarhlutfallinu þínu. Sendi gestur bókunarbeiðni þarft þú að svara henni eða hafna innan 24 tíma til að viðhalda svarhlutfallinu þínu.

Svarhlutfallið við ákvörðun á stöðu ofurgestgjafa er reiknað öðruvísi og byggist á svörun undanfarna 365 daga.

Hækkun á svarhlutfalli

Þú getur gert eftirfarandi eins fljótt og hægt er innan 24 tíma frá því að fyrirspurn eða bókunarbeiðni berst til að bæta svarhlutfall þitt og svartíma:

• Samþykktu eða hafnaðu bókunarbeiðnum
• Forsamþykktu eða hafnaðu ferðabeiðnum
• Svaraðu nýjum fyrirspurnum frá gestum

Svör teljast síðbúin ef þau berast eftir meira en 24 tíma og þau munu lækka svarhlutfall þitt og lengja svartíma. Svarhlutfallið þitt getur haft áhrif á röð þína í leitarniðurstöðum.

Einungis fyrstu skilaboðin milli gestgjafa og gesta hafa áhrif á svarhlutfallið. Þú þarft ekki að senda síðustu skilaboðin í samtali til að viðhalda svarhlutfallinu.

Svartími

Svartími þinn er meðaltíminn sem það tók þig að svara öllum nýjum skilaboðum undanfarna 30 daga.

Stytting á svartíma

Þú getur gert eftirfarandi eins fljótt og hægt er innan 24 tíma frá því að fyrirspurn eða bókunarbeiðni berst til að bæta svarhlutfall þitt og svartíma:

• Samþykktu eða hafnaðu bókunarbeiðnum
• Forsamþykktu eða hafnaðu ferðabeiðnum
• Svaraðu nýjum fyrirspurnum frá gestum

Svör teljast síðbúin ef þau berast eftir meira en 24 tíma og þau munu lengja svartíma þinn.

Einungis fyrstu skilaboðin milli gestgjafa og gesta hafa áhrif á svartímann. Þú þarft ekki að senda síðustu skilaboðin í samtali til að viðhalda svartímanum þínum.

Frekari upplýsingar

Ef byrjað var á minna en 10 nýjum skilaboðaþráðum undanfarna 30 daga miðast svarhlutfall þitt og svartími við 10 nýjustu skilaboðaþræðina undanfarna 90 daga.