„Eignir í uppáhaldi hjá gestum“ útskýrt

Meira en átta milljónir heimila eru á Airbnb um allan heim. Hvert heimili er einstakt sem er einmitt það sem greinir Airbnb frá öðrum.

Ein besta leiðin til að finna frábæra gistiaðstöðu er að vita hvaða heimili eru vinsælust hjá öðrum gestum. Þess vegna settum við saman safnið „í uppáhaldi hjá gestum“.

Vinsælustu heimilin á Airbnb fara í safn eigna í uppáhaldi hjá gestum. Safnið miðast við einkunnir, umsagnir og gögn um áreiðanleika eftir meira en 500 milljónir ferða. Eignir í uppáhaldi hjá gestum eru uppfærðar daglega þannig að ef eignin þín kemur ekki fram núna gæti hún gert það fljótlega.

Ýmis atriði ráða því hvaða eignir teljast vera í uppáhaldi hjá gestum. Sem dæmi þarf:

• Fimm eða fleiri umsagnir frá gestum á síðustu fjórum árum. Ein þeirra þarf að hafa komið á síðustu tveimur árum
• Framúrskarandi umsagnir og meðaleinkunn yfir 4,9 stjörnur
• Háar einkunnir fyrir hreinlæti, nákvæmni, samskipti við gestgjafa, staðsetningu og virði
• Framúrskarandi áreiðanleiki sem þýðir að meðaltali minna en 1% afbókunarhlutfall og hlutfall tilkynntra gæðavandamála til þjónustuvers hjá gestgjafanum

Auðvelt er að finna eignir í uppáhaldi hjá gestum á Airbnb um allan heim.

Eignir í uppáhaldi hjá gestum eru sérstaklega merktar í leitarniðurstöðum og á viðeigandi skráningarsíðum. Fólk getur síða út eignir í uppáhaldi hjá gestum.

Ofurgestgjafar fá viðurkenningu fyrir framúrskarandi gestrisni. Airbnb er ekki að breyta ofurgestgjöfum. Viðmið ofurgestgjafa haldast óbreytt og við munum áfram fylgjast með frammistöðu þeirra ársfjórðungslega.

Ef þú ert ofurgestgjafi með eign sem er í uppáhaldi hjá gestum verður hvort tveggja merkt á skráningarsíðunni þinni og skráningin þín verður merkt sem „í uppáhaldi hjá gestum“ í leitarniðurstöðum. Ef þú ert ofurgestgjafi með eign sem er ekki enn í uppáhaldi hjá gestum færðu eftir sem áður merki ofurgestgjafa, bæði á skráningarsíðunni þinni og í leitarniðurstöðum.

Hver skráning verður metin fyrir sig hvað varðar gjaldgengi til að fá merkið „í uppáhaldi hjá gestum“.

Upplýsingarnar í þessari grein gætu hafa breyst frá birtingu.