Nýttu þér umsagnir gesta til að bæta þjónustuna

Betri einkunnir og betri umsagnir geta leitt til fleiri bókana og aukinna tekna. Svona getur þú nýtt umsagnir og gert endurbætur út frá því sem sett er út á.

Sýndu gestum að þú vilt gera betur með því að biðja um athugasemdir.

• Sendu tímasett skilaboð við útritun. Biddu gesti um athugasemdir svo sem hvað þú hefðir getað gert til að þeim liði enn betur.
• Skrifaðu umsögn um gestina þína. Þannig minnir þú gestina á að gefa þér umsögn. Þið hafið 14 daga frá útritun til að skrifa umsögn.

Mótaðu þér þægilegt ferli til að ákveða hvaða tillögum þú fylgir.

• Lestu allar umsagnir. Þakkaðu gestum fyrir athugasemdirnar og íhugaðu hvað á við í þínu tilfelli og hvað á við um aðra gesti.
• Fylgstu með einkaathugasemdum. Gestir geta einnig sent gestgjafanum skilaboð með öðrum tillögum eða endurgjöf. Eingöngu þú og Airbnb sjáið þær. Einkaathugasemdir, ásamt opinberum umsögnum, geta hjálpað Airbnb að bæta leitarniðurstöður og finna hvaða heimili gestum líka best.
• Fylgstu með stjörnugjöf. Gestir geta gefið stjörnur í tilteknum flokkum og valið af lista yfir það sem gekk vel eða hefði mátt ganga betur. Leitaðu að mynstri eins og hvort gestir tilgreini ítrekað „mikla óreiðu“ með einkunn fyrir hreinlæti eða „óskýrar leiðbeiningar“ með einkunn fyrir innritun.

Það er alltaf hægt að gera betur fyrir gesti.

• Svaraðu umsögnum. Þegar gestir skrifa tillögur skaltu svara þeim til að þakka fyrir og bregðast við athugasemdum þeirra. Þannig sýnir þú að þú tekur athugasemdir þeirra alvarlega. Ef þú svarar opinberri umsögn birtist svarið fyrir neðan umsögn þeirra.
• Leggðu áherslu á lausnir. Þegar vandamál koma upp skaltu finna orsökina og komast að því hverju þú getur breytt. Þú gætir til dæmis létt á dimmu herbergi með því að koma fyrir lömpum, skuggsælum plöntum og speglum.
• Deildu athugasemdum með þeim sem vinna með þér. Þú gætir þurft að gefa samgestgjöfum og ræstitæknum ítarlegri leiðbeiningar. Láttu fólk sem hjálpar þér að þrífa til dæmis vita ef gestir finna mylsnu í sófanum.
• Uppfærðu skráninguna. Umsagnir endurspegla yfirleitt hve vel þú stenst væntingar. Passaðu að þægindin, ljósmyndirnar og skráningarlýsingin stemmi við það sem þú býður upp á.

Upplýsingarnar í þessari grein gætu hafa breyst frá birtingu.