Hvernig Airbnb gætir öryggis gestgjafa

Reglur okkar veita þér vernd þegar þú notar Airbnb í samskiptum, við bókun og við greiðslu.

AirCover fyrir gestgjafa veitir kostnaðarlausa vernd frá A til Ö í hvert skipti sem þú tekur á móti gestum. Hún felur í sér: 

• Eignavernd gestgjafa upp á 3 milljónir Bandaríkjadala sem nær m.a. yfir verðmæti, bíla sem lagt er í stæði og báta
• Ábyrgðartryggingu gestgjafa sem upp að 1 milljón Bandaríkjadala
• Staðfestingu á auðkenni gesta
• Bakgrunnsathugun þar sem slíkt er heimilt samkvæmt lögum
• Tækni okkar fyrir bókunarskimun til að draga úr líkum á samkvæmum sem valda ónæði og eignatjóni

Airbnb gerir kröfu um að allir gestir samþykki að fylgja grunnreglum áður en gengið er frá bókun. Gestir verða að: 

• Ganga um heimili þitt sem sitt eigið. Gestir verða að skilja við heimilið í ástandi sem krefst ekki óhóflegra þrifa og fylgja leiðbeiningum varðandi frágang og umgengni. 
• Fylgja húsreglum þínum. Þetta felur í sér að virða samþykktan gestafjölda, inn- og útritunartíma og kyrrðartíma. 

Ef gestir fylgja ekki þessum reglum getur þú haft samband við þjónustuver Airbnb og greint frá reynslu þinni í umsögninni. Gestir sem brjóta ítrekað gegn húsreglum gætu verið frystir eða fjarlægðir af verkvangi Airbnb.

Samkvæmt grunnreglum Airbnb eru húsreglur bindandi og þær hjálpa þér að greina gestum frá væntingum. Þú getur valið úr þessum lista yfir húsreglur hvað varðar eftirfarandi atriði:

• Gæludýr
• Viðburði
• Reykingar og rafrettur
• Kyrrðartíma
• Inn- og útritunartíma
• Hámarksfjölda gesta
• Myndatöku og kvikmyndun í atvinnuskyni

Þú getur tekið fram beiðnir sem eiga sérstaklega við um eignina þína, svo lengi sem þær eru raunhæfar og í samræmi við reglur Airbnb. Þú gætir til dæmis beðið gesti um að slökkva á loftkælingunni áður en þeir útrita sig.

Gestir eru beðnir um að útbúa ítarlega notandalýsingu með ljósmynd og persónuupplýsingum svo að þú getir kynnst þeim betur. 

• Umsagnir gesta eru byggðar á raunverulegri upplifun. Gestgjafar og gestir geta aðeins gefið umsögn að bókun lokinni. 
• Veldu hvernig þú vilt að gestir bóki. Með hraðbókun getur þú takmarkað bókanir við gesti sem hafa lokið að minnsta kosti einni gistingu án þess að eitthvað hafi komið upp eða án lágra einkunna. Þú getur líka farið yfir hverja bókunarbeiðni áður en þú samþykkir hana ef þú kýst það frekar.
• Þú hefur stjórnina. Þú getur fellt niður bókun ef þú telur þig hafa gilda ástæðu til að gruna að samkvæmi verði haldið, svo lengi sem þú fylgir afbókunarreglum gestgjafa. Ef þú hefur slæma tilfinningu fyrir tiltekinni bókunarbeiðni getur þú hafnað henni, svo lengi sem þú fylgir reglum Airbnb gegn mismunun.

Þjónustuver Airbnb er opið allan sólarhringinn, alla daga vikunnar, og býður aðstoð á yfir 60 tungumálum í gegnum:

• Síma og skilaboð. Hringdu í okkur ef erindið er brýnt. Sendu okkur skilaboð ef málið krefst ekki tafarlausrar athygli, t.d. ef um er að ræða uppfærslu á dagatalinu eða breytingu á verði.
• Öryggisaðstoð allan sólarhringinn. Ef þú óttast um öryggi þitt hefur þú aðgang að sérþjálfuðum fulltrúum með einu pikki úr Airbnb appinu.
• Sérhæft þjónustuver fyrir ofurgestgjafa. Ofurgestgjafar fá sjálfkrafa samband við sérhæfðan starfsmann þegar þeir hafa samband við Airbnb.

AirCover fyrir gestgjafa felur í sér eignavernd gestgjafa, ábyrgðartryggingu gestgjafa og ábyrgðartryggingu upplifana og þjónustu sem gilda hvorki um gestgjafa sem bjóða gistingu eða upplifanir í Japan, þar sem japanska gestgjafatryggingin og japanska upplifunartryggingin gilda, né gestgjafa sem bjóða gistingu í gegnum Airbnb Travel LLC. Öll tryggingarmörk eru sýnd í Bandaríkjadölum.

Ábyrgðartrygging gestgjafa og ábyrgðartrygging upplifana og þjónustu eru vátryggðar af utanaðkomandi tryggingarfélögum.

Zurich Insurance Company Ltd. er vátryggjandi vegna ábyrgðartrygginga gestgjafa og upplifana fyrir gestgjafa sem bjóða gistingu, upplifanir eða þjónustu í Bretlandi. Airbnb U.K. Services Limited, tilnefndur fulltrúi Aon U.K. Limited — sem er með heimild og undir eftirliti fjármálaeftirlitsins (FCA) — sér um tryggingarnar og gengur frá samningum gestgjöfum í Bretlandi að kostnaðarlausu. Skráningarnúmer Aon hjá breska fjármálaeftirlitinu (FCA) er 310451. Þú getur staðfest upplýsingarnar með því að skoða fjármálaþjónustuskrána eða með því að hafa samband við FCA í síma 0800 111 6768. Ábyrgðartrygging gestgjafa og ábyrgðartrygging upplifana og þjónustu samkvæmt AirCover fyrir gestgjafa lúta eftirliti breska fjármálaeftirlitsins (FCA). Aðrar vörur og þjónusta eru ekki eftirlitsskyldar vörur í umsjá Airbnb UK Services Limited, FPAFF609LC.

Ef þú ert gestgjafi sem býður gistingu, upplifanir eða þjónustu á Evrópska efnahagssvæðinu (EES) þá er spænska útibú Zurich Insurance Europe AG, vátryggjandi fyrir ábyrgðartryggingu upplifana og þjónustu. Airbnb Spain Insurance Agency S.L.U. (ASIASL), óháð vátryggingastofa undir eftirliti aðalskrifstofu vátrygginga- og lífeyrissjóða (DGSFP) og skráð á Spáni með númerinu AJ0364 í skrá yfir vátryggingamiðlara hjá DGSFP, annast frágang og samningsgerð trygginga án nokkurs viðbótarkostnaðar fyrir gestgjafa innan EES. Þú getur staðfest þessa skráningu á skrá DGSFP yfir tryggingamiðlara og þú getur nálgast allar upplýsingar um ASIASL hér.

Eignavernd gestgjafa er ekki vátrygging og tengist ekki ábyrgðartryggingu gestgjafa. Samningsbundnar skyldur Airbnb samkvæmt eignavernd gestgjafa falla undir vátryggingu sem Airbnb kaupir fyrir skráningar á eignum í Washington-fylki. Þessir skilmálar eignaverndar gestgjafa gilda fyrir gestgjafa með skráða búsetu eða starfsstöð utan Japans.

Upplýsingarnar í þessari grein gætu hafa breyst frá birtingu.