Inneignarskilmálar

Í VIÐBÓT VIÐ ÞESSA SKILMÁLA UM INNEIGNIR („INNEIGNARSKILMÁLA“) GILDA ÞJÓNUSTUSKILMÁLAR, GREIÐSLUSKILMÁLAR OG FRIÐHELGISSTEFNA AIRBNB (EINU NAFNI „SKILMÁLAR AIRBNB“). ÞAU HUGTÖK MEÐ STÓRUM UPPHAFSSTAF SEM ERU EKKI SKILGREIND Í ÞESSUM INNEIGNARSKILMÁLUM HAFA MERKINGUNA SEM ÞEIM ER GEFIN Í SKILMÁLUM AIRBNB.

Yfirlit

Inneign er kynningarinneign gefin út af Airbnb sem gildir fyrir bókun á gjaldgengri þjónustu í boði á verkvangi Airbnb. Inneign: (i) rennur út þann dag sem Airbnb gefur upp við útgáfu eða með öðrum hætti; (ii) fæst ekki endurgreidd og er ekki framseljanleg og hana má ekki nota til að bóka fyrir hönd þriðja aðila; (iii) er ekki hægt að nota fyrir frágengnar bókanir og (iv) er ekki jafngildi reiðufjár, gjaldeyris, reiðufjárvöru eða gjafakorts. Þér er ekki heimilt að kaupa eða selja Inneign og Airbnb selur ekki Inneignir. Airbnb áskilur sér rétt til að fella niður allar bókanir sem brjóta gegn þessum Skilmálum Airbnb og ógilda alla Inneign sem þeim tengist. Inneign kann að vera með fyrirvara um frekari skilmála og takmarkanir sem Airbnb lætur vita af við útgáfu eða með öðrum hætti.

Hvernig þetta gengur fyrir sig

Inneign má nota á greiðslusíðunni og hún lækkar kostnað við þá bókun um þá upphæð sem er notuð. Þú þarft ekki að nota Inneign fyrir næstu bókun þína og getur valið að nota hana fyrir aðra bókun síðar. Sé minna en heildarupphæð Inneignarinnar notuð fyrir bókun verða eftistöðvarnar áfram á aðgangi þínum að Airbnb þar til þær eru notaðar eða Inneignin rennur út, hvort sem verður fyrr.

Ef þú notar Inneign fyrir bókun og bókunin er felld niður verður þér endurgreitt miðað við afbókunarreglu gestgjafans og/eða aðrar viðeigandi reglur Airbnb. Fjárhæð endurgreiddar Inneignar sem nota má síðar miðast við Inneignina sem þú notaðir fyrir niðurfelldu bókunina. Ef Inneignin sem þú notaðir fyrir niðurfelldu bókunina rann út eftir bókunardaginn gæti viðeigandi endurgreiðsla verið með fyrirvara um frekari skilmála og takmarkanir sem Airbnb lætur vita af við útgáfu Inneignarinnar eða með öðrum hætti. Fjárhæð endurgreidd með öðrum greiðslumáta (t.d. með kredit- eða debetkorti) miðast við fjárhæðina sem var greidd með þeim greiðslumáta.

Hafðu samband við okkur teljir þú einhverra hluta vegna að ósamræmi sé á Inneigninni. Airbnb gæti krafið þig um viðbótarupplýsingar til að ákvarða stöðu Inneignarinnar þinnar.

Ýmislegt

Þér er ljóst og þú samþykkir að þú berir fulla ábyrgð varðandi skattumdæmi þitt að ákvarða: (i) gildandi kröfur um skattskil og (ii) hvaða skatta beri að greiða í tengslum við útgefna Inneign. Airbnb kann að vera skylt að gefa upp VSK fyrir þjónustu þegar Inneign er innleyst þar sem það á við. Airbnb mun undir engum kringumstæðum bera ábyrgð á sérstöku, tilfallandi, refsitengdu eða afleiddu tjóni af neinu tagi jafnvel þótt okkur hafi verið tilkynnt fyrir fram um möguleika á slíku tjóni. Heildarskuldbinding Airbnb við þig í tengslum við útgáfu Inneignar mun í engum tilvikum nema hærra virði en útgefna Inneignin.

Þar sem það er ekki bannað með lögum áskilur Airbnb sér rétt til að neita, ógilda, afturkalla, hafna eða halda eftir til skoðunar öllum Inneignum sem eru fyrir mistök gefnar út í röngum gjaldmiðli eða notaðar eða aflað, beint eða óbeint, í tengslum við sviksamlegar aðgerðir, sviksamlegar kröfur, misnotkun bóta eða í tengslum við brot á þessum Inneignarskilmálum eða Skilmálum Airbnb. Airbnb áskilur sér einnig rétt til úrbóta, þar á meðal að svipta þig leyfi til að nýta þjónustuna, ef grunur leikur á eða ef Airbnb kemst að þeirri niðurstöðu að þú hafir framið svik eða á annan hátt brotið gegn Inneignarskilmálunum eða Skilmálum Airbnb.

Við getum uppfært þessa skilmála hvenær sem er án fyrirvara. Ef við breytum þessum skilmálum birtum við breytingarnar á vefnum Airbnb.com, í hugbúnaði eða með þjónustu og þær taka gildi um leið og þær eru birtar. Notkun Inneignar eftir skilmálabreytingu telst yfirlýst samþykki fyrir þeirri breytingu.

Umfang, fjölbreytileiki og tegundir þjónustu og vara sem þú getur fengið með því að nota Inneign getur breyst hvenær sem er.