Stökkva beint að efni
    Haltu áfram til að sjá tillögur að niðurstöðum

    Reglur um gildar málsbætur og kórónaveiran (COVID-19)

    Uppfært 19. mars 2020

    Hinn 11. mars lýsti Alþjóðaheilbrigðismálastofnunin (WHO) því yfir að faraldur kórónaveiru, þekkt sem COVID-19, væri orðinn að heimsfaraldri. Síðan þá hefur faraldurinn þróast hratt og ríkisstjórnir um allan heim eru að grípa til skjótra aðgerða til að hægja á dreifingu COVID-19.

    Við veitum því eftirfarandi vernd vegna COVID-19 samkvæmt reglum okkar um gildar málsbætur til að vernda samfélag okkar og veita hugarró. Fylgstu með uppfærslum um umfang reglnanna á þessari síðu.

    Yfirlit

    Bókanir vegna gistingar og Airbnb upplifana gerðar 14. mars 2020 eða fyrr með innritun frá 14. mars 2020 til 14. apríl 2020 falla undir reglurnar og þær má afbóka fyrir innritun. Gestir sem afbóka fá endurgreitt að fullu og gestgjafar geta afbókað án gjalda og án þess að hafa áhrif á stöðu ofurgestgjafa. Airbnb endurgreiðir öll þjónustugjöld vegna gjaldgengra afbókana.

    Afbókunarreglur gestgjafa gilda eins og venjulega vegna bókana sem gerðar eru eftir 14. mars 2020 og vegna bókana sem gerðar eru 14. mars 2020 eða fyrr þar sem innritun er eftir 14. apríl 2020. Afbókanir fyrir 14. mars 2020 verða meðhöndlaðar samkvæmt gjaldgengum málsbótum þegar þær voru sendar inn (ekki þeim málsbótum sem hér er lýst).

    Sé bókun þegar hafin (þ.e. innritun er lokið) eiga þessar gildu málsbætur ekki við.

    Innlendar bókanir á meginlandi Kína falla undir yfirlýsingu varðandi gildar málsbætur vegna COVID-19 á meginlandi Kína. Bókanir hjá Luxe eða Luxury Retreats falla undir reglur um endurgreiðslu til gesta hjá Luxe.

    Hvaða bókanir eru gjaldgengar

    Bókanir gerðar 14. mars 2020 eða fyrr

    Bókanir vegna gistingar og Airbnb upplifana gerðar 14. mars 2020 eða fyrr með innritun frá 14. mars 2020 til 14. apríl 2020 má afbóka fyrir innritun. Þetta þýðir að gestir sem afbóka fá endurgreitt að fullu, gestgjafar geta afbókað án gjalda og án þess að hafa áhrif á stöðu ofurgestgjafa og Airbnb mun endurgreiða öll þjónustugjöld.

    Bókanir vegna gistingar og Airbnb upplifana gerðar 14. mars 2020 eða fyrr með innritun eftir 14. apríl 2020 falla ekki sem stendur undir reglur okkar um gildar málsbætur fyrir COVID-19. Í þessum tilvikum gilda afbókunarreglur gestgjafa eins og venjulega.

    Sé bókun þegar hafin (innritun er lokið) eiga þessar gildu málsbætur ekki við.

    Bókanir gerðar eftir 14. mars 2020

    Bókanir vegna gistingar og Airbnb upplifana sem eru gerðar eftir 14. mars 2020 eru ekki gjaldgengar samkvæmt reglum okkar um gildar málsbætur nema gesturinn eða gestgjafinn séu veikir af COVID-19. Aðstæður sem tengjast COVID-19 og teljast ekki gildar eru m.a.: samgönguraskanir og aflýsingar; ferðaráðleggingar og takmarkanir, heilsuráðleggingar og sóttkví, breytingar á gildandi lögum og önnur fyrirmæli stjórnvalda, svo sem rýmingarfyrirmæli, lokun landamæra, bann á skammtímaleigu og kröfur um að halda kyrru fyrir. Í þessum tilvikum gilda afbókunarreglur gestgjafa eins og venjulega.

    Reglum okkar um gildar málsbætur eru ætlað að vernda gesti og gestgjafa gegn ófyrirsjáanlegum kringumstæðum sem koma upp eftir bókun. Eftir að Alþjóðaheilbrigðisstofnunin lýsti því yfir að COVID-19 væri heimsfaraldur eiga reglur um gildar málsbætur ekki lengur við vegna þess að COVID-19, og afleiðingar af COVID-19, eru ekki lengur ófyrirsjáanlegar eða óvæntar. Mundu að kynna þér afbókunarreglur gestgjafa vandlega við bókun og íhugaðu að velja sveigjanlegan valkost.

    Hvernig þetta virkar

    Ef bókunin þín er gjaldgeng verður hún merkt sem slík á bókunarsíðunni (hún er undir ferðum ef þú ert gestur eða á stjórnborði gestgjafa ef þú ert gestgjafi).

    Fyrir gesti: Ef þú afbókar gjaldgenga bókun færðu fulla endurgreiðslu og Airbnb endurgreiðir öll þjónustugjöld. Þú þarft ekki að hafa samband við okkur í þessu tilviki. Nánari upplýsingar um það hvernig endurgreiðslur virka.

    Fyrir gestgjafa: Ef þú fellir niður gjaldgenga bókun berð þú engin gjöld, það hefur engin áhrif á stöðu ofurgestgjafa og Airbnb endurgreiðir öll þjónustugjöld. Þú þarft ekki að hafa samband við okkur í þessu tilviki.

    Sé bókun þín ekki gjaldgeng gildir afbókunarregla gestgjafans eins og vanalega. Við hvetjum þig til að hafa samband við gestgjafann þinn eða gest til að ræða afbókanir og endurgreiðslu.

    Uppfærslur og úrræði af kórónaveirunni

    Við höfum safnað greinum til þess að hjálpa samfélaginu okkar við þessar aðstæður í úrræðamiðstöðinni. Þú getur fundið nýjustu upplýsingar um viðbrögð okkar vegna COVID-19 en þau varða m.a. breytingar á reglum og stefnum og úrræði fyrir gestgjafa og gesti. Meðal annars:

    Þú getur einnig lesið reglur okkar um gildar málsbætur til að kynna þér yfir hvaða aðstæður þær ná aðrar en COVID-19.

    Við biðjum alla samfélagsmeðlimi um að virða aðra samfélagsmeðlimi, taka vel á mót þeim og fylgja reglum gegn mismunun.

    Við munum áfram fara yfir beitingu þessara reglna. Þú ættir að fylgjast með uppfærslum og nýjum upplýsingum á þessari síðu.

    Fékkstu þá aðstoð sem þú þurftir?

    Skráðu þig inn til að fá sérsniðna aðstoð

    Fáðu aðstoð í tengslum við bókanir, aðganginn þinn og fleira.
    Nýskráning