Hvað gerist ef bókunarbeiðnin þín rennur út eða er hafnað

Ef bókunarbeiðni þinni er hafnað af gestgjafanum eða ef hún rennur út (gestgjafar hafa sólarhring til að svara) er engin bókun gerð og þér er frjálst að bóka aðra gistingu.

Ef þú ert ekki viss um stöðu bókunarbeiðni þinnar getur þú kynnt þér hvar þú getur nálgast stöðu bókunar þinnar sem gestur.

Hvað útrunnin bókunarbeiðni þýðir

Það tók gestgjafann meira en 24 klukkustundir að samþykkja eða hafna beiðninni og hún rann út.

Hvað bókunarbeiðni sem var hafnað þýðir

Gestgjafinn hafnaði bókunarbeiðninni þinni. Kynntu þér nánar ástæður þess að gestgjafar geta hafnað bókunarbeiðnum.

Ef beiðnin þín rann út en þú hefur enn áhuga á að bóka eign gestgjafans

Ýmislegt getur komið upp á og gestgjafinn gæti hafa misst af bókunarbeiðninni þinni. Ef hún rann út án svars frá gestgjafanum og þú hefur enn áhuga á að bóka eignina getur þú einfaldlega sent viðkomandi aðra bókunarbeiðni.

Þú getur einnig sent gestgjafanum skilaboð og látið vita af áhuga þínum á að bóka eignina. Það hjálpar oft að láta gestgjafann vita hvers vegna þér líkar við eignina, hverjir munu gista með þér og ástæðu ferðarinnar.

Ef beiðni þinni var hafnað og þú hefur enn áhuga á að bóka eign gestgjafans

Oft láta gestgjafar gesti vita af hverju þeir höfnuðu bókunarbeiðni en ekki er víst að þeir gefi alltaf upp þessar upplýsingar.

Ef bókunarbeiðninni var hafnað en eignin er enn laus samkvæmt skráningarsíðunni gæti það verið vegna þess að gestgjafinn á eftir að uppfæra dagatalið, viðkomandi gæti verið að leitast eftir styttri eða lengri bókunum eða haft aðra ástæðu fyrir höfnuninni.

Þú getur haft beint samband við gestgjafann. Þú getur sent viðkomandi skilaboð þar sem þú sýnir áframhaldandi áhuga og spurt hvort það sé einhver sveigjanleiki til að taka á móti þér. Þessi samskipti geta opnað dyrnar fyrir mögulegum breytingum eða útskýringum sem gætu gert bókun þína að veruleika. Skoðaðu nokkrar ástæður fyrir því að gestgjafi geti hafnað bókunarbeiðni og hvað þú getur gert áður en þú bókar til að hjálpa viðkomandi að kynnast þér. 

Greiðsla þín ef bókunarbeiðni þinni er hafnað eða hún rennur út

Heimildinni á greiðslumáta þínum verður aflétt. Þú færð endurgreiðslu ef greiðslumáti þinn hefur þegar verið skuldfærður. Frekari upplýsingar um hvað verður um greiðslu þína ef bókunarbeiðni er hafnað eða hún rennur út.

Bókaðu eign samstundis án sérstaks samþykkis gestgjafa

Skráningar sem bjóða hraðbókun gera þér kleift að bóka samstundis án þess að þurfa að senda gestgjafa beiðni til samþykkis. Þú getur fundið gistingu sem þú getur bókað samstundis með því að nota leitarsíu fyrir hraðbókun.