Nýtt verðtól ber saman álíka eignir í nágrenninu

Athugasemd ritstjóra: Þessi grein var birt sem hluti af sumarútgáfu Airbnb 2023. Upplýsingar gætu hafa breyst frá fyrstu birtingu. Frekari upplýsingar um nýjustu útgáfu okkar.

Í fyrsta sinn á Airbnb getur þú borið verðið hjá þér saman við meðalverð á álíka eignum sem verið er að bóka í nágrenninu.

Gestgjafar eins og þú hafa sagt okkur að það geti verið erfitt að ákveða rétta verðið. Við tókum athugasemdir ykkar til greina og höfum nú auðveldað gestgjöfum að átta sig á verðlagningu á svæðinu.

Nýtt kort sýnir meðalverð sambærilegra eigna í nágrenninu með tilliti til þess hvort þær séu bókaðar eða óbókaðar. Þú getur stuðst við það í hvert sinn sem þú breytir eða stillir verðið hjá þér.

„Eignin okkar er oft bókuð marga mánuði fram í tímann en ég vil samt sem áður geta skoðað verðið á öðrum eignum og hvað gestgjafar í nágrenninu eru að taka fyrir nóttina,“ segir Felicity, meðlimur í ráðgjafaráði gestgjafa í Nýja-Suður Wales, Ástralíu. „Ég passa alltaf upp á að vera með samkeppnishæft verð og ég tel að þessi eiginleiki eigi eftir að koma sér ansi vel fyrir marga gestgjafa.“

Svona berðu saman verð:

• Tilgreindu dagsetningu eða allt að 31 daga tímabil á dagatalinu.
• Pikkaðu eða smelltu á gistináttaverðið. Beint fyrir neðan verðið er hnappur sem sýnir kortatáknið ásamt orðunum „bera saman verð.“
• Pikkaðu eða smelltu á hnappinn til að opna kort þar sem meðalverð eigna sem eru sambærilegar þinni birtist. Á kortinu getur þú valið hvort meðalverð bókaðra eða óbókaðra eigna í nágrenninu birtist.

Verðin á kortinu endurspegla meðalverð bókaðra eða óbókaðra eigna fyrir tiltekna daga. Þættir sem tekið er tillit til við val sambærilegra eigna eru meðal annars staðsetning, stærð, eiginleikar, þægindi, einkunnir, umsagnir og skráningar sem gestir eiga til með að skoða sem annan valkost samhliða þinni.

Þessi nýju tól eru hluti af sumarútgáfu Airbnb 2023 sem felur í sér 25 uppfærslur fyrir gestgjafa. Fáðu forsýn og byrjaðu að nota þessi nýju tól strax í dag.