Ný merking hjálpar vinsælustu heimilunum að skara fram úr

Gestir leggja traust sitt á gestgjafa í hvert skipti sem þeir bóka. Þeir eiga að geta verið vissir um að skráningarlýsingin sé nákvæm áður en þeir ganga frá bókun.

Ein leið til að finna góða gistingu er í gegnum merkinguna í uppáhaldi hjá gestum, en það eru vinsælustu heimilin á Airbnb samkvæmt gestum.

Frá og með maímánuði mun ný merking hjálpa vinsælustu skráningunum að skara fram úr og auðvelda gestum að velja eign sem uppfyllir þarfir þeirra.

Nýja merkingin gefur til kynna hvernig gjaldgengar skráningar standast samanburð við aðrar miðað við einkunnir, umsagnir og áreiðanleika. Skráningar teljast gjaldgengar fyrir merkingu hafi þær fengið minnst fimm umsagnir á síðustu tveimur árum.

Vinsælustu 10% gjaldgengra skráninga eru merktar með:

• Gullbikar
• Gylltum laufum sem umlykja merkið „í uppáhaldi hjá gestum“
• Prósentumerkingu sem tilgreinir hvort eignin sé meðal 1%, 5% eða 10% vinsælustu skráninganna

Sé eign meðal 10% vinsælustu skráninganna birtist merkingin á skráningarsíðunni og fyrir ofan umsagnirnar.

Við sýnum gestum einnig þegar eign er meðal 10% óvinsælustu gjaldgengu skráninganna. Sé eign meðal 10% óvinsælustu skráninganna birtist merkið fyrir ofan umsagnirnar.

Merkingarnar breytast reglulega í samræmi við ýmsa þætti, þar á meðal:

• Heildar stjörnueinkunn og athugasemdir í umsögnum gesta
• Einkunnir í undirflokkum hvað varðar hreinlæti, nákvæmni, samskipti við gestgjafa, staðsetningu og virði
• Afbókunarhlutfall gestgjafa
• Gæðavandamál sem hafa verið tilkynnt til þjónustuvers Airbnb

Þú færð áfram tilkynningu í hvert sinn sem gestur gefur skráningu þinni einkunn eða umsögn eða tilkynnir gæðavandamál. Þú getur sem áður tilkynnt umsögn sem þú telur brjóta gegn umsagnarreglum okkar.

Upplýsingarnar í þessari grein gætu hafa breyst frá birtingu.