Nýjar aðgangsheimildir fyrir samgestgjafa og einfaldar útborganir
Athugasemd ritstjóra: Þessi grein var birt sem hluti af sumarútgáfu Airbnb 2023. Upplýsingar gætu hafa breyst frá fyrstu birtingu. Frekari upplýsingar um nýjustu útgáfu okkar.
Þegar þú nýtur aðstoðar samgestgjafa getur gestaumsjónin orðið minna krefjandi og meira gefandi. Þetta getur verið nágranni, fjölskyldumeðlimur, vinur eða einhver sem þú ræður til starfa. Samgestgjafar geta hjálpað þér að hafa umsjón með dagatalinu, uppfæra skráninguna og svara skilaboðum gesta.
Þið sögðuð okkur að þið vilduð geta stýrt hverju samgestgjafar hafi aðgang að í skráningunni og geta deilt útborgunum fyrir bókanir beint í gegnum Airbnb. Við erum að gera endurbætur á tólum okkar fyrir samgestgjafa til að auðvelda gestaumsjónina.
Hvar má finna nýja flipann fyrir samgestgjafa
Nýr flipi fyrir samgestgjafa er hægra megin við flipana fyrir skráningar- og bókunarstillingar í farsíma. Staðsetning flipans er sú sama úr tölvu.
Í þessum flipa getur þú nálgast upplýsingar um samgestgjafa þína, stillt aðgangsheimildir þeirra og útborganir. Þaðan getur þú einnig boðið samgestgjöfum. Viðkomandi þarf að vera með aðgang að Airbnb til að samþykkja boðið.
Stilling aðgangsheimilda samgestgjafa
Þegar þú býður samgestgjafa biðjum við þig um að tilgreina aðgangsheimildir viðkomandi hvað varðar umsjón með skráningunni. Valkostir eru meðal annars:
- Full aðgangsheimild til að hafa umsjón með dagatalinu og skráningunni, fjarlægja og stilla aðgangsheimildir annarra samgestgjafa, senda gestum skilaboð, skoða útborganir og færsluskrá
- Innhólfs- og dagatalsheimild til að hafa umsjón með dagatalinu og senda gestum skilaboð
- Dagatalsheimild til að skoða dagatalið og fá inn- og útritunarupplýsingar
Allir samgestgjafar verða tilgreindir sem slíkir á skráningarsíðunni að undanskildum þeim sem hafa aðeins dagatalsheimild. Samgestgjafar með fulla aðgangsheimild geta stillt sjálfa sig sem aðalgestgjafa skráningarinnar og þú hefur einnig val um að stilla það.
Allir núverandi samgestgjafar hafa fulla aðgangsheimild að skráningunni. Þú getur breytt heimildum samgestgjafa hvenær sem er.
Að deila útborgunum með samgestgjöfum á Airbnb
Þú hefur val um að deila prósentuhlutfalli af tekjum þínum eða fastri upphæð fyrir hverja bókun. Þegar þú hefur stillt hvernig útborgunum er deilt og samgestgjafinn gefið samþykki sitt mun viðkomandi fá útborganir fyrir bókanir eftir að gestir innrita sig. Útborganir sem deilt er með samgestgjafa eru háðar takmörkunum á sumum stöðum. Frekari upplýsingar
Þessi tól samgestgjafa eru hluti af sumarútgáfu Airbnb 2023 sem felur í sér 25 uppfærslur fyrir gestgjafa. Fáðu forsýn og byrjaðu að nota þessi nýju tól strax í dag.