Stýrðu því hvenær og hvernig þú tekur á móti gestum

Þú getur tekið á móti gestum alla daga ársins, á ákveðnum árstímum eða jafnvel bara á meðan þú ert að heiman. Það er einfalt að halda utan um gestaumsjónina með Airbnb appinu. Með innbyggðum verkfærum getur þú stýrt framboðinu hjá þér, bókunarstillingum og húsreglum.

Notaðu dagatalið til að stilla og breyta framboðinu hjá þér. 

• Bættu við dagsetningum. Opnaðu dagatalið næstu 3, 6, 9, 12 eða 24 mánuðina fram í tímann eða tilgreindu hvaða daga þú vilt taka á móti gestum. Stórviðburðir og frídagar koma beint fram í dagatalinu þínu.
• Ákveddu undirbúningstímann. Veldu hve mikinn fyrirvara þú þarft áður en gestir mæta á staðinn. Heimilaðu bókanir sem hefjast samdægurs eða gerðu kröfu um eins, tveggja, þriggja eða sjö daga fyrirvara ef þú vilt hafa meiri tíma.
• Stilltu ferðalengd. Tilgreindu lágmarks- eða hámarksdvöl gesta. Þú gætir til dæmis gert kröfu um að lágmarksdvöl sé tvær nætur.

Þú getur sérsniðið dagatalið með nokkrum einföldum stillingum.

• Tilgreindu hámarksfjölda gesta. Ákvarðaðu hve marga gesti heimilið þitt rúmar. 
• Veldu hvernig gestir bóka. Með hraðbókun geta gestir sem uppfylla kröfur þínar og samþykkja húsreglurnar bókað lausar dagsetningar tafarlaust. Þú getur slökkt á hraðbókun ef þú vilt frekar fara yfir hverja bókunarbeiðni fyrir sig.
• Tilgreindu inn- og útritunartíma. Þú ákveður hve snemma gestir geta mætt á staðinn og hve seint þeir mega fara. 

Allir gestir sem bóka þurfa að hafa staðfest auðkenni til að geta notað Airbnb. Þú getur skoðað notandalýsingu hvers gests áður en viðkomandi mætir á staðinn.

Húsreglur gefa gestum skýra mynd af því sem er vænst af þeim áður en þeir innrita sig.

• Veldu úr húsreglum. Veldu úr reglum varðandi reykingar, gæludýr, viðburði, kyrrðartíma, hámarksfjölda gesta, inn- og útritunartíma og ljós- eða kvikmyndun í atvinnuskyni.
• Bættu við aukareglum. Þú getur tekið fram beiðnir sem eiga sérstaklega við um eignina þína, svo lengi sem þær eru raunhæfar og í samræmi við reglur Airbnb.

Hafðu samband við þjónustuver Airbnb ef gestur brýtur gegn reglum þínum. Með skýrum húsreglum og réttu stillingunum getur þú tekið á móti gestum án nokkurra áhyggja.

Upplýsingarnar í þessari grein gætu hafa breyst frá birtingu.