Svona getur þú sýnt neyðargistingu stuðning í verki

Þegar náttúruhamfarir eða stórfelld átök neyða fólk til að flýja heimili sín er þak yfir höfuðið eitt það mest áríðandi. Skammtímahúsnæði veitir viðkomandi manneskjum rými til að einbeita sér að öðrum mikilvægum atriðum og gera áætlanir til lengri tíma. Þú getur skipt sköpum með því að bjóða neyðargistingu eða styrkja Airbnb.org.

Airbnb.org eru bandarísk góðgerðasamtök af tegundinni US 501(c)(3) sem starfa óháð Airbnb. Starf samtakanna hófst árið 2012 þegar Shell, gestgjafi í Brooklyn, New York, opnaði heimili sitt að kostnaðarlausu fyrir fólki sem átti um sárt að binda vegna fellibylsins Sandy. Airbnb óskaði eftir aðstoð annarra samfélagsmeðlima og yfir 1.000 gestgjafar á staðnum opnuðu heimili sín fyrir fólki sem átti ekki í önnur hús að venda vegna óveðursins.

Shell veitti Airbnb innblástur til að koma þjónustu á laggirnar sem gerði gestgjöfum um allan heim kleift að bjóða gistingu á neyðartímum. Árið 2020 varð þessi þjónusta að góðgerðasamtökunum Airbnb.org sem búa að eigin markmiðum og óháðri stjórn.

Í dag vinnur Airbnb.org með stjórnvöldum, frjálsum félagssamtökum og mannúðarstofnunum um allan heim í því skyni að útvega tímabundið húsnæði fyrir fólk í neyð. Starfsemin er fjármögnuð af styrktaraðilum og nýtur góðs af tækniverkvangi Airbnb ásamt alþjóðasamfélagi gestgjafa til að bregðast við náttúruhamförum, átökum og annars konar neyðarástandi.

Airbnb.org hefur útvegað meira en 1,6 milljónir gistinátta fyrir meira en 250.000 manns, þar á meðal flóttafólk og fólk sem hefur þurft að flýja vegna náttúruhamfara. Þörfin fyrir stuðning heldur áfram að aukast.

Þú getur styrkt einu sinni hvort sem þú hefur pláss til að taka á móti gestum eða ekki. Ef þú tekur reglulega á móti gestum á Airbnb getur þú gefið ákveðið prósentuhlutfall af hverri útborgun. Í öllum tilvikum rennur styrkur þinn þó 100% til fjármögnunar á neyðargistingu (en ekki í rekstrarkostnað Airbnb.org).

Gestir Airbnb.org eða góðgerðasamtök sem við eigum í samstarfi við og bóka fyrir hönd þeirra geta nýtt fjármagnið til að bóka gistingu í hvaða eign sem er á Airbnb. Sért þú gestgjafi á Airbnb getur þú boðið gestum Airbnb.org gistingu með afslætti.

Gestir Airbnb.org greiða ekkert fyrir gistingu sína. Bókanir eru fjármagnaðar með fjárframlögum. Með því að bjóða eign þína með afslætti getur þú drýgt styrktarfjármagn þannig að fleiri hafi aðgang að neyðargistingu.

Airbnb stendur straum af öllum rekstrarkostnaði Airbnb.org og því nýtast allir styrkir að fullu til að útvega neyðarhúsnæði. Airbnb hefur engar tekjur af þessari gistingu. Bókanir njóta verndar AirCover fyrir gestgjafa.

Samtök sem sinna búferlaflutningum og sérhæfa sig í neyðarviðbrögðum, sem og hjálpa flóttamönnum að koma sér fyrir á nýjum stað, vísa oft á eða eru í forsvari fyrir gesti Airbnb.org. Gestir geta ekki sótt beint um neyðargistingu í gegnum Airbnb.org.

Gestir sem uppfylla skilyrði fyrir neyðargistingu eru meðal annars:

• Fólk sem hefur þurft að líða fyrir miklar hamfarir og fólk sem sinnir hjálparstarfi
• Flóttafólk, hælisleitendur eða fólk með sérstakt flóttamannaleyfi eða viðurkennda stöðu flóttafólks af mannúðarástæðum.

Gjaldgengir gestir gætu fengið inneign hjá Airbnb.org til að bóka neyðargistingu og góðgerðasamtök sem við vinnum með gætu einnig bókað fyrir hönd skjólstæðinga sinna og séð um samskiptin við gestgjafann.

Eignin þín getur verið griðarstaður fyrir fólk í neyð. Dima, gestur Airbnb.org í Berlín, yfirgaf Úkraínu árið 2022.„Ég glímdi við sterkar tilfinningar fyrstu dagana,“ segir Dima. „Ég veit hreinlega ekki hvort vóg þyngra; að vera í öruggu rými eða bara að meðtaka allan stuðninginn.“

Já. Með því að bjóða neyðargistingu með afslætti eða með því að gefa prósentuhlutfall af útborgunum þínum með reglubundnum hætti færð þú merki styrktaraðila Airbnb.org sem kemur fram á notandalýsingu þinni sem gestgjafa.