Nýttu skilaboðaflipann til fulls

Skilaboðaflipinn er innhólfið þitt á Airbnb. Hann kemur öllum skilaboðum þínum tengdum gestaumsjón, ferðum og þjónustuverinu fyrir á einum og sama staðnum. Eiginleikar í skilaboðaflipanum gera þér kleift að:

• Sía eftir skilaboðum og leita í innhólfinu þínu.
• Senda og tímasetja skilaboð, þar á meðal forskrifuð sniðmát sem kallast hraðsvör.
• Eiga í samskiptum við alla gesti í sömu bókun innan sama skilaboðaþráðarins.
• Hefja skilaboðaþræði innan sama spjallsins til að halda skipulagi á samræðunum.
• Breyta og afturkalla send skilaboð.
• Nýta þér lestrarkvittanir til að sjá hvenær gestir lesa skilaboð frá þér.
• Svara skilaboðum með tjáknum.

Sjálfgefið yfirlit sýnir öll skilaboðin þín á Airbnb. Veldu gestaumsjón, ferðalagið eða þjónustuver til að sía skilaboð eftir tegund.

Í gestaumsjón getur þú notað þessar viðbótarsíur:

• Ólesin birtir aðeins óopnuð skilaboð.
• Staða ferðar raðar skilaboðum eftir bókunarbeiðnum, bókunum á næstunni, yfirstandandi dvöl eða eldri bókunum.
• Skráningar raða skilaboðum eftir skráningu ef þú ert með meira en eina eign á skrá.
• Miklvæg skilaboð fela aðeins í sér skilaboð sem þú hefur merkt sem mikilvæg.

Ef þú nýtur aðstoðar samgestgjafa, ert fulltrúi ofurgestgjafa eða býður upplifun á Airbnb munt þú geta nálgast eftirfarandi síur í skilaboðaflipanum:

• Samgestgjafi sýnir samtöl milli þín og annarra samgestgjafa þinna.
• Fulltrúi ofurgestgjafa birtir skilaboð milli þín og gestgjafa sem þú hefur tengst í gegnum fulltrúaþjónustuna.
• Upplifanir gera þér kleift að lesa skilaboð sem tengjast þeim bókunum.

Notaðu ferðasíuna til að skoða skilaboðin sem þú sendir og færð sem gestur. Notaðu síuna fyrir þjónustuver til að skoða samtöl á milli þín og þjónustufulltrúa.

Ertu að leita að tilteknu samtali? Þú getur leitað í skilaboðum eftir nöfnum, orðum eða orðasamböndum. Leitarniðurstöður taka mið af síum sem þú hefur notað og hjálpa þér að finna samtölin fyrr.

Tímanleg og skýr samskipti eru lykillinn að árangursríkri gestaumsjón. Bryddaðu upp á samræðum, veittu upplýsingar og svaraðu spurningum frá gestum í skilaboðaflipanum.

Prófaðu hraðsvör til að spara þér tíma. Hraðsvör eru sniðmát fyrir skilaboð til að deila venjubundnum upplýsingum svo að þú þurfir ekki að byrja að skrifa frá grunni. Þú getur nýtt þér nokkur forskrifuð skilaboð í skilaboðaflipanum til að vera gestum innan handar á mikilvægum stundum, eins og rétt eftir að gengið hefur verið frá bókun. Þú getur notað þessi hraðsvör eins og þau eru, breytt þeim eða búið til þín eigin sniðmát. 

Skilaboðaflipinn notar gervigreind til að greina spurningar gesta og leggur sjálfkrafa til hraðsvar sem gæti átt við. Tillagan að svarinu birtist í samtalinu við gestinn þar sem aðeins þú getur séð hana.

Þú getur yfirfarið, breytt og sent tillögu að hraðsvari þannig að það sendist strax eða tímasett það til sendingar seinna. Breytur í sniðmátunum fylla sjálfkrafa út tilteknar bókunar- og skráningarupplýsingar þegar skilaboðin eru send, svo sem staðsetningu, nafn gestsins og innritunartíma. Gættu þess að skráningin þín sé fullfrágengin og uppfærð því skilaboð með auðum breytum sendast ekki með réttum hætti.

Þegar líður að skilaboðum sem þú hefur tímasett mun þér birtast áminning í samtalsglugganum við gestinn. Þú getur breytt eða sleppt því að senda skilaboð ef þau innihalda upplýsingar sem þú hefur nú þegar komið á framfæri.

Frekari upplýsingar um hvernig þú getur sparað þér tíma með hraðsvörum

Nýtt samtal hefst í skilaboðaflipanum með hverri bókun. 

Gesturinn sem gekk frá bókuninni getur boðið því samferðafólki sínu sem er lögráða að taka þátt í samtalinu. Gestum sem þyggja boðið er bætt við samtalið og allur hópurinn fær skilaboðin sem þú sendir þar. Gestir geta lesið öll skilaboð, jafnvel þau sem skrifuð voru áður en viðkomandi slóst í hópinn, þannig að þú þurfir ekki að endurtaka þig.

Pikkaðu á upplýsingahnappinn fyrir frekari upplýsingar um bókunina og samtalið, þar á meðal lista yfir alla þátttakendur. Veldu notandamynd gests til að opna notandalýsingu viðkomandi og fá nánari upplýsingar um hverjum þú ert að fara að taka á móti.

Þú getur nálgast fleiri eiginleika í skilaboðaflipanum til að hafa umsjón með samtölum, þar á meðal skilaboðaþræði, breytingartól, lestrarkvittanir og tjákn.

• Skilaboðaþræðir gera þér kleift að stofna nýjan þráð þegar þú svarar tiltekinni spurningu þannig að svarið kvíslist undir upphaflegu skilaboðunum.
• Breytingartól gera þér kleift að breyta skilaboðum innan 15 mínútna frá því að þú sendir þau og afturkalla skilaboð innan eins sólarhrings.
• Lestrarkvittanir sýna hvort gestir eða aðrir viðtakendur hafi séð skilaboðin þín, nema viðkomandi hafi slökkt á þessum eiginleika í aðgangsstillingum sínum.
• Tjákn gera þér kleift að sýna viðbrögð með brosandi andliti, hjarta, þumalfingrum upp, klappandi lófum eða hlæjandi andliti.

Upplýsingarnar í þessari grein gætu hafa breyst frá birtingu.