Sparaðu þér tíma með hraðsvörum

Flestir gestir sem bóka þjónustu Airbnb senda gestgjafanum skilaboð áður en þeir bóka. Þú getur svarað algengum spurningum, hvatt til bókana og átt í skilvirkum samskiptum með hraðsvörum úr skilaboðaflipanum.

Hraðsvör eru stutt og forskrifuð skilaboð vistuð sem sniðmát undir skilaboðastillingum.

Skilaboðin eru aðlöguð með breytum fyrir eiginnafn gests og önnur atriði úr skráningar- eða bókunarupplýsingum.

Þú getur samið þín eigin hraðsvör og notað sniðmát Airbnb fyrir þjónustugestgjafa. Þú gætir til dæmis vistað hraðsvar ef þú færð oft svipaðar spurningar um þjónustu áður en bókun er staðfest.

Hugsaðu um hvaða hraðsvör þú getur notað þegar þú sendir gestum skilaboð og tímasettu önnur hraðsvör þannig að þau sendist sjálfkrafa á tilteknum tímapunktum.

Svona sendir þú hraðsvar samstundis til gests:

• Opnaðu skilaboðaflipann.
• Veldu samtalið sem þú vilt svara.
• Pikkaðu á plúsinn (+) við skrifa skilaboð.
• Veldu senda hraðsvar.
• Veldu hraðsvar sem birtist í samtalinu.
• Breyttu svarinu eða sendu það eins og það er.
• Pikkaðu á örina (↑) til að senda skilaboðin.

Í skilaboðaflipanum eru einnig tillögur að svörum sem styðjast við gervigreind til að skilja spurningu gestsins og leggja til eitt hraðsvara þinna til að svara henni. Tillagan birtist í samtalinu þar sem aðeins þú getur séð hana. Þú getur breytt hraðsvarinu áður en þú sendir það eða skrifað annað svar.

Svona sendir þú hraðsvar sjálfkrafa til allra gesta:

• Opnaðu skilaboðaflipann.
• Pikkaðu á stillingatáknið efst á skjánum.
• Pikkaðu á umsjón með hraðsvörum.
• Veldu hraðsvarið sem þú vilt tímasetja og pikkaðu á næsta.
• Pikkaðu á tímasetning og veldu hvenær þú vilt að gestir fái skilaboðin, t.d. fimm mínútum eftir að gestur bókar eða tveimur klukkustundum eftir að þjónustu lýkur.

Þegar líður að tímasettu hraðsvari mun þér birtast áminning í samtalsglugganum við gestinn. Þú getur breytt eða sleppt því að senda skilaboð ef þau innihalda upplýsingar sem þú hefur nú þegar komið á framfæri.

Hraðsvar virkar best þegar það er stutt og áherslan er á eitt viðfangsefni. Það gæti til dæmis verið útskýring á því hvernig auka má gestafjöldann, staðfesting á því að hægt sé að verða við séróskum eða úthugsuð skilaboð ef neyðarástand skyldi koma upp.

Prófaðu að tímasetja hraðsvör fyrir lykilstundir eins og þessar:

Staðfesting bókunar

Heilsaðu og fáðu upplýsingar sem hjálpa þér að sérsníða þjónustu þína að þörfum gestsins. Ljósmyndari gæti til dæmis spurt:

• Hvert er tilefni myndatökunnar? 
• Hvernig myndir viltu helst festa á filmu?

Láttu gesti vita ef þú veitir þjónustuna með öðrum eða ef samgestgjafi sér um hana skaltu og tilgreindu hæfi og réttindi viðkomandi.

Áður en þjónusta fer fram

Minntu gestina á komutíma og hvar þið hittist og gefðu ráð um hvernig þeir geta fengið sem mest út úr þjónustunni. Einkaþjálfari gæti til dæmis sett inn stuttan lista yfir ráðlagðan fatnað fyrir afþreyingu utandyra miðað við árstíð hverju sinni.

Að þjónustu lokinni

Þú gætir þakkað gestum fyrir að bóka hjá þér. Með því að hvetja gesti til að skrifa opinbera umsögn geta aðrir metið hvort þjónustan henti þörfum þeirra. Óskaðu eftir athugasemdum og hugmyndum svo sem um það hvernig þú hefðir getað gert samveruna enn betri.

Þú getur kynnt þig, útbúið sérþjónustu og deilt eftirminnilegum augnablikum með gestum með myndum eða myndskeiðum í hraðsvörum. Kokkur gæti til dæmis sent sýnishorn af matseðli.

Þú getur sett skrár í viðhengi skilaboða eftir að bókun hefur verið staðfest. Sendu myndir á PNG- eða JPG-sniði (allt að 50MB) og myndbönd á MP4- eða MOV-sniði (allt að 100 MB og 60 sekúndur að lengd).

Notendaupplifun getur verið mismunandi eftir staðsetningu. Upplýsingarnar í þessari grein gætu hafa breyst frá birtingu.