Sparaðu þér tíma með hraðsvörum

Upplifunargestgjafar fá oft sömu spurninguna aftur og aftur frá mismunandi gestum. „Hvaða daga er laust í næstu viku?“ Hvar hittumst við? Hvað á ég að gera ef það rignir?

Með hraðsvörum í skilaboðaflipanum getur þú endurnýtt svör þín og svarað með skjótum hætti í hvert skipti.

Hraðsvör eru stutt og forskrifuð skilaboð vistuð sem sniðmát undir skilaboðastillingum.

Skilaboðin eru aðlöguð með breytum fyrir eiginnafn gests og önnur atriði úr skráningar- eða bókunarupplýsingum.

Útbúðu eigin hraðsvör eða breyttu sniðmátum Airbnb. Þú gætir til dæmis vistað hraðsvar þurfir þú oft að hafa samband við gesti sem eru of seinir.

Þú getur sent hraðsvör strax eða tímasett þau til að sendast sjálfkrafa síðar.

Svona sendir þú hraðsvar samstundis til gests:

• Opnaðu skilaboðaflipann.
• Veldu samtalið sem þú vilt svara.
• Pikkaðu á plúsinn (+) við skrifa skilaboð.
• Veldu senda hraðsvar.
• Veldu hraðsvar sem birtist í samtalinu.
• Breyttu svarinu eða sendu það eins og það er.
• Pikkaðu á örina (↑) til að senda skilaboðin.

Í skilaboðaflipanum eru einnig tillögur að svörum sem styðjast við gervigreind til að skilja spurningu gestsins og leggja til eitt hraðsvara þinna til að svara henni. Tillagan birtist í samtalinu þar sem aðeins þú getur séð hana. Þú getur breytt tillögu að svari áður en þú sendir það eða skrifað annað svar.

Svona sendir þú hraðsvar sjálfkrafa til allra gesta:

• Opnaðu skilaboðaflipann.
• Pikkaðu á stillingatáknið efst á skjánum.
• Pikkaðu á umsjón með hraðsvörum.
• Veldu hraðsvarið sem þú vilt tímasetja og pikkaðu á næsta.
• Pikkaðu á tímasetning og veldu hvenær þú vilt að gestir fái skilaboðin — til dæmis við bókunarstaðfestingu eða tveimur klukkustundum áður en upplifunin hefst.

Þegar bókun er staðfest hefur þú tvo valkosti: Að senda bein skilaboð til hvers gests sem bókar eða hópskilaboð eftir að fyrsti gesturinn bókar.

Þegar þú tímasetur hópskilaboð bætast gestir sem bóka upplifun á sama tíma sjálfkrafa við skilaboðaþráðinn. Þeir geta lesið öll skilaboðin í skilaboðaþræðinum og þú þarft því ekki að endurtaka þig.

Við minnum á tímasett hraðsvör þegar styttist í sendingu þeirra við samtalið við gestinn. Þú getur breytt eða sleppt því að senda skilaboð ef þau innihalda upplýsingar sem þú hefur nú þegar komið á framfæri.

Hraðsvar virkar best þegar það er stutt og áherslan er á eitt viðfangsefni. Þú finnur forskrifuð sniðmát fyrir algeng viðfangsefni eins og þessi í skilaboðaflipanum. Prófaðu að senda þau á tilteknum tímapunktum.

• Bókunarstaðfesting: Kynntu þig og spyrðu gesti hvort þeir hafi spurningar eða séróskir, til dæmis vegna sérþarfa eða óska varðandi mat.
• Undirbúningur: Hjálpaðu gestum að fá sem mest út úr upplifuninni með því að stilla væntingar. Þú getur til dæmis sent veðurspá ásamt tillögum um klæðnað eða hvað sé gott að hafa með sér svo að fólki líði vel.
• Áður en upplifun hefst: Hafðu samband með sólarhringsfyrirvara til að minna gesti á upphafstíma og samkomustað ásamt skýrri leiðarlýsingu.
• Að upplifun lokinni: Gefðu tillögur tengdar staðnum og hugsaðu um hvort þú viljir biðja gesti um athugasemdir og opinbera umsögn.

Með því að bæta myndum eða myndskeiðum við hraðsvörin getur þú kynnt þig, sýnt hvar þið hittist eða deilt hápunktum upplifunarinnar. Ef þú tókst til dæmis myndir af gestum meðan á afþreyingunni stóð getur þú sent nokkrar myndir með hraðsvari sem þú notar „að upplifun lokinni“.

Þú getur sett skrár í viðhengi skilaboða eftir að bókun hefur verið staðfest. Sendu myndir á PNG- eða JPG-sniði (allt að 50 MB) og myndbönd á MP4- eða MOV-sniði (allt að 100 MB og 60 sekúndur að lengd).

Upplifun notenda getur verið mismunandi eftir staðsetningu. Upplýsingarnar í þessari grein gætu hafa breyst frá birtingu.