Eigðu skilvirk samskipti

Skilvirk samskipti við gesti geta breytt góðri dvöl í frábæra dvöl. Notaðu skilaboðakerfi Airbnb til að deila mikilvægum upplýsingum og áminningum, svara spurningum tímanlega og bjóða gesti velkomna.

Hvernig þú veitir upplýsingar leggur grunninn að upplifun gesta af dvölinni. Leggðu þig fram um að:

• Vera til taks. Kveiktu á tilkynningum til að taka á móti og bregðast tímanlega við skilaboðum gesta. Annette, gestgjafi í San Francisco segir að hún hvetji gesti til að „hafa samband þegar í stað til að við getum leyst úr málunum,“ jafnvel þótt um eitthvað minniháttar sé að ræða.

• Sýna gagnsæi. Greindu skýrt frá því sem gestir ættu að gera ráð fyrir. „Það sem þú segir gestum þínum að verði í boði þegar þeir koma á staðinn, verður að standast,“ segir Daniel, gestgjafi í San Francisco.

• Sýna hlýju í samskiptum. Spurðu gesti hvernig þú getur orðið þeim að liði til að viðkomandi líði sem best. „Við getum ekki séð allt fyrir,“ segir Sadie, gestgjafi í Santa Fe í Nýju-Mexíkó.

• Sýna umhyggjusemi. Hvernig þú bregst við vandamáli getur skipt sköpum. „Með því að sýna samkennd og skjót viðbrögð getur þú breytt erfiðum aðstæðum í bókun síðar meir ef þú berð þig rétt að,“ segir Felicity, ofurgestgjafi í Nýja-Suður Wales í Ástralíu.

Sjáðu fyrir upplýsingar sem gestir þurfa að vera meðvitaðir um við skipulagningu ferðarinnar til að minnka þörfina á spurningum síðar meir. Þú gætir sent skilaboð á lykilstundum eins og þessum:

• Bókunarfyrirspurn eða -beiðni. Gott svarhlutfall er einn af nokkrum þáttum sem geta hjálpað skráningunni þinni að birtast ofar í leitarniðurstöðum gesta á Airbnb. 

• Bókunarstaðfesting. Sendu gestum skilaboð til að þakka fyrir bókunina og láta vita að þú sért til taks til að svara spurningum sem þeir kunna að hafa.

• Koma. Einum til tveimur dögum fyrir innritun ættir þú að minna gesti á að þeir geti nálgast upplýsingar og leiðarlýsingu á ferðaflipanum og tilgreindu allar aukalegar upplýsingar um hvernig má komast inn í eignina.

• Meðan á dvöl stendur. Spurðu gesti stuttu eftir komu hvort þeir hafi allt sem þeir þarfnist til að láta fara vel um sig. Þú getur mælt með uppáhalds verslunum þínum á staðnum, veitingastöðum og dægrastyttingu.

• Brottför. Sendu skilaboð skömmu eftir útritun þar sem þú þakkar gestum fyrir og biður þá um að skrifa umsögn. Gefðu gestum þínum umsögn sem fyrst.

Þú getur notað hraðsvör í skilaboðaflipanum til að svara með skjótum hætti eða tímasett þau til að sendast sjálfkrafa síðar.

Hraðsvör eru stutt og forskrifuð skilaboð, vistuð sem sniðmát undir skilaboðastillingum. Skilaboðin eru sérsnídd með breytum fyrir eiginnafn gests og öðrum atriðum úr skráningar- eða bókunarupplýsingum.

Þú getur útbúið eigin hraðsvör eða breytt forskrifuðum sniðmátum Airbnb. Þú gætir til dæmis vistað hraðsvar ef þú færð oft svipaðar spurningar áður en bókun er staðfest.

Upplýsingarnar í þessari grein gætu hafa breyst frá birtingu.