Að setja sér verðstefnu

Airbnb appið auðveldar umsjón með verði og framboði. Svona getur þú notað verkfæri gestgjafa til að fá fleiri bókanir og ná tekjumarkmiðum þínum.

Gestir vilja finna upplifanir á Airbnb sem þeim finnst mikils virði. Vendu þig á að endurmeta verðið hjá þér og hve oft þú tekur á móti gestum til að vera samkeppnisfær.

Þú getur breytt verð- og framboðsstillingum beint úr dagatalinu. Hafðu þessi atriði í huga.

• Vikudagur: Íhugaðu að setja mismunandi verð á mismunandi dögum. Til dæmis getur verið gott að lækka verð þegar minna er að gera til að hvetja fólk til að bóka.
• Tími dags: Íhugaðu hvaða tímar henta best til að vekja áhuga alls konar gesta og auktu framboðið. Hversdagskvöld gætu til dæmis höfðað til fólks í dagvinnu sem vill forðast margmenni um helgar.
• Hópafslættir: Þú getur boðið afslátt fyrir hvern þátttakanda til að höfða til stórra hópa. Þú gætir til dæmis boðið 10% afslátt fyrir tvo til þrjá gesti, 20% afslátt fyrir fjóra til fimm gesti og 30% afslátt fyrir sex eða fleiri gesti.
• Fjölskyldur: Íhugaðu að rukka ekki, eða lækka verð, fyrir börn yngri en 12 ára.
• Bókanir á síðustu stundu: Sé laust pláss í upplifun getur þú prófað að breyta verðinu hjá þér til að nýta plássið.
• Hópstærð: Þú getur breytt hve mikið er laust til að selja ekki of mörgum pláss ef þú býður upplifunina þína á öðrum verkvangi.

Viðskiptin geta aukist á háannatíma. Gerðu ráð fyrir aukinni eftirspurn gesta með þessum verðábendingum.

• Bættu við tilvikum: Bjóddu upplifunina oftar þegar veður, frídagar og stórir viðburðir eins og tónleikar, hátíðir og íþróttamót laða fleiri gesti á svæðið.
• Uppfærðu gestafjölda: Íhugaðu að auka sætafjölda og breyta verðinu til að ná til gesta sem bóka á síðustu stundu. Þú getur gert þessar breytingar á dagsflipanum.

Háannatími er einnig gott tækifæri til að uppfæra skráninguna þína svo að hún beri af í leitarniðurstöðum. Íhugaðu að breyta titlinum og lýsingunni til að leggja áherslu á ársstíðina eða bæta við nýjum myndum.

Hér eru leiðir til að láta skráninguna þína bera af þegar eftirspurn er lítil.

• Bjóddu afslátt: Röð í leitarniðurstöðum getur batnað jafnvel þótt afslátturinn sé ekki mikill. Íhugaðu að bjóða lægra verð með forkaupsafslætti og afslætti fyrir stóra hópa. Ef afslátturinn hjá þér er meira en 10% af heildarverðinu mun afsláttarverðið birtast við hliðina á yfirstrikuðu upphaflega verðinu hjá þér í leitarniðurstöðum og á skráningarsíðunni.*
• Gerðu ráð fyrir að fólk bætist við á síðustu stundu: Styttu lokatímann fyrir bókanir svo að gestir geti bókað samdægurs eða daginn áður. Helmingur allra bókana er gerður minna en viku áður en upplifunin hefst.** Gestir sem búa á staðnum og ferðamenn án stífra áætlana bóka yfirleitt síðar en vanalega þegar minna er að gera.

*Verður að vera afsláttur upp á minnst USD 3, eða samsvarandi upphæð í öðrum gjaldmiðli, af heildarverðinu

**Byggt á bókuðum upplifunum frá 13. maí 2025 til 20. júlí 2025 í 30 borgum um allan heim

Þú stjórnar ávallt verðinu hjá þér og stillingum. Niðurstöður geta verið mismunandi.

Upplýsingarnar í þessari grein gætu hafa breyst frá birtingu.