Ábendingar um hvernig má forðast afbókanir sem hægt er að koma í veg fyrir

Þegar bókun hefur verið staðfest gera gestir ekki ráð fyrir að hún breytist. Afbókanir gestgjafa geta raskað ferðaáætlunum þeirra, grafið undan trausti á samfélaginu okkar og leitt til gjalda eða annarra afleiðinga. 

Hér eru nokkrar ábendingar til að forðast afbókanir af ástæðum sem hægt er að koma í veg fyrir.

Láttu gesti vita hvenær þeir geta gist í eigninni þinni.

• Opnaðu dagsetningar frá þremur mánuðum til tveggja ára fram í tímann.
• Taktu frá þá daga sem þú getur ekki tekið á móti gestum.
• Skoðaðu dagatalið þitt reglulega til að staðfesta að það endurspegli framboðið hjá þér.

Uppfærsla á framboði í dagatali er sérstaklega mikilvæg ef þú notar hraðbókun. Hraðbókun gerir gestum kleift að bóka allar lausar dagsetningar án þess að bíða eftir að þú farir yfir beiðnina.

Þegar bókun gests er staðfest er sjálfkrafa lokað fyrir þessar dagsetningar í dagatalinu þínu. Þú þarft að taka handvirkt frá þær dagsetningar sem þú getur ekki samþykkt bókanir af öðrum ástæðum.

Að fá bókun þá daga sem þú getur ekki staðið við gæti leitt til afbókunargjalds eða annarra afleiðinga.

Stillingum þínum er skipt í tvo flipa: Verð og framboð. Þessi verkfæri hjálpa þér að fá þær bókanir sem þú vilt, þegar þú vilt. Þú getur til dæmis gert eftirfarandi:

• Styddu við verðstefnuna þína. Þú stýrir alltaf verðinu hjá þér og getur breytt því hvenær sem er. Verðtólin gera þér kleift að bera saman verð sambærilegra eigna í nágrenninu, bjóða afslátt af lengri gistingu og setja upp sérsniðið verð tiltekna daga eins og á frídögum og um helgar. Þú getur einnig notað snjallverð til að breyta verðinu hjá þér sjálfkrafa miðað við eftirspurn á staðnum.
• Veldu bókunarstillingarnar hjá þér. Notaðu framboðstímabilið til að ákvarða með hve miklum fyrirvara gestir geta bókað, allt frá þremur mánuðum til 24 mánaða. Aðrir valkostir eru: að tilgreina lágmarks- og hámarksfjölda nátta fyrir hverja dvöl, að gera kröfu um allt að sjö daga fyrirvara fyrir bókanir og að taka frá eina eða tvær nætur milli bókana sem undirbúningstíma.
• Tengdu dagatölin þín. Samstilltu persónuleg dagatöl þín og önnur dagatöl gestgjafa (ef þú skráir eignina þína á öðrum vefsíðum) við dagatalið þitt á Airbnb. Það getur hjálpað þér að í starfi þínu sem gestgjafi og komið í veg fyrir tvíbókanir.

Okkur er ljóst að þú gætir þurft að fella niður bókun af ástæðum sem þú hefur ekki stjórn á, eins og vegna viðgerða í neyðartilvikum. Ef þú þarft að afbóka skaltu ganga úr skugga um að þú:

• Skoðir reglur okkar. Í afbókunarreglu gestgjafa er gerð grein fyrir gjöldum og öðrum afleiðingum þess að fella niður bókun og hvenær hægt er að veita undanþágu frá slíku. Hafðu samband við þjónustuver Airbnb áður en þú afbókar ef þú ert ekki viss um hvort aðstæður þínar uppfylli skilyrðin. Þú getur ekki afbókað af ástæðum sem brjóta í bága við reglur Airbnb gegn mismunun eða aðgengisreglur.
• Gefir gestum nægan fyrirvara. Ef þú getur ekki staðið við bókun, óháð ástæðunni,er gert ráð fyrir að þú afbókir tímanlega. Þú mátt ekki biðja gesti um að afbóka.
• Fylgir staðbundnum reglum og reglugerðum. Lestu greinar okkar um ábyrga gestaumsjón til að skilja betur lög, skatta, bestu starfsvenjur og annað sem þarf að hafa í huga til að taka á móti gestum þar sem þú ert.

Við vinnum með gestum til að hjálpa þeim að finna aðra gistingu þegar gestgjafar afbóka.