Haltu áfram til að sjá tillögur að niðurstöðum

    Hvernig gagnlegar húsreglur eru útbúnar

    Verndaðu heimili þitt og bættu upplifun gesta.
    Höf: Airbnb, 1. des. 2020
    2 mín. lestur
    Síðast uppfært 21. nóv. 2022

    Aðalatriði

    • Húsreglur birtast á skráningarsíðunni þinni og gestir verða að samþykkja þær til að geta bókað eignina

    • Þú getur bætt viðbótarreglum við til að láta vita af staðbundnum venjum eða upplýsingum varðandi heilsu og öryggi

    Með húsreglunum getur þú greint gestum frá væntingum og þeir fá nasasjón af því hvernig gestgjafi þú ert. Þær hjálpa gestum einnig að átta sig á því hvort eignin þín henti þeim áður en bókað er.

    Val á almennum húsreglum þínum

    Gestgjafar geta valið úr nokkrum almennum húsreglum sem varða eftirfarandi þætti:

    • Gæludýr
    • Viðburði
    • Reykingar og rafrettur
    • Kyrrðartíma
    • Inn- og útritunartíma
    • Hámarksfjölda gesta
    • Myndatöku og kvikmyndun í atvinnuskyni

    Húsreglurnar koma skýrt fram á fjórum stöðum eða á skráningarsíðunni, skjánum þegar gestir ganga frá bókun, í tölvupóstinum í kjölfar bókunar og komuleiðbeiningunum sem gestir fá fyrir ferðina.

    Að skrifa viðbótarreglur

    Ef þú ert með sérkröfur sem eru ekki tilgreindar í almennu húsreglunum, til dæmis ef ekki má vera á skóm innandyra í eigninni, getur þú tekið þær fram undir viðbótarreglum.

    Það er betra að forðast að íþyngja gestum með of mörgum reglum en þú getur bætt við mikilvægum upplýsingum um staðbundnar venjur eða heilsu og öryggi. Hér eru nokkur dæmi frá gestgjöfum:

    • „Við biðjum þig um að sýna aðgát og hafa hljótt, sérstaklega á kvöldin eða við síestu.“ —Beatriz Elena, Medellin, Kólumbíu
    • „Mundu að loka og læsa öllum gluggum og dyrum þegar þú ferð úr íbúðinni.“ —Dave og Deb, Edmonton, Kanada
    • „Ég bið þig um að geyma ekki mat inni í svefnherberginu.” —Momi, Honolulu

    Húsreglur vernda þig

    Með grunnreglum má framfylgja öllum þeim reglum sem þú velur úr listanum yfir almennar húsreglur. Ef gestur brýtur gegn húsreglum ættir þú að byrja á því að hafa samband við viðkomandi og reyna að leysa málið í sameiningu. Ef þið komist ekki að niðurstöðu geturðu óskað eftir aðstoð þjónustufulltrúa.

    Allar húsreglur verða að samræmast reglum og skilmálum Airbnb, þar á meðal þjónustuskilmálunum og reglum okkar gegn mismunun.

    Upplýsingarnar í þessari grein gætu hafa breyst frá birtingu.

    Aðalatriði

    • Húsreglur birtast á skráningarsíðunni þinni og gestir verða að samþykkja þær til að geta bókað eignina

    • Þú getur bætt viðbótarreglum við til að láta vita af staðbundnum venjum eða upplýsingum varðandi heilsu og öryggi

    Airbnb
    1. des. 2020
    Kom þetta að gagni?