Einföldun þjónustugjalda á Airbnb

Við erum að einfalda fyrirkomulag gjalda hjá okkur til að sýna betur hvað gestir borga og auðvelda samkeppnishæfa verðlagningu. Kynntu þér hvaða breytingar eru í vændum og hvernig þú getur haldið útborgunum þínum óbreyttum.

Bæði gestgjafar og gestir greiða þjónustugjöld eins og er. Þetta þýðir að þú stillir ákveðið verð en gestir þínir sjá hærra verð með inniföldu þjónustugjaldi.

Margir gestgjafar hafa sagt okkur að þetta flæki verðlagninguna. Ef þú stillir til dæmis verðið hjá þér sem USD 100, verður verðið hjá gestum USD 115 með þjónustugjaldi gesta og þú færð USD 97 útborgað að frádregnu þjónustugjaldi gestgjafa.*

Til að einfalda verðlagningu erum við að sameina bæði gjöldin í stakt 15,5% þjónustugjald sem gestgjafar greiða. Ef þú stillir til dæmis verðið hjá þér sem USD 115, verður verðið hjá gestum líka USD 115 og þú færð USD 97 útborgað að frádregnu staka gjaldinu.

Gjaldið nemur 15,5% og byggir á meðalþjónustugjaldi Airbnb á heimsvísu.

Við höfum hannað verðtól sem gerir þér kleift að breyta verði allra skráninga þinna í einu til að taka mið af staka þjónustugjaldinu.

Þú þarft að aðlaga verð þitt vegna breytinganna svo að útborganir þínar verði óbreyttar fyrir hverja gistinótt. Ef þú notar fyrra dæmið og breytir verðinu úr USD 100 í USD 115 færðu enn USD 97 útborgað og gestir þínir sjá enn USD 115.

Staka þjónustugjaldið gildir aðeins fyrir bókanir gerðar eftir að þú skiptir í staka gjaldið.

Þú getur breytt verðinu fram til 15. september ef þú býrð utan Evrópska efnahagssvæðisins og fram til 13. október ef þú býrð innan EES eða í Sviss.

Ef þú aðhefst ekkert innan frestsins lækka gistináttaverð hjá þér og útborganir. Sem dæmi, ef þú heldur verðinu áfram sem USD 100, vinnur þú þér inn USD 84,50 á nótt eftir að 15,5% gjaldið hefur verið dregið frá og gestir þínir sjá uppsett verð sem USD 100.

Í sumum löndum bera þjónustugjöld skatt. Skatturinn heitir oft virðisaukaskattur (VSK) eða vöru- og þjónustuskattur (VÞS). Eigi þetta við í landinu þar sem þú ert gestgjafi tekur tólið fyrir verðaðlögun hjá okkur sjálfkrafa tillit til þessara skatta nema þú sért á skrá fyrir VSK/VÞS og sjáir um eigin uppgjör á VSK.

Segjum sem svo að þú sért gestgjafi í landi þar sem 20% VSK er lagður á og þú sért ekki á virðisaukaskattsskrá. Í fyrra dæminu breytist gistináttaverðið hjá þér úr USD 100 í USD 119 með VSK. Sundurliðunin er svona.

• Aðlagað verð án VSK: USD 115
• Stakt þjónustugjald: USD 115 * 15,5% = USD 17,83
• VSK: USD 17,83 * 20% = USD 3,57
• Aðlagað verð með VSK: USD 115 + USD 3,57 = USD 119, námundað að næsta heila dollara
• Útborgun þín: USD 119 - USD 17,83 - USD 3,57 = USD 97,60

Ef þú ert á skrá fyrir VSK og sérð um eigin uppgjör á VSK mun tólið fyrir verðaðlögun hjá okkur ekki taka tillit til VSK-greiðslna. Verð hjá gestum verður USD 115, þú færð USD 97 í útborgun og stendur áfram skil á VSK.

Airbnb gefur áfram út VSK-reikninga (eða samsvarandi reikninga) til að þú getir staðið skil á VSK samkvæmt lögum. Þú getur séð upphæð þjónustugjaldsins og VSK fyrir hverja bókun í sundurliðun á verði. Frekari upplýsingar um VSK og hvernig hann á við um þig, þar á meðal gildandi álagningu eftir löndum.

Verðaðlögunartólið tekur ekki mið af öðrum sköttum eins og tekjuskatti. Verðaðlögun getur aukið vergar tekjur þínar, sem þýðir að þú gætir náð VSK-mörkum þínum fyrr. Hún eykur mögulega ekki skattskyldar tekjur ef þú getur dregið þjónustugjaldið frá sem kostnað.

Leitaðu ráðgjafar hjá endurskoðanda varðandi skyldur þínar gagnvart skatti.

Frekari upplýsingar um þjónustugjöld Airbnb og verðaðlögunartólið.

*Þetta eru aðeins dæmi og þau taka ekki tillit til skatta eða gjalda sem gestgjafar velja að leggja á.

Undantekningar geta átt við. Staka þjónustugjaldið verður áfram 16% fyrir skráningar í Brasilíu og Mexíkó.

Skattar eru innifaldir í heildarverðinu sem gestum birtist á skráningarsíðum í sumum löndum og á sumum svæðum. Skattar eru alltaf innifaldir í heildarverðinu sem sýnt er gestum áður en gengið er frá greiðslu.

Upplýsingarnar í þessari grein gætu hafa breyst frá birtingu.