Hvernig þú ákveður bókunarstillingar
Þú getur samþykkt bókanir gesta á tvennan hátt: Sjálfkrafa með hraðbókun eða handvirkt með því að svara bókunarbeiðnum. Margir gestir og gestgjafar kunna mikið að meta tímasparnaðinn með hraðbókun.
Hvað er hraðbókun?
Hraðbókun gerir gestum kleift að bóka samstundis allar lausar dagsetningar í dagatalinu þínu. Þú færð aðeins bókunarbeiðnir þegar sérstakar aðstæður kalla á samþykki svo sem ef dvöl varir lengur en 31 nótt.
Allir gestir þurfa að samþykkja húsreglurnar hjá þér og uppfylla bókunarkröfur Airbnb. Eftir að þú hefur birt skráningu þína geturðu bætt við stillingum sem krefjast þess að gestir sem nota hraðbókun:
- Hafi lokið bókun án þess að hafa fengið slæma umsögn eða án þess að tilkynnt hafi verið um atvik til þjónustuvers Airbnb.
- Lesi og svari spurningum í sjálfvirkum skilaboðum sem þú býrð til áður en bókun er gerð.
Hvernig samþykki ég fyrstu fimm bókanirnar mínar?
Þegar gestur vill bóka eignina þína færð þú bókunarbeiðni. Þú hefur sólarhring til að samþykkja eða hafna beiðninni áður en hún rennur út. Þú getur stillt tilkynningar til að þú fáir örugglega beiðnirnar sem fyrst.
Þegar gestur sendir bókunarbeiðni eru dagsetningarnar sjálfkrafa teknar frá í dagatalinu þínu til að koma í veg fyrir að nýjar beiðnir skarist á. Þessar dagsetningar haldast áfram fráteknar ef þú samþykkir beiðnina eða leyfir henni að renna út. Því er mikilvægt að svara öllum beiðnum sem fyrst.
Bókunarstillingarnar breytast yfir í hraðbókun hjá þér þegar þú hefur staðfest 5 bókanir. Þú getur alltaf breytt stillingunum hjá þér.
Hvaða valkostur hentar þér best?
Hér eru nokkur atriði sem gott er að hafa í huga við ákvörðun bókunarstillinga:
Hraðbókun
- Gestum finnst gott að geta staðfest bókanir samstundis sem getur leitt til fleiri bókana.
- Með hraðbókun eru bókanir samþykktar samkvæmt þeim stillingum sem þú ákveður.
- Þú þarft að uppfæra dagatalið þitt og samstilla það við önnur dagatöl sem þú notar.
Bókunarbeiðnir
- Gestir kunna að meta skjót svör og því er best að nota aðeins þennan valkost ef þú getur svarað innan sólarhrings.
- Þú vilt leggja áherslu á sérreglur eða tiltekin sérkenni eignarinnar svo sem brattan stiga upp að eina innganginum.
- Þú mátt ekki hafna beiðnum af ástæðum sem brjóta gegn reglum Airbnb gegn mismunun.
Veldu besta kostinn fyrir þig til að komast hjá því að fella niður bókun hjá gestum af ástæðum sem hægt væri að koma í veg fyrir og gætu leitt til afbókunargjalda og annarra afleiðinga.
Upplýsingarnar í þessari grein gætu hafa breyst frá birtingu.