Úrræði fyrir ferðalanga

1. skref: Nýskráðu þig

Smelltu á „nýskrá“, efst í hægra horni síðunnar.
Sláðu inn vinnunetfangið þitt.
Ef þú átt þegar aðgang að Airbnb skaltu innskrá þig með símanúmerinu þínu eða öðrum innskráningarleiðum í boði.
Ef þú átt ekki aðgang að Airbnb skaltu stofna einn slíkann með símanúmerinu þínu eða öðrum nýskráningarleiðum í boði. Ekki stofnan annan aðgang ef þú átt þegar aðgang að Airbnb.

2. skref: Gakktu frá notandalýsingunni

Að nýskráningunni lokinni skaltu ganga frá öllum aðgangsupplýsingum áður en þú bókar. Til að ganga frá bókun verða gestir að gefa upp:

• Fullt nafn
• Netfang
• Staðfest símanúmer
• Kynningarskilaboð
• Samþykki á húsreglum
• Greiðsluupplýsingar

Gestir eru hvattir til að vera með notandamynd, en ber þó ekki skylda til þess. Gestgjafar sjá ekki netfang gesta, ekki einu sinni eftir að gengið hefur verið frá bókun. Þess í stað sendast skilaboð á Airbnb sjálfkrafa til gestsins með tölvupósti.
Sumir gestgjafar gætu einnig farið fram á að gestir framvísi skilríkjum í gegnum Airbnb áður en gengið er frá bókun.

Ferðalög á Airbnb veita þér tækifæri til að gista á heimilum annars fólks og mynda tengsl við samfélagsmeðlimi Airbnb. Hér eru nokkrar ábendingar sem þú getur nýtt þér til að bæta upplifun þína á Airbnb.

Áður en gengið er frá bókun

• Skrifaðu nokkur orð um þig í notandalýsingunni á Airbnb og gættu þess að allar upplýsingar séu uppfærðar, s.s. netfangið þitt, símanúmer og skilríki.
• Skráningar á Airbnb eru alls konar, allt frá sameiginlegum herbergjum til heilla heimila. Gakktu úr skugga um að eignin, húsreglurnar og gestgjafinn henti þörfum þínum.
• Gefðu þér tíma til þess að kynna þér skráningu gestgjafans til að tryggja að eignin henti þér.
• Þér er frjálst að hafa samband við gestgjafann ef þú hefur einhverjar spurningar varðandi skráninguna.

Áður en ferðin hefst

• Eigðu skýr samskipti við gestgjafan varðandi væntingar þínar eða ef þú vilt setja fram sérstakar kröfur.
• Við mælum með því að þú látir gestgjafann þinn vita hvenær þú kemur.

Meðan á ferðinni stendur

• Fylgdu húsreglum gestgjafans.
• Gakktu um heimili gestgjafans þíns líkt og þú værir að gista hjá vinum. Sýndu nágrönnum tillitssemi.
• Kynnstu hverfinu og verslaðu við fyrirtæki frá staðnum. Það er góð leið til að líða eins og heimamanni. Prófaðu að spyrja gestgjafann um eftirlætisstaði viðkomandi í hverfinu.
• Fáðu leyfi hjá gestgjafanum áður en þú býður gestum í eignina.
• Hafðu alltaf samband við gestgjafann ef þú ert með spurningar eða átt í vandræðum með eitthvað.

Að ferð lokinni

• Gefðu gestgjafanum ávallt heiðarlega umsögn sem nýtist öðrum gestum síðar meir. Airbnb byggir á samfélaginu og gestgjafinn þinn er einnig beðinn um að gefa þér umsögn.

Þú getur sent gestgjafanum skilaboð í gegnum Airbnb ef þú vilt frekari upplýsingar um tiltekna skráningu eða gestgjafa.

Skráðu þig inn á aðgang þinn og opnaðu skráningu gestgjafans sem þú vilt hafa samband við.

Smelltu eða pikkaðu á hafa samband við gestgjafa á skráningarsíðunni.

Yfirfarðu upplýsingarnar undir liðnum „hverju búast má við í dvölinni“. Ef þú vilt samt sem áður hafa samband við gestgjafann skaltu slá inn skilaboð þín í textareitinn og smella eða pikka á senda skilaboð.

Flestum gestgjöfum og gestum tekst að leysa hratt úr vandamálum sín á milli. Hér eru nokkrar leiðir til að einfalda þér að nálgast aðstoð fyrir ferð, meðan á henni stendur eða að henni lokinni:

Kynntu þér upplýsingar í hjálparmiðstöðinni
Í hjálparmiðstöðinni finnur þú svör við algengum spurningum varðandi þætti eins og endurgreiðslur, umsagnir, greiðslur og afbókanir.

Hafðu samband við gestgjafann eða gestinn
Leystu úr máli varðandi eign eða bókun með beinum samskiptum við viðkomandi aðila. Það er oft fljólegasta og einfaldasta leiðin til að finna lausn. Sendu skilaboð til gestsins eða gestgjafans, eða prófaðu að hringja í viðkomandi.

Opnaðu úrræðamiðstöðina
Ef þú þarft að millifæra eða óska eftir greiðslu fyrir eitthvað sem ekki var innifalið í bókunarverðinu getur þú notað úrræðamiðstöðina til að gera það á örggan hátt í gegnum verkvang Airbnb. Við erum þér innan handar ef þú þarft aðstoð varðandi gest eða gestgjafa.

Hafðu samband við Airbnb
Opnaðu samskiptasíðuna til að fá aðstoð í gegnum síma, tölvupóst eða spjall.