Uppfærsla á framboði hjá þér

Með framboðsstillingum Airbnb er auðvelt að stýra því hvenær og hvernig gestir bóka eignina þína. Þú getur nálgast þær í dagatalinu.

Verðtól og framboðsstillingar haldast oft í hendur. Ef þú býður til dæmis forkaupsafslátt getur það hjálpað þér að ná til fleiri gesta sem skipuleggja sig með 12 til 24 mánaða fyrirvara.

Skráningin þín getur komið oftar fyrir í leitarniðurstöðum ef þú opnar dagatalið með því að breyta dvalarlengd. Vertu bara viss um að lágmarks- og hámarksdvöl hjá þér standist kröfur laga og reglugerða.

• Lágmarksdvöl: Með því að stytta lágmarksdvöl hjá þér höfðar þú til gesta sem bóka styttri gistingu og átt betra með að fylla upp í eyður í dagatalinu. Þú getur stillt lágmarksdvöl miðað við innritunardag.
• Hámarksdvöl: Með því að lengja hámarksdvöl hjá þér höfðar þú frekar til gesta sem bóka lengri dvalir og dregur þannig úr umstangi á milli bókana. Þú getur einnig heimilað bókunarbeiðnir fyrir dvalir sem fara umfram tilgreinda hámarksdvöl hjá þér. Þú kemur til með að geta yfirfarið og samþykkt þessar beiðnir.
• Sérsniðin dvalarlengd: Með því að tilgreina sérsniðna dvalarlengd sem er styttri en lágmarksdvöl hjá þér fyrir tilteknar dagsetningar getur þú fyllt upp í eyður í dagatalinu.

Gistinætur opnast sjálfkrafa eins og stillingarnar leyfa. Þú færð ábendingar um það hvernig þú opnar dagsetningar sem stillingar koma í veg fyrir að sé hægt að bóka. Ef lágmarksdvöl hjá þér er til dæmis 5 nætur og þú ert með 4 óbókaðar nætur milli bókana birtist ábending um að stytta lágmarksdvöl fyrir þær nætur.

Ákveddu hve mikinn fyrirvara þú þarft áður en gestir mæta á staðinn og hve langt fram í tímann fólk getur bókað.

• Fyrirvari: Ákveddu hve mikinn tíma þú þarft frá því að gestur bókar og þar til hann innritar sig. Þú getur valið um innritun samdægurs eða eftir 1, 2, 3 eða 7 daga. Þú getur heimilað beiðnir með minna en dags fyrirvara — sem þú þarft þá að fara yfir og samþykkja — þótt þú veljir einn dag eða lengur.
• Innritun samdægurs: Ef þú leyfir gestum að innrita sig sama dag og þeir bóka tilgreinir þú til klukkan hvað gestir mega bóka þann dag. Þú getur valið hvaða tíma sólarhringsins sem er.
• Undirbúningstími: Veldu hve margar nætur þú þarft að taka frá fyrir og eftir hverja bókun. Þú getur valið eina eða tvær nætur fyrir og eftir bókun eða sleppt því að taka nótt frá fyrir og eftir hverja bókun.
• Framboðstímabil: Skráningin getur birst í fleiri leitarniðurstöðum ef þú leyfir gestum að bóka lengur fram í tímann. Veldu 3, 6, 9, 12 eða 24 mánuði fram í tímann.
• Aðrar framboðsstillingar: Þú getur lokað fyrir inn- og útritanir gesta á tilteknum dögum vikunnar. Þannig er lokað fyrir komur og brottfarir þá daga í dagatalinu sem þú veist að virka ekki fyrir þig. Þú getur valið allt að sex daga á viku.

Ef þú notar mörg dagatöl kemur samstilling allra dagatala gestgjafa í veg fyrir tvíbókanir. Þessi tvíhliða tenging uppfærir sjálfkrafa bæði dagatölin þegar nótt er bókuð. Svona samtengir þú dagatöl þín:

• Bættu uppgefnum hlekk fyrir dagatalið á Airbnb við hina vefsíðuna.
• Fáðu hlekk sem endar á .ics frá hinni vefsíðunni og bættu honum við dagatalið þitt á Airbnb.

Þú stjórnar ávallt verði þínu og stillingum. Niðurstöður geta verið mismunandi.

Upplýsingarnar í þessari grein gætu hafa breyst frá birtingu.