Hvernig leit gengur fyrir sig á Airbnb

Þú hefur búið til og birt skráningu og nú vilt þú að fólk skoði hana. Hvernig er hægt að finna hana? Þetta getur þú gert til að bæta stöðu þína í leitarniðurstöðum.

Reiknirit leitarvélar Airbnb byggir á mörgum þáttum til að ákveða hvernig raða eigi skráningum í leitarniðurstöðum. Ekki eru allir þættir metnir jafnt. Verð, gæði og vinsældir skráningar hafa mikil áhrif á það hvernig hún birtist.

Reikniritið forgangsraðar heildarverði skráningar fyrir skatta (þ.m.t. gjöld og afslætti) og gæðum skráningar samanborið við sambærilegar eignir skráðar á svæðinu. Ljósmyndir af skráningu, umsagnir gesta og aðrir þættir geta hjálpað til við að ákvarða gæði hennar.

Samkeppnishæft verð og góð gæði geta bætt stöðu þína í leitarniðurstöðum þar sem eignir sem bjóða mesta virðið fyrir peningana birtast oftar hærra í leitarniðurstöðum á tilteknum svæðum.

Reiknirit Airbnb metur vinsældir skráningar þinnar með því að nota ýmsar upplýsingar. Þær geta verið hve oft gestir bóka, skoða og setja eignina á óskalistann sinn.

Vinsælli eignir birtast vanalega ofar í leitarniðurstöðum. Við mælum með eftirfarandi til að vekja áhuga gesta:

• Bjóddu þægindin sem gestir vilja eins og þráðlaust net með góðum hraða, sjálfsinnritun og ókeypis bílastæði.
• Greindu ítarlega frá sérkennum eignarinnar með skýrum upplýsingum svo að gestir viti nákvæmlega við hverju má búast.
• Birtu hágæðamyndir sem gefa mynd af huggulegu umhverfi. Hágæðamyndir geta aukið sýnileika eignarinnar innan tiltekins flokks.

Reiknirit Airbnb tekur tillit til framboðs skráningarinnar, hversu fljótt þú svarar fyrirspurnum og hversu oft þú samþykkir bókanir. Því fleiri lausar dagsetningar sem þú býður upp á í dagatalinu þínu, því meiri líkur eru á að skráningin þín uppfylli leitarskilyrði gests og birtist í leitarniðurstöðum viðkomandi.

Þetta getur þú gert til að bæta stöðu skráningarinnar í leitarniðurstöðum:

• Svaraðu bókunarbeiðnum innan sólarhrings. Forðastu að hafna bókunarbeiðnum oft.
• Bjóddu hraðbókun svo að gestir geti fundið skráninguna þegar þeir sía leitarniðurstöðurnar fyrir þann valkost. Þessi eiginleiki gerir gestum kleift að bóka eignina þína samstundis (án þess að þú þurfir að samþykkja beiðnir þeirra) sem styttir svartímann hjá þér.
• Dragðu úr takmörkunum, eins og lágmarks- og hámarksdvöl.

Með því að gefa gestum réttar væntingar í skráningarlýsingunni og uppfylla þær eða fara jafnvel fram úr þeim bætir almennt stöðu þína í leit með tímanum.

Nákvæmar skráningarupplýsingar og skýr samskipti við gesti geta leitt til hærri einkunna og betri umsagna. Það getur einnig hjálpað þér að koma í veg fyrir kvartanir við þjónustuver sem getur haft neikvæð áhrif á stöðu eignarinnar í leitarniðurstöðum.

Reikniritið tekur einnig tillit til þess hvort þú sért ofurgestgjafi; hugtakið okkar fyrir vel metinn og reyndan gestgjafa, eða hvort þú uppfyllir allar kröfur eða hluta þeirra til að verða ofurgestgjafi. Meðal krafna eru atriði eins og að svara bókunarfyrirspurnum gesta tafarlaust og að halda afbókunum (af þinni hálfu) í lágmarki.

Gestir geta valið um að sía leitarniðurstöður þannig að þær birti aðeins skráningar sem ofurgestgjafar bjóða.

Kynntu þér meira í handbók okkar um uppsetningu árangursríkrar skráningar

Upplýsingarnar í þessari grein gætu hafa breyst frá birtingu.