Þjónustugjöld gerð einfaldari

Við erum að einfalda fyrirkomulag gjalda hjá okkur til að auðvelda gestgjöfum að vita hvað gestir þeirra greiða til að geta boðið samkeppnishæft verð. Kynntu þér hvaða breytingar eru í vændum og hvernig þú getur haldið útborgunum þínum óbreyttum ef þú býrð í Bólivíu, Ekvador, El Salvador, Gvatemala eða Panama.

Bæði gestgjafar og gestir greiða almennt þjónustugjöld eins og stendur. Þetta þýðir að þú stillir ákveðið verð en gestir þínir sjá hærra verð sem felur einnig í sér þjónustugjaldið.

Margir gestgjafar hafa sagt okkur að þetta flæki verðlagninguna. Ef þú stillir til dæmis verðið hjá þér sem USD 100, verður verðið hjá gestum USD 115 eftir að þjónustugjald gesta hefur verið lagt á og þú færð USD 97 útborgað eftir að þjónustugjald gestgjafa hefur verið dregið frá.*

Til að einfalda verðlagningu erum við að sameina bæði gjöldin í stakt 15,5% þjónustugjald sem gestgjafar greiða. Ef þú stillir til dæmis verðið hjá þér sem USD 115, verður verðið hjá gestum líka USD 115 og þú færð USD 97 útborgað að frádregnu staka gjaldinu.

Gjaldið nemur 15,5% og byggir á meðalþjónustugjaldi Airbnb á heimsvísu.

Við höfum hannað verðtól sem gerir þér kleift að breyta verði allra skráninga þinna í einu til að taka mið af staka þjónustugjaldinu.

Þú þarft að aðlaga verð þitt að breytingunni til að útborganir þínar haldist óbreyttar. Þegar þú hefur gert það mun nýja verðið hjá þér stemma við verðið sem birtist gestum áður á skráningarsíðunni þinni.

Ef þú notar fyrra dæmið og breytir verðinu úr USD 100 í USD 115, færðu enn USD 97 útborgað og gestir þínir sjá enn USD 115.

Útborganir þínar fyrir hverja gistinótt verða lægri ef þú aðlagar verð þitt ekki að breytingunni. Sem dæmi, ef þú heldur verðinu áfram sem USD 100, vinnur þú þér inn USD 84,50 á nótt eftir að 15,5% gjaldið hefur verið dregið frá og gestir þínir sjá uppsett verð sem USD 100.

Frekari upplýsingar um þjónustugjöld Airbnb og verðaðlögunartólið.

*Þetta eru aðeins dæmi og þau taka ekki tillit til skatta eða aukalegra gjalda sem gestgjafar velja að leggja á.

Þjónustugjöld eru reiknuð sem hlutfall af gistináttaverði gestgjafa og öðrum gjöldum sem gestgjafi leggur á, til dæmis ræstingagjaldi.

Sumir gestgjafar greiða hærri þjónustugjöld, þar á meðal gestgjafar með skráningar í Brasilíu.

Skattar eru innifaldir í heildarverðinu sem gestum birtist á skráningarsíðum í sumum löndum og á sumum svæðum. Skattar eru alltaf innifaldir í heildarverðinu sem sýnt er gestum áður en gengið er frá greiðslu.

Upplýsingarnar í þessari grein gætu hafa breyst frá birtingu.