Verndaðu tekjur þínar

Tekjuvernd bætir þér tekjutap ef svo vill til að þú getir ekki tekið á móti gestum vegna aftakaveðurs, skemmda af völdum gesta, rafmagnsleysis eða annarra ástæðna.

Fyrir hverja staðfesta og samþykkta kröfu færð þú greidda fulla bótafjárhæð út frá fyrri tekjum þínum. Engin sjálfsábyrgð, engar bókunarkröfur, ekkert vesen. Þetta er trygging sem tekur við þar sem aðrar tryggingar stoppa.

Hægt er að kaupa tekjuvernd í 45 ríkjum Bandaríkjanna og Washington, D.C., og hún verður innleidd snemma á næsta ári í Indiana, Maine, Missouri, New Jersey og New York. Gestgjafar þurfa að uppfylla tiltekin skilyrði, þar á meðal að hafa fimm eða færri skráningar og hafa fengið bókanir fyrir meira en 50 nætur í einni skráningu undanfarið ár.

• Óvænt tjón: Tjón af völdum veðurs, gesta eða annarra ástæðna sem leiðir til viðgerða sem taka a.m.k. fjóra daga.
• Rafmagnsleysi: Algjört rafmagnsleysi er í eigninni í a.m.k. þrjá daga í röð.
• Skortur á aðgengi: Vegalokanir eða aðrar takmarkanir gera eignina þína óaðgengilega í að minnsta kosti sjö daga í röð.
• Aftakaveður: Þetta á meðal annars við um nafngreinda hitabeltisstorma eða minnst fjórða stigs fellibylji þar sem eign þín er staðsett.
• Náttúruhamfarir: Þar á meðal jarðskjálftar sem eru 7,5 eða hærri á Richter eða nafngreindur skógareldur sem eyðileggur 6.000 hektara eða meira og hefur áhrif á eignina þína.

Eftir að Gabby, gestgjafi í Kaliforníu, skráði sig í tekjuverndina, olli stormur rafmagnsleysi og lokaði veginum að eign hennar í heila viku. Hún fékk útborgun sína fljótt eftir að krafan hennar var samþykkt. „Við vorum mjög efins en ferlið gekk hnökralaust fyrir sig. Frá því að krafan var lögð fram og greiðslan barst liðu minna en tvær vikur.“

• Leggðu fram kröfu á Netinu.
• Fáðu svar innan skamms.
• Yfirfarðu og fylltu út stutt eyðublað til að staðfesta tjónið.
• Þú færð fulla bótafjárhæð greidda á bankareikning þinn innan nokkurra daga frá samþykki.
  

Tekjuvernd er útveguð fyrir tilstilli STP Insurance Services LLC og veitandi hennar er Airbnb Insurance Agency LLC. Verndin er háð öllum skilmálum tryggingarinnar og við hvetjum þig til að kynna þér þá í heild sinni. Vernd vegna óvænts tjóns, takmarkana á aðgengi eða bilunar í raforkukerfi gildir þegar þú getur ekki tekið á móti gestum í lengri tíma. Fyrir allar kröfur þarf tekjutapið að vera bein afleiðing orsakar sem er ekki sérstaklega undanþegin í skilmálum tryggingarinnar. Iðgjöld eru mismunandi eftir staðsetningu og geta breyst.

Eignavernd gestgjafa er ekki vátrygging og er háð skilmálum, skilyrðum og undanþágum. Hún verndar hvorki gestgjafa sem bjóða gistingu í Japan þar sem gestgjafatrygging í Japan gildir né gestgjafa sem bjóða gistingu í gegnum Airbnb Travel LLC. Allar tryggingarfjárhæðir eru sýndar í Bandaríkjadölum. Samningsbundnar skyldur Airbnb samkvæmt eignavernd gestgjafa falla undir vátryggingu sem Airbnb kaupir fyrir skráningar á eignum í Washington-fylki. 

Upplýsingarnar í þessari grein gætu hafa breyst frá birtingu.