Ný verkfæri gestgjafa til að hjálpa þér að efla reksturinn

Við höfum endurhannað appið svo að það hafi allt sem þarf til að hafa umsjón með heimilinu þínu. Nú er einfaldara að halda utan um bókanir og uppfæra framboð og verð.

Þú getur nálgast öll verkfærin á þessum fimm flipum á gestgjafasíðunni þinni.

Nýi dagsflipinn er það sem þú sérð þegar þú opnar appið. Þú getur skoðað bókunarupplýsingar á augabragði til að skipuleggja daginn og veita framúrskarandi gestrisni.

• Skiptu á milli yfirlita yfirstandandi og væntanlegra bókana til að vera með það á hreinu hverjum þú tekur á móti og hvenær.
• Skrifaðu minnispunkta fyrir þig við bókanir, eins og áminningar um sérstaka viðburði eða beiðnir.
• Fáðu ábendingar um verk tengd hverri bókun, eins og að spyrja gesti hvernig gengur eða að lesa umsögn.

Endurhannaða dagatalið gerir þér einfaldara að fara yfir og breyta framboði og verði.

• Opnaðu fleiri dagsetningar sem gestir geta bókað og taktu frá nætur sem þú getur ekki tekið á móti gestum.
• Breyttu framboðs- og verðstillingum eins og lágmarksfjölda gistinátta og afslætti, beint úr dagatalinu.
• Skoðaðu ábendingar fyrir gistináttaverð sem eru sérsniðnar tillögur miðað við þætti eins og staðsetningu skráningar þinnar, þægindi, fyrri bókanir og nýjustu verð annarra skráninga á svæðinu.

Skráningarflipinn býður upp á fleiri leiðir til að hafa umsjón með skráningarupplýsingum þínum. Nýttu þér þessi verkfæri til að gefa gestum sem nákvæmasta og heildstæðasta mynd af eigninni þinni.

• Uppfærðu skráninguna, meðal annars með ítarlegum komuleiðbeiningum og hágæðamyndum til að fanga athygli gesta.
• Tilgreindu öll þægindi sem þú býður til að hvetja fólk til að bóka, þar á meðal aðgengiseiginleika.
• Skoðaðu skráningarsíðu þína til að sjá hvernig hún birtist gestum.

Skilaboðaflipinn hjálpar þér að eiga í samskiptum við gesti fyrir dvöl, meðan á henni stendur og að henni lokinni.

• Notaðu nýja ritilinn fyrir hraðsvör til að sérsníða þau að algengum spurningum og tímasetja skilaboð til að senda á réttum tíma.
• Settu inn myndir til að kynna þig fyrir öðrum og leggðu áherslu á mikilvæg atriði.
• Sýnilegri tilkynningar um bókunarbeiðnir, þ. á m. upplýsingar um ferðadaga og gestafjölda.

Frá valmyndinni getur þú skoðað tekjur þínar, innsýn og aðrar stillingar. Þú færð sérsniðnar ábendingar og fleiri úrræði til að bæta reksturinn.

• Skoðaðu tekjur þínar og útbúðu sérsniðnar skýrslur í tekjustjórnborðinu.
• Kannaðu einkunnir gesta og umsagnir í hlutanum fyrir innsýn.
• Hafðu umsjón með aðgangsstillingum og kynntu þér úrræði fyrir gestgjafa.

Fáðu forsýn núna til að byrja að nota nýju verkfærin fyrir gestgjafa.

Upplýsingarnar í þessari grein gætu hafa breyst frá birtingu.