Hjálpaðu gestum að ferðast eins og heimamenn

Airbnb var í upphafi vettvangur sem gerði ferðalöngum kleift að gista á heimili einhvers annars á viðráðanlegu verði. Hugmyndin náði flugi eftir því sem fleiri gestgjafar buðu eignir um allan heim og áttu í samskiptum við gesti.

Herbergi heiðra þessa hefð: Þau henta gestum sem vilja fá næði en vilja líka kynnast nýju fólki og upplifa sig eins og heimamaður á staðnum. Með herbergi fá gestir sitt eigið svefnherbergi inni á heimili ásamt aðgangi að rýmum sem aðrir gætu einnig haft aðgang að.

Hér eru nokkrar ábendingar til að láta gestum líða vel með að bóka og gista hjá þér.

Þú getur kynnt staðinn fyrir gestum með því að útbúa ferðahandbók fyrir skráninguna þína. Það er einföld leið til að deila ráðleggingum með gestum.

Margir gestgjafar gefa einnig ráð í eigin persónu. Reed, sem býður upp á herbergi í Philadelphia með eiginkonu sinni, býður gestum oft að borða með þeim á sunnudögum. Hann segir frá „flottum en óvenjulegum stöðum“ eins og hverfiskaffihúsinu með vegg þakinn bókum.

Stundum býður Reed gestum út að dansa salsa—en dansinn er í miklu uppáhaldi hjá honum. „Við höfum farið með nokkra gesti á rómanska staði til að koma blóðinu smá á hreyfingu,“ segir hann. Hann bætir við að sumir gestir séu „orðnir eins og börnin okkar“.

Gestir gætu bókað herbergið þitt vegna þess að notandalýsing gestgjafa myndar ákveðin tengsl sem hjálpar gestum að líða vel með að gista hjá þér.

Nicola, sem býður herbergi í Fitzroy í Ástralíu, segir að hún kunni að meta nýja menningu og matargerð. Hún hefur komist að því að sumum gestum finnst gott að „slaka á og láta sér líða eins og þeir eigi heima hérna“.

Hún og bróðir hennar, sem er þekktur kokkur í Melbourne, bjóða stundum upp á að elda með gestum. „Við erum með atvinnueldhús svo að þau geta breitt pastað eða panini-brauðið út,“ segir hún.

Einum hópnum leið svo vel að hann stundaði jóga í stofunni hjá Nicolu. „Það var frábært að þau nutu eignarinnar,“ segir hún. Nicola tók eftir áhuga þeirra á hreyfingu og fór með þau í almenningsgarð í nágrenninu þar sem þau vörðu eftirmiðdegi í að klifra í trjám og spjalla um aðra staði til að skoða.

Hugsaðu um hvernig samskipti þú vilt eiga við gesti og láttu þá vita hvað þú kýst helst. Þú gætir myndað sterk tengsl ef þú hefur áhuga á félagslegum samskiptum.

Garth, gestgjafi í Auckland á Nýja-Sjálandi, segir að með því að taka á móti gestum geti hann varið meiri tíma með fólki frá öðrum menningarheimum án þess að ferðast. Hann hugsaði með sér: „Fáum fólkið til mín“.

Ein eftirminnilegasta stund Garths sem gestgjafa átti sér stað með gestum frá Frakklandi. Móðirin spurði hvort sonur hennar mætti horfa á hann dunda sér á verkstæðinu í bílskúrnum. „Honum fannst allt sem ég var að gera vera svalt,“ segir Garth.

Garth stakk því upp á verkefni sem þeir gætu unnið saman. „Við smíðuðum lítinn bát og máluðum hann,“ segir hann. „Þetta var mjög skemmtilegt því hann talaði ekki ensku en við höfðum þessi sameiginlegu tengsl.“

Þú getur nálgast fleiri sögur og ábendingar um gestaumsjón með því að skrá þig í gestgjafaklúbbinn á þínu svæði. Þessir klúbbar eru reknir af gestgjöfum og fyrir gestgjafa. Í þeim eru haldnar samkomur á Netinu og í eigin persónu og svo er hægt að fá þar viðvarandi aðstoð auk frétta af nýjum vörum og fleiru um Airbnb.

Upplýsingarnar í þessari grein gætu hafa breyst frá birtingu.