Að búa skráningu upplifunar undir bókanir
Til hamingju með að fá upplifun þína á Airbnb samþykkta! Hér er tvennt sem þú getur gert til að vekja athygli fyrstu gestanna eftir að þú birtir skráninguna.
Opnaðu dagatalið
Þú þarft að setja upp dagatalið til að gestir geti bókað upplifunina. Ákveddu hve oft þú kemur til með að bjóða upplifunina miðað við tímalengd hennar, tímann sem þú hefur aflögu og rekstrarmarkmið þín.
Veldu dag fyrir upplifunina til að hefjast handa og pikkaðu á setja upplifun á dagskrá. Tilgreindu tíma, tegund bókunar, verð, hópstærð og aðrar upplýsingar. Gestir eru líklegri til að finna dag og tíma sem hentar þörfum þeirra ef þú býður upplifunina 10 sinnum eða oftar í hverjum mánuði og þar af minnst einn helgardag í viku.
Margir gestgjafar tilgreina framboð allt að tvo mánuði fram í tímann til að auka líkurnar á bókunum. Þú getur sett upplifun á dagskrá sem fer fram daglega allt að 60 daga fram í tímann og 52 vikur fram í tímann ef þú býður vikulega upplifun.
Gættu þess að taka frá dagsetningar þar sem þú getur ekki tekið á móti gestum til að koma í veg fyrir afbókanir. Þú getur einnig tekið frá tíma fyrir undirbúningsvinnu eða þrif.
Vertu með samkeppnishæft verð
Verð skiptir marga gesti máli þegar kemur að því að bóka upplifun á Airbnb. Með samkeppnishæfu verði er skráning þín líklegri til að skara fram úr.
Byrjaðu á því að reikna út útgjaldakostnað þinn. Þú gætir síðan komist að því að með því að bjóða lægra verð á mann gætir þú náð til fleiri gesta og aukið þannig heildartekjurnar. Dæmi:
- Fjórir gestir bókuðu fyrir 75 USD á mann = 300 USD
- Átta gestir bókuðu fyrir 60 USD á mann = 480 USD
Þú getur einnig boðið kynningartilboð fyrir nýja upplifun til að stuðla að bókunum og umsögnum frá fyrstu gestunum. Kynningartilboðið veitir þér tækifæri til að bjóða 5%–50% afslátt af verði þínu næstu 30 daga.
Með því að velja minnst 20% afslátt mun afsláttarverðið birtast í leitarniðurstöðum Airbnb við hlið upphaflega verðsins sem verður yfirstrikað. Upphaflegt verð upplifunarinnar mun taka aftur gildi þegar kynningartilboðinu lýkur.
Svona útbýrð þú kynningartilboð:
- Opnaðu þínar skráningar og pikkaðu á breyta
- Opnaðu verðstillingar og pikkaðu á afslætti
- Opnaðu kynningartilboð fyrir nýja upplifun undir sértilboð og pikkaðu á útbúa tilboð
Þú stjórnar ávallt verði þínu og stillingum. Niðurstöður geta verið mismunandi.
Upplýsingarnar í þessari grein gætu hafa breyst frá birtingu.