Umsjón með verðstillingum

Samkvæmt gögnum okkar voru skráningar þar sem verði var breytt minnst fjórum sinnum á ári, með yfir 30% fleiri bókaðar gistinætur en þær sem gerðu það ekki.* Þú getur einnig bætt stöðu skráningar þinnar í leitarniðurstöðum á Airbnb með því að bjóða afslátt.

Sumir gestgjafar með margar eignir á skrá segja okkur að þeir uppfæri verðið ekki oft sökum þess hvað það getur verið tímafrekt. Afslættir eru einföld leið til að breyta verði á nótt í samræmi við tilteknar aðstæður. Reglusett hjálpa þér að sérsníða verðstefnu þína á skilvirkan hátt.

Þú getur sett upp afslætti fyrir skráningu þína beint úr dagatalinu eða tækifærisflipanum. Veltu fyrir þér kostum mismunandi tegunda afslátta til að velja þá sem henta skráningum þínum best. 

• Afsláttur vegna lengd dvalar: Bjóddu afslætti fyrir alla gistingu sem varir frá tveimur dögum til tólf vikna, svo sem afslátt fyrir viku- og mánaðarlega dvöl. Með þessum hætti getur þú aukið meðallengd dvala í eignum þínum og minnkað umstang á milli bókana.
• Afsláttur á síðustu stundu: Lækkaðu gistináttaverðið hjá þér eftir því sem styttist í innritun. Með þessum hætti ertu líklegri til að fylla upp í óbókaðar gistinætur og auka tekjurnar. Afsláttur sem nemur 10% eða meira birtist gestum sérstaklega á skráningarsíðunni.
• Forkaupsafsláttur: Bjóddu afslátt af bókunum sem eru gerðar einum til 24 mánuðum fyrir innritun og fáðu þannig nægar bókanir með góðum tekjugrundvelli fyrir komandi árstíðir. Afsláttur sem nemur 3% eða meira birtist gestum sérstaklega á skráningarsíðunni.
• Nýskráningartilboð: Bjóddu 20% afslátt af fyrstu þremur bókunum hjá nýjum skráningum. Auktu líkur á því að fá bókanir og umsagnir fyrr.
• Sérsniðið kynningartilboð: Þú velur dagsetningarnar og prósentuafsláttinn sem þú vilt bjóða af verðinu hjá þér. Afsláttur sem nemur 15% eða meira birtist gestum sérstaklega á skráningarsíðunni.
• Afsláttur sem fæst ekki endurgreiddur: Bjóddu 10% afslátt í samræmi við afbókunarreglu þína og haltu útborguninni eftir, óháð því hvenær gestur afbókar.

Svona birtast afslættir gestum með tilliti til prósentuhlutfalls afsláttar.

• Afsláttur sem nemur 1% eða meira: Afslátturinn birtist gestum í sérlínu í sundurliðun verðsins á skráningarsíðunni (ef heildarverðið hjá þér birtist þeim ekki) og á greiðslusíðunni. Þetta gildir ekki um bókanir með afslætti á síðustu stundu.

• Afsláttur sem nemur 10% eða meira: Gestir sjá yfirstrikað gistináttaverð í leitarniðurstöðum og á skráningarsíðunni auk allra ofangreindra atriða.

• 20% eða meira: Gestir sem hafa nýlega leitað að skráningum á þínu svæði gætu séð skráningarnar þínar í tölvupóstum frá Airbnb ásamt ofantöldum atriðum.

Í nóvember 2023 var um fjórðungur bókaðra gistinátta þar sem um lengri gistingu var að ræða, fyrir ferðir sem vörðu í þrjá mánuði eða lengur. Gestir sem hyggja á lengri gistingu leita yfirleitt að skráningum með afslætti.

Ef þú vilt ekki bjóða afslátt af öllum lausum dagsetningum gera reglusett þér kleift að laga gistináttaverð og dagatalsstillingar að ákveðnum þáttum. Þú getur notað reglusett jafnt fyrir staka skráningu og margar skráningar.

Taktu tillit til árstíma við val á reglusettum. Segjum sem dæmi að eftirspurnin þar sem þú ert sé breytileg eftir árstíðum. Þú gætir útbúið reglusett sem breytir stillingunum hjá þér þegar bókanir eiga það til að vera fáar. Þú gætir valið að bjóða forkaupsafslátt og afslátt vegna lengd dvalar, lengja hámarksdvöl og heimila bókanir samdægurs til að auka líkur á að gestir bóki lausar dagsetningar.

Auk afslátta getur þú breytt þessum framboðsstillingum í reglusetti.

• Kröfur um lengd ferðar: Tilgreindu lág- og hámarksdvöl sem þú getur sérsniðið eftir dögum.
• Inn- og útritunarkröfur: Tilgreindu inn- og útritunardaga gesta.

Til að nýta þér reglusett skaltu fyrst ganga úr skugga um að þú hafir aðgang að verkfærum faggestgjafa. (Ef þú ert með sex eða fleiri eignir á skrá hefur þú sjálfkrafa aðgang að slíkum verkfærum.) Þessi verkfæri eru aðeins aðgenginleg úr tölvu.

Þegar reglusett hefur verið virkjað gildir það umfram allar fyrirliggjandi verð- og framboðsstillingar, þar á meðal snjallverð.

Svona útbýrð þú nýtt reglusett:

1. Opnaðu fjöleignadagatalið.
2. Tilgreindu gildistímabil tiltekins reglusetts.
3. Veldu reglurnar úr valmyndinni.
4. Smelltu á útbúa nýtt reglusett.
5. Nefndu reglusettið (t.d. „háannatími“).
6. Smelltu á sérsníða við hliðina á reglunni sem þú vilt bæta við.
7. Tilgreindu verð- og framboðsreglur hjá þér.
8. Smelltu á vista.
9. Smelltu á hætta við til að fjarlægja reglu.

Svona breytir þú fyrirliggjandi reglusetti:

1. Opnaðu fjöleignadagatalið.
2. Smelltu á reglusett.
3. Flettu niður að reglusettinu sem þú vilt breyta og smelltu á breyta.

*Byggt á gögnum Airbnb um virkar skráningar frá og með júlí 2022

Ef þú notar API-tengdan hugbúnað getur þú notað þessa eiginleika í hugbúnaðinum þínum ef þjónustuveitandi þinn hefur samþætt þá. Ef svo er ekki skaltu hafa samband við þjónustuveitanda þinn til að komast að því hvenær eiginleikarnir verða í boði. Sérsniðin kynningartilboð er aðeins hægt að nota beint á Airbnb. Sumir eiginleikar kynningartilboða, svo sem yfirstrikun á verði, koma mögulega ekki fram á ákveðnum landssvæðum.

Upplýsingarnar í þessari grein gætu hafa breyst frá birtingu.