Stökkva beint að efni
    Haltu áfram til að sjá tillögur að niðurstöðum
    Svör fyrir ferðamenn varðandi kórónaveiruna

    Svör fyrir ferðamenn varðandi kórónaveiruna

    Kynntu þér hvernig við styðjum við ykkur með afbókunarreglum okkar og nýrri þjónustu.
    Höf: Airbnb, 10. mar. 2020
    7 mín. lestur

    Uppfært 17. mars 2020

    Við vitum að það er uppi mikil óvissa varðandi kórónaveiruna (COVID-19) og hvort hún hafi áhrif á ferðaáætlanir. Við erum að fylgjast með spurningum og hér svörum við nokkrum þeirra til að styðja við ferðamenn. Við munum áfram uppfæra þessa síðu eftir því sem ástandið þróast og fleiri svör berast.

    Mig langar að bóka ferð en er ekki viss um hvort ástandið varðandi kórónaveiruna muni breytast frekar. Hvað ætti ég að gera?
    Skiljanlega gætir þú verið óviss í augnablikinu um að bóka ferð fram í tímann. Við hvetjum alla gesti eindregið til að kynna sér vandlega afbókunarregluna fyrir allar bókanir sem þeir gera og velja skráningar sem veita sveigjanleika. Reglur okkar um gildar málsbætur ná ekki um yfir bókanir gerðar eftir 14. mars vegna aðstæðna sem tengjast COVID-19, né neinar bókanir sem eru þegar hafnar.

    Til að minnka óvissuna mælum við með því að finna eign með sveigjanlega afbókunarreglu. Við höfum því bætt við leitarsíu svo að auðveldara verði að finna og bóka slíka gistingu.

    Hvernig get ég fundið gistingu með sveigjanlegri afbókunarreglu?
    Gestgjafi ákvarðar afbókunarreglu og þær geta verið mismunandi (sveigjanleg, hófleg eða ströng). Nánari upplýsingar um afbókunarreglur hvers gististaðar er að finna á aðalsíðu hverrar skráningar. Við höfum bætt við nýrri síu til að auðvelda leitina að stöðum með sveigjanlega afbókunarreglu. Líttu aftur við hérna síðar fyrir frekari upplýsingar.

    Ég bókaði nýlega ferð á Airbnb og kórónaveiran raskaði áætlunum mínum. Get ég hætt við bókun?
    Það er ruglingslegt að ferðast á þessum tíma og ástandið hefur þróast hratt á síðustu mánuðum. Í samræmi við yfirlýsingu Alþjóðaheilbrigðisstofnunarinnar (WHO) um að COVID-19 sé heimsfaraldur höfum við nú útvíkkað reglur okkar um gildar málsbætur fyrir allan heiminn* til að ná yfir allar gjaldgengar bókanir sem gerðar eru 14. mars eða fyrr með innritun frá 14. mars til 14. apríl.

      Þetta þýðir einfaldlega eftirfarandi vegna gjaldgengra bókana:

      • Gestum býðst að afbóka fram að innritun og fá endurgreitt að fullu
      • Gestgjafar geta fellt niður bókun fram að innritun án þess að hafa áhyggjur af afbókunargjöldum og án áhrifa á stöðu ofurgestgjafa
      • Þjónustugjöld okkar verða endurgreidd að fullu fyrir hverja afbókun

        *Þetta á ekki við um innanlandsferðalög á meginlandi Kína. Hér eru ítarlegri upplýsingar. Bókanir hjá Luxe eða Luxury Retreats falla undir reglur um endurgreiðslu til gesta hjá Luxe.

        Hvaða reglur eiga við um gildar málsbætur?
        Reglur Airbnb umgildar málsbætur gefa gestum og gestgjöfum kost á að afbóka að kostnaðarlausu vegna áhrifa af alvarlegum meiðslum eða veikindum, náttúruhamförum, ferðatakmörkunum eða öðrum ófyrirsjáanlegum atburðum. Í samræmi við yfirlýsingu Alþjóðaheilbrigðisstofnunarinnar (WHO) um að COVID-19 sé heimsfaraldur höfum við útvíkkað þessar reglur fyrir allan heiminn til að ná yfir allar gjaldgengar bókanir sem gerðar eru 14. mars eða fyrr með innritun frá 14. mars til 14. apríl. Sé bókun þín þegar hafin (innritun er lokið) gilda þessar reglur ekki.

        Ég er ekki á áhrifasvæði en mér er ófært að komast í ferðina vegna kórónaveirunnar. Get ég hætt við?
        Ef bókunin þín var gerð 14. mars eða fyrr og innritun er milli 14. mars og 14. apríl getur þú afbókað og fengið fulla endurgreiðslu samkvæmt reglum okkar um gildar málsbætur. Athugaðu þó að þessar reglur gilda ekki um neinar bókanir gerðar eftir 14. mars vegna aðstæðna sem tengjast COVID-19, né neinar bókanir sem eru þegar hafnar. Frekari upplýsingar er að finna í þessari grein í hjálparmiðstöðinni.

        Ég bókaði nýlega ferð á Airbnb og ég get ekki ákveðið hvort ég ætti enn að fara í ferðina. Ætti ég að fara?
        Við mælum með því að fara að leiðbeiningum stjórnvalda og heilbrigðisyfirvalda. Við höfum tekið saman nokkrar ferðaráðleggingar og gagnleg úrræði til að auðvelda þér þessa mikilvægu ákvörðun.

        Ég bókaði upplifun á Airbnb. Hvað þarf ég að vita?
        Við gerum hlé á öllum upplifunum frá og með 18. mars til og með að minnsta kosti 3. apríl 2020. Við tókum þessa erfiðu ákvörðun vegna þess að upplifunum er ætlað að koma fólki saman og heilbrigðisstofnanir um allan heim hafa mælt á móti slíkum samskiptum og telja það eina bestu leiðina til að vernda samfélagið. Nýjustu uppfærslurnar er að finna í þessari grein í hjálparmiðstöðinni.

        Nýjar fréttir berast af kórónaveirunni á hverjum degi. Hvernig get ég best fylgst með fréttum?
        Við uppfærum Airbnb.com/COVID19 daglega og það er góður upphafspunktur fyrir fréttir og leiðbeiningar. Við mælum við með því að fylgja leiðbeiningum frá stjórnvöldum og heilbrigðisyfirvöldum varðandi allt sem tengist ferð þinni eða svæði.

        Gestgjafi var að fella bókunina mína niður. Hvað gerist núna?
        Við vitum að afbókanir geta verið óþægilegar, jafnvel þegar ástæður afbókunarinnar eru skiljanlegar. Hafðu í huga að gestgjafar sem afbóka samkvæmt reglum okkar um gildar málsbætur hafa sjálfir orðið fyrir áhrifum og að afbókun þeirra hjálpar til við að gæta hollustu allra samfélagsmeðlima okkar. Þú færð bókunina þína auðvitað endurgreidda að fullu.

        Ef gestgjafi hættir við bókunina þína og hún fellur ekki undir reglur okkar um gildar málsbætur vegna kórónaveirunnar færðu samt fulla endurgreiðslu sem þú getur notað til að bóka annars staðar.

        Hvað ætti ég að gera ef mér þykir óþægilegt að gista hjá gestgjafa?
        Ef þú hefur áhyggjur af því að gista hjá gestgjöfum á ákveðnum svæðum skiljum við áhyggjur þínar. Mundu að Airbnb er með reglur gegn mismunun áður en þú afbókar. Mundu að koma fram við hvern gestgjafa af samkennd og virðingu en það þýðir að þú notir sömu viðmið fyrir allar bókanir og eins þegar þú tekur ákvörðun um afbókun. Við höfum greint frá nokkrum leiðbeiningum og spurningum sem þú getur haft í huga til að auðvelda þér að fá upplýsingarnar sem þú þarft.

        Ég get ekki fengið endurgreitt samkvæmt afbókunarreglu gestgjafa míns. Af hverju?
        Airbnb er samfélag gesta og gestgjafa sem koma saman í gegnum verkvanginn. Gestgjafar ákveða hvenær eignir þeirra eru lausar, hve mikið þeir innheimta, sérstakar reglur um hvernig má nota staðinn, t.d. hversu margir gestir geta gist í einu, og þeir ákveða afbókunarregluna. Í mörgum tilvikum treysta gestgjafar á tekjur sínar af Airbnb til að ná endum saman og því getur þeim reynst erfitt að veita undanþágur frá reglum sínum.

        Ef bókunin þín var gerð 14. mars eða fyrr og innritun er milli 14. mars og 14. apríl getur þú afbókað og fengið fulla endurgreiðslu samkvæmt reglum okkar um gildar málsbætur.. Við viljum einnig leggja áherslu á að Airbnb hefur engan ávinning af neinum bókunum sem hætt er við samkvæmt þessum reglum. Þjónustugjöld okkar verða endurgreidd að fullu fyrir hverja afbókun. Við erum saman í þessu.

        Athugaðu þó að þessar reglur gilda ekki um neinar bókanir gerðar eftir 14. mars, bókanir með innritun eftir 14. apríl eða bókanir sem eru þegar hafnar (innritun er lokið) sem verður farið með samkvæmt venjulegri afbókunarreglu skráningarinnar.

        Ég bókaði ferð á áhrifasvæði. Hvað ætti ég að gera?
        Ef bókunin þín var gerð 14. mars eða fyrr með innritun frá 14. mars til 14. apríl gæti ferðin þín fallið undir reglur okkar um gildar málsbætur sem heimila þér að afbóka án gjalda. Bókamerktu þessa síðu í hjálparmiðstöðinni fyrir nýjustu upplýsingar.

        Ef þú þarft að hætta við ferð þína skaltu fylgja leiðbeiningum um hvernig þú hættir við bókun sem fellur undir reglur okkar um gildar málsbætur.

        Ég bókaði gistiaðstöðu á Airbnb vegna viðburðar sem var aflýst. Get ég hætt við bókun?
        Við vitum að margir ferðalangar bóka gistingu á Airbnb fyrir viðburði eins og Coachella, SXSW, Mobile World Congress og síðan mætti áfram telja. Ef þú ætlaðir á viðburð sem var aflýst og bókunin þín fellur ekki undir reglur okkar um gildar málsbætur skaltu skoða afbókunarregluna fyrir bókunina þína. Við höfum kynnt verkfæri svo að gestgjafar geti endurgreitt bókanir sem falla ekki undir reglur okkar um gildar málsbætur.

        Ég bókaði eign í Airbnb Luxe innan áhrifasvæðis. Nýt ég góðs af reglum um gildar málsbætur?
        Reglur okkar um gildar málsbætur eiga ekki við um bókanir hjá Airbnb Luxe sem falla undir sérstakar reglur um endurgreiðslu til gesta hjá Luxe..

        Ég þarfnast enn aðstoðar. Hvar finn ég úrræði á Netinu?
        Við vitum hvað það getur verið pirrandi að fá ekki svar strax. Við viljum hjálpa þér að fá þá aðstoð og upplýsingar sem þú þarft. Þess vegna opnuðum við Airbnb.com/COVID19 auk þess að við svörum áfram símtölum ykkar, spjalli og tölvupósti eins fljótt og auðið er.

        Hægt er að leysa úr mörgum algengum vandamálum á Netinu, og það á sérstaklega við um bókun sem fellur undir reglur okkar um gildar málsbætur. Þú getur einnig opnað hjálparmiðstöðina okkar til að finna fleiri svör.

        Ég hef aðrar spurningar. Við hvern ætti ég að hafa samband?
        Við hvetjum ferðalanga sem hafa orðið fyrir áhrfum til að hafa samband við þjónustuverið okkar vegna spurninga eða til þess að fá aðstoð við afbókun. Við kunnum að meta þolinmæði ykkar meðan við gefum þeim forgang sem þurfa tafarlausa aðstoð og biðjum þig um að hafa aðeins samband við okkur ef bókunin þín hefst innan 72 klst. Ef þú hefur áríðandi spurningu getur þú einnig skoðað Airbnb.com/COVID19 eða hjálparmiðstöðina.

        Við vitum hversu raskandi áhrif kórónaveiran hefur haft á ferðamenn og við erum ykkur innan handar. Takk fyrir að vinna með okkur til að tryggja öryggi og hollustu samfélagsins okkar.

        Upplýsingarnar í þessari grein gætu hafa breyst frá birtingu.

        Airbnb
        10. mar. 2020
        Kom þetta að gagni?