Viðmiðunarreglur um að semja skráningartitil

Skráningartitillinn er oft það fyrsta sem fólk les þegar það leitar sér að gistingu. Þar er tækifæri til að sýna hvað gerir heimilið einstakt, vekja áhuga á að bóka og gefa gestum réttar væntingar.

Hugsaðu um hvað ber af við þína eign og aðgreinir hana frá öðrum heimilum. Þú þarft ekki að fara nákvæmlega ofan í saumana á öllu. Vektu frekar áhuga gesta á að kanna eignina betur.

Byrjaðu á því helsta og reyndu að nota færri en 50 stafi. Lengri titlar eru sjálfkrafa styttir í leitarniðurstöðum svo að þeir passi á minni skjái. Titill eins og „Sveitakofi með útsýni yfir stöðuvatn, eldstæði og bátakví“ gæti til dæmis birst sem „Sveitakofi með útsýni yfir...“

Hér eru 3 góð dæmi um stutta skráningartitla:

• Afdrep fyrir vínunnendur efst í hlíðinni
• Nútímaleg risíbúð með útsýn yfir miðbæinn
• Villa í Año Nuevo við ströndina

Notaðu aðeins hástaf í upphafi setningar. Oftast er þægilegra að lesa lágstafi og sá texti er vingjarnlegri en að skrifa hvert orð með stórum staf eða aðeins með hástöfum.

Sérnöfn eru undantekin, svo sem nöfn hverfa og kennileita sem og skammstafanir fyrir land, flugvöll og þess háttar.

Hér eru þrjú góð dæmi um hástafi í skráningartitlum:

• Strandskáli við Bondi-strönd
• Rómantískt, viktorískt gestaherbergi
• Umhverfisvænt stúdíó nálægt KEF

Tjákn (emojis) og tákn geta valdið misskilningi eða verið villandi vegna þess að þau geta þýtt mismunandi hluti fyrir mismunandi fólki í kringum hnöttinn. Sumir gestir gætu átt erfitt með að lesa titil með sértáknum. Notaðu frekar einföld og lýsandi orð.

Það er í góðu lagi að nota sértákn (eins og !, # eða *) en ekki ef þau eru notuð fyrir áherslu (eins og !!! eða ***). Prófaðu að nota kommur, bil eða stakt skástrik til að aðskilja hugtök.

Hér er dæmi um það sem ætti ekki að gera:

• ****Skíða- & golfskáli****!!!

Hér er betri útfærsla:

• Skíða-/golfskáli með girtum garði

Almennt séð er óþarfi að endurtaka upplýsingar sem koma sjálfkrafa fram í leitarniðurstöðum gesta, þar á meðal borg eða bæ, fjölda rúma á heimilinu og hvort skráningin sé ný eða ekki. Nýttu frekar skráningartitilinn til að bæta við frekari upplýsingum eins og í þessum tveimur dæmum.

Í stað:

• Ný íbúð með 3 rúmum í Flórens

Hugsaðu um hvernig þú getur lýst staðsetningunni betur fyrir gestum:

• Sólrík íbúð án lyftu rétt hjá Uffizi-safninu

Í stað:

• Glænýtt gestahús í Flórens

Leggðu áherslu á lykilþægindi eins og afmarkað skrifstofusvæði:

• Gestahús sem hentar fyrir fjarvinnu

Upplýsingarnar í þessari grein gætu hafa breyst frá birtingu.